ឧកញ៉ាបណ្ឌិត គឹម ហ៊ាង៖ ជាមនុស្សរស់នៅក្នុងសង្គម ត្រូវធ្វើអ្វីដែលជាការពិត រស់នៅជាខ្លួនឯង កុំអួតខុសរឿង (Video inside)
10-07-2026 13:33
(ភ្នំពេញ)៖ ឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលបុរីវិមានសំណាង បានថ្លែងឲ្យដឹងថា មនុស្សរស់នៅក្នុងសង្គម ត្រូវធ្វើអ្វីដែលជាការពិត រស់នៅជាខ្លួនឯង កុំអួតខុសរឿង ដែលនាំឲ្យមានការលំបាកដល់ខ្លួនឯងន ៅពេលណាមួយ។
ការលើកឡើងរបស់លោក ឧកញ៉ាបណ្ឌិត គីម ហ៊ាង ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «បទពិសោធន៍នៃការដោះស្រាយ និងគ្រប់គ្រងបំណុលរបស់ឧកញ៉ាបណ្ឌិត គឹម ហ៊ាង។
ឧកញ៉ាបណ្ឌិត គីម ហ៊ាង បានថ្លែងថា ដើម្បីកុំឲ្យមានបញ្ហាណាមួយកើតឡើង មនុស្សយើងត្រូវចេះរស់នៅជាខ្លួនឯង កុំអួត កុំអំណួតខុសរឿង ព្រោះកាលណាដែលយើងអួតពេក ពេលមានបញ្ហានឹងពិបាករកអ្នកជួយណាស់ ហើយបើសួរថា បញ្ហាទាំងនេះកើតចេញពីណា គឺកើតចេញពីយើងខ្លួនឯង។
ឧកញ៉ាបណ្ឌិត គីម ហ៊ាង បានបន្ថែមថា ដូច្នេះសូមរស់ធម្មតានៅក្នុងសង្គមមានប៉ុណ្ណាថា ប៉ុណ្ណឹង កុំបំប៉ោង កុំពន្លើស ត្រូវរស់នៅជាខ្លួនឯង កុំអួតខុសរឿង។
ឧកញ៉ាបណ្ឌិត គីម ហ៊ាង បានបន្ដថា នៅពេលដែលយើងមិនបំប៉ោងការពិត មិនរស់នៅជាមួយអ្វីដែលមិនមែនជាការពិត នោះយើងមិនមានការលំបាកឡើយ។ ចំណុចដែលធ្វើឲ្យយើងស្លាប់ ឬរស់ពេលយើងជួបការលំបាកនោះគឺការខ្មាស់គេ ការយកសំបកក្រៅជាធំគឺច្បាស់ណាស់ នឹងជួបការលំបាកម្ដងហើយម្ដងទៀត៕
