(ភ្នំពេញ)៖ លោក​ គឹម មីនា នាយកប្រតិបត្តិក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (CTB) បានថ្លែងឲ្យដឹងថា ការបង្កើត ឬការរឹតចំណងមិត្តភាពរវាងទីភ្នាក់ងារទេសចរកម្ពុជា និងបណ្តាប្រទេសផ្សេងៗ ជាកត្តាសំខាន់ក្នុងការលក់កញ្ចប់ទេសចរណ៍។

ការលើកឡើងរបស់លោក ​គឹម មីនា ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «ការ​ស្ដារ និងទាក់ទាញភ្ញៀវទេសចរអន្តរជាតិអំឡុង​ពេល​មានវិបត្តិ»។

លោក ​គឹម មីនា បានថ្លែងឲ្យដឹងថា «ការបង្កើតឬរឹតចំណងមិត្តភាព រវាងទីភ្នាក់ងារទេសចរណ៍រវាងប្រទេសផ្សេងៗជាកត្តាសំខាន់ មិនមែនត្រឹមតែទីភ្នាក់ងារទេសចរណ៍ទេ គឺត្រូវធ្វើការសហការជាមួយក្រុមហ៊ុនអាកាសចរណ៍ ក្រុមហ៊ុនលក់សេវាកម្ម, កញ្ចប់លក់ទេសចរណ៍តាមរយៈថ្នាលបច្ចេកវិទ្យាអនឡាញជាដើម»។

លោកបានបន្ដថា ទាំងនេះជាអ្វីដែលយើងត្រូវធ្វើ ដើម្បីលក់កញ្ចប់ទេសចរណ៍ ទៅកាន់ទីផ្សារអន្ដរជាតិរបស់យើង។ ដោយឡែកចំពោះការផ្សព្វផ្សាយទេសចរណ៍គឺ មិនបង្ហាញលទ្ធផលភ្លាមៗនោះទេ ជាការបង្កើតរយៈពេលវែងចន្លោះពី៣-៦ខែ៕

សូមស្តាប់ការលើកឡើងរបស់លោក គឹម មីនា៖