(ភ្នំពេញ)៖ លោក ច័ន្ទ សុផល នាយកមជ្ឈមណ្ឌលសិក្សាគោលនយោបាយ បានថ្លែងឲ្យដឹងថា ថ្លៃដើមជាកត្តាសំខាន់ ក្នុងការប្រកួតប្រជែង ដើម្បីឱ្យថ្លៃផលិតផលរបស់យើង លក់ធូរថ្លៃជាងប្រទេសជិតខាង លុះត្រាតែថ្លៃដើមទាប។

ការលើកឡើងរបស់លោក ច័ន្ទ សុផល ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «ថ្លៃដើម និងការប្រកួត​ប្រជែង​ក្នុងវិស័យកសិកម្មកម្ពុជា»។

លោក ច័ន្ទ សុផល បានថ្លែងឲ្យដឹងថា ប្រសិនបើចង់ប្រកួតប្រជែងជាមួយប្រទេសជិតខាង បានលុះត្រាតែថ្លៃដើមរបស់យើងមានតម្លៃទាប។ ថ្លៃដើមមានដូចជា ឈ្នួលដី ឈ្នួលសេវាកម្ម ពូជ ថ្នាំ, ជី ព្រមទាំងសេវាផ្សេងៗត្រូវមានតម្លៃទាប ប៉ុន្ដែបើថ្លៃដើមទាំងនេះថ្លៃនោះយើងពិបាកក្នុងការប្រកួតប្រជែង ព្រោះថ្លៃដើមថ្លៃផលិតផលសម្រេចលក់ចេញត្រូវមានតម្លៃរាងខ្ពស់បន្ដិច ប្រសិនបើលក់ថោកគឺខាត។

លោក ច័ន្ទ សុផល ថ្លៃដើមមានសារៈសំខាន់ និងជាកត្តាមួយធំ ដើម្បីមានភាពប្រកួតប្រជែង ក្នុងចំណុចនេះក៏ចង់បញ្ជាក់ថា មិនមែនថ្លៃដើមថោកអ្វីៗ ផលិតផលជាច្រើនលក់បានថោកនោះទេ ព្រោះអ្វីៗត្រូវការអនុវត្តការប្រើប្រាស់ថ្លៃដើម ឲ្យត្រូវនឹងបច្ចេកទេស និងពេលវេលាជាដើម៕

សូមស្តាប់ការលើកឡើងរបស់លោក ច័ន្ទ សុផល៖