(ភ្នំពេញ)៖ ឧត្ដមសេនីយ៍ទោ ហេង សំណាង អនុប្រធាននាយកដ្ឋានប្រឆាំងបទល្មើសបច្ចេកវិទ្យា និងលោកស្រី ប៊ុត ប៊ុនសីហា អនុប្រធាននាយកប្រតិបត្ដិធនាគារអេស៊ីលីដា បានអំពាវនាវឱ្យមានការប្រុងប្រយ័ត្នខ្ពស់ចំពោះការចុចលើឯកសារ (File) .exe .bat .vbs .ps1 .sh .msi .scr។

ការអំពាវនាវបែបនេះ ធ្វើឡើងក្នុងឱកាសដែលឧត្ដមសេនីយ៍ទោ ហេង សំណាង និងលោកស្រី ប៊ុត ប៊ុនសីហា អញ្ជើញចូលរួមជជែកពីសន្តិសុខសាយប័រ លើប្រធានបទ៖ «វិធានកា​រ ទប់ស្កាត់របស់អាជ្ញាធរមានសមត្ថកិច្ច ចំពោះការ ​ឆបោក​បន្លំខ្លួន​ជា​បុគ្គលិក​ធនាគារ​» ក្នុងកម្មវិធី CYBER SECURITY។

លោកស្រី ប៊ុត ប៊ុនសីហា បានលើកឡើងថា បើសិនជាឃើញឯកសារណា ដែលមើលទៅមានភាពប្រក្រតីនោះទេ សូមកុំចុចវាហើយប្រសិនជាច្រឡំចុច លើកទឹកចិត្ដឲ្យជូនដំណឹង ដល់សមត្ថកិច្ចជំនាញភ្លាមៗ ដើម្បីឲ្យសមត្ថកិច្ចជួយបានទាន់ពេលវេលា។

ឧត្ដមសេនីយ៍ទោ ហេង សំណាង ក៏បានប្រាប់ឲ្យប្រជាពលរដ្ឋមានការប្រុងប្រយ័ត្នខ្ពស់ ចំពោះការចុចលើឯកសារ (File) .exe .bat .vbs .ps1 .sh .msi .scr ដែលឯកសារទាំងនេះ ត្រូវបានកត់ចំណាំថា ជាឯកសារដែលខុសប្រក្រតី៕

សូមស្តាប់ការលើកឡើងរបស់ឧត្ដមសេនីយ៍ទោ ហេង សំណាង និងលោកស្រី ប៊ុត ប៊ុនសីហា៖