* មុនជំនួបលោក ត្រាំ-លោក ស៊ី ជីនពីង សហរដ្ឋអាមេរិកជំរុញឱ្យចិនអនុវត្តតាមការសន្យាជុំវិញពាណិជ្ជកម្ម
* សម្តេចមហាបវរធិបតី៖ អត្ថន័យចម្រៀង «ម៉ែ! ពេលចប់សង្រ្គាមពុកមកវិញទេ?» បញ្ជាក់ច្បាស់ ហេតុអ្វីត្រូវអត់ធ្មត់ និងដោះស្រាយបញ្ហាតាមច្បាប់អន្តរជាតិ?
* គម្រោងវិនិយោគ ចំនួន៣៧ ក្នុងទំហំទុន ២៤៦លានដុល្លារ ត្រូវបានចុះបញ្ជីក្នុងខែតុលា
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា កីឡាមិនមែនគ្រាន់តែជាសកម្មភាពប្រកួតប្រជែង ដើម្បីដណ្តើមមេដាយ ឬបំបែកកំណត់ត្រានោះទេ។ កីឡា គឺជាមធ្យោបាយដ៏សំខាន់ក្នុងការកសាងមនុស្សឱ្យមានសុខភាពល្អ កាយសម្បទារឹងមាំ, វិន័យ, ការទទួលខុសត្រូវ និងស្មារតីសហការជាក្រុម។ កីឡា ក៏ជាសាលារៀនសម្រាប់អប់រំមនុស្សឱ្យចេះគោរពច្បាប់ គោរពគូប្រកួត ទទួលស្គាល់លទ្ធផល និងក្រោកឈរឡើងវិញនៅពេលបរាជ័យ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរៀបចំឱ្យមានការប្រកួតកីឡាជាតិ និងកីឡាជាតិជនពិការជាប្រចាំ ជាគំនិតផ្តួចផ្តើម ប្រកបដោយឆន្ទៈមោះមុត និងចក្ខុវិស័យវែងឆ្ងាយរបស់សម្តេចតេជោ ហ៊ុន សែន អតីតនាយករដ្ឋមន្រ្តី ក្នុងគោលបំណងផ្តល់ឱកាសដល់កីឡាករ កីឡាការិនីមកពីរាជធានី ខេត្តទាំង២៥ បញ្ចេញសមត្ថភាព ទេពកោសល្យ ព្រមទាំងដុសខាត់ស្មារតី ឆន្ទៈ និងសាមគ្គីភាព។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ព្រឹត្តិការណ៍នេះក៏ដើម្បី បង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលចំពោះតម្លៃដ៏វិសេសរបស់កីឡាករ កីឡាការិនី ជាពិសេសជំរុញការផ្លាស់ប្តូរឥរិយាបថសង្គមចំពោះជនមានពិការភាព សំដៅបង្កើតបរិយាកាសសង្គមកម្ពុជា ប្រកបដោយបរិយាប័ន្ន និងសុខដុម ដោយមិនទុកពលរដ្ឋណាម្នាក់ចោល។
* សម្តេចមហាបវរធិបតី ហ៊ុន ម៉ាណែត បានបង្ហាញក្តីសោមនស្សរីករាយ ដែលបានមកចូលរួមក្នុងពិធីបើកការប្រកួត កីឡាជាតិលើកទី៥ និងកីឡាជាតិជនពិការលើកទី៣ ក្រោមបុព្វបទ «កីឡាដើម្បីឯកភាពជាតិ»។
* វិមានក្រឹមឡាំង៖ ក្រុមមន្ត្រីការទូត-យោធារុស្ស៉ី នឹងចូលរួមក្នុងកិច្ចពិភាក្សាជាមួយសហរដ្ឋអាមេរិក និងអ៊ុយក្រែន
* សម្ដេចបវរធិបតី ហ៊ុន ម៉ាណែត អញ្ជើញជាអធិបតីបើកការប្រកួតកីឡាជាតិលើកទី៥ និងកីឡាជាតិជនពិការលើកទី៣
* គ.ប.ឆ.ប. បង្ហាញលទ្ធផលនៃកិច្ចប្រជុំផ្តល់បច្ចុប្បន្នភាពលើការប្រយុទ្ធប្រឆាំងបទល្មើស Online Scams ជូនដល់អង្គទូតបរទេស និងតំណាងអង្គការអន្តរជាតិប្រចាំកម្ពុជា
* ប្រធានាធិបតី ដូណាល់ ត្រាំ ផ្លាស់ប្តូរប្រធានខុទ្ទកាល័យសេតវិមាន បន្ទាប់ពីបរាជ័យក្នុងការបោះឆ្នោតពាក់កណ្តាលអាណត្តិ
* ក្រសួងមុខងារសាធារណៈ៖ ការធ្វើបច្ចុប្បន្នភាពរចនាសម្ព័ន្ធ និងជំរឿនមន្រ្តីជាក់ស្តែង សម្រេចបាន២៦ក្រសួង-ស្ថាប័ន
* សហរដ្ឋអាមេរិក រាយការណ៍ករណីជំងឺកញ្ជ្រឹលច្រើនបំផុត គិតក្នុងរយៈពេល៣៥ឆ្នាំ
* មនុស្សជាង ៤០០ ០០០នាក់នៅអាល្លឺម៉ង់ ធ្វើការតវ៉ាទាមទារដំឡើងប្រាក់ឈ្នួល និងលក្ខខណ្ឌការងារប្រសើរជាងមុន
* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

យល់ដឹងពីជំនួញ៖ អនុប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា ​ចែករំលែកគន្លឹះដែលរដ្ឋ និងវិស័យឯកជន ​គួរដោះស្រាយបញ្ហាប្រឈមរបស់ SME (Video inside)

26-07-2026 11:10

​​(ភ្នំពេញ)៖ សហគ្រាសធុនតូច និងមធ្យម (SME) នៅកម្ពុជាមានតួនាទីយ៉ាងសំខាន់ ក្នុងការចូលរួមចំណែកដល់កំណើនសេដ្ឋកិច្ចជាតិ ប៉ុន្តែនៅតែប្រឈមនឹងបញ្ហាមួយចំនួន ដែលទាមទារការយកចិត្តទុកដាក់ និងដំណោះស្រាយរួមគ្នាពីរាជរដ្ឋាភិបាល និងវិស័យឯកជន។

ឧកញ៉ាបណ្ឌិត ស៊ិន ចន្ធី អនុប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) បានលើកឡើងពីបញ្ហាប្រឈមសំខាន់ៗមួយចំនួន ដែល SME នៅកម្ពុជាជួបប្រទះ រួមមាន ការប្រកួតប្រជែងខ្លាំងជាមួយទំនិញនាំចូល តម្លៃដើមផលិតខ្ពស់ ការខ្វះដើមទុន និងការទទួលបានហិរញ្ញវត្ថុ ការខ្វះខាតបច្ចេកវិទ្យា ទីផ្សារមានកម្រិត និងផលិតផលមិនទាន់មានស្តង់ដារ ឬម៉ាកយីហោរឹងមាំ។

យ៉ាងនេះក្តី លោកបានលើកឡើងនូវគន្លឹះដោះស្រាយបញ្ហាមួយចំនួនដែលរដ្ឋ និងម្ចាស់សហគ្រាសខ្លួនឯង ត្រូវធ្វើដើម្បីជួយឱ្យ ដើម្បីជំរុញឱ្យ SME ឈរជើងរឹងមាំ។

លោកបានមានប្រសាសន៍ថា ដើម្បីដោះស្រាយបញ្ហាទាំងនេះ រាជរដ្ឋាភិបាលអាចផ្តោតលើការកាត់បន្ថយថ្លៃដើមផលិតកម្ម តាមរយៈការផ្តល់ឥណទានអត្រាការប្រាក់ទាប និងពង្រឹងមូលនិធិធានាឥណទានសម្រាប់ SME ឲ្យមានលក្ខណៈសាមញ្ញ។

ជាមួយគ្នានេះ រដ្ឋគួរជំរុញការប្រើប្រាស់ផលិតផលក្នុងស្រុក (Local Content Program) បណ្តុះបណ្តាលធនធានមនុស្ស និងផ្ទេរបច្ចេកវិទ្យា ព្រមទាំងពង្រឹងការអនុវត្តច្បាប់ដើម្បីទប់ស្កាត់ការក្លែងបន្លំផលិតផល និងទំនិញគេចពន្ធ។ ការជំរុញ SME ឲ្យទៅជាឌីជីថល និងការបើកទីផ្សារថ្មីៗតាមរយៈពិព័រណ៍ពាណិជ្ជកម្ម និងកិច្ចព្រមព្រៀងពាណិជ្ជកម្មសេរី ក៏ជាចំណុចគន្លឹះផងដែរ។

ចំណែកឯ SME ខ្លួនឯងក៏ត្រូវតែពង្រឹងសមត្ថភាពដោយខ្លួនឯងផងដែរ តាមរយៈការបង្កើនគុណភាពផលិតផល និងស្តង់ដារផលិតកម្ម ការបង្កើតម៉ាកយីហោរឹងមាំ ការប្រើប្រាស់បច្ចេកវិទ្យាឌីជីថលក្នុងការគ្រប់គ្រង និងទីផ្សារ។

ការបង្កើតបណ្តាញរវាង SME គ្នាឯងដើម្បីកាត់បន្ថយថ្លៃដើមវត្ថុធាតុដើម ការវិនិយោគលើការស្រាវជ្រាវ និងអភិវឌ្ឍន៍ផលិតផលថ្មី (R&D) ព្រមទាំងការបង្កើនតម្លាភាពហិរញ្ញវត្ថុ ក៏ជាកត្តាចាំបាច់ដើម្បីទទួលបានការគាំទ្រផ្នែកហិរញ្ញវត្ថុផងដែរ។ ការរួមចំណែកពីគ្រប់ភាគីនឹងជួយឲ្យ SME កម្ពុជាអាចឈរជើងរឹងមាំ និងរួមចំណែកដល់ការអភិវឌ្ឍសេដ្ឋកិច្ចជាតិប្រកបដោយចីរភាព៕

សូមស្តាប់ការពន្យល់លម្អិតរបស់ ឧកញ៉ាបណ្ឌិត ស៊ិន ចន្ធី៖