អតិថិជនដែលគ្មានលទ្ធភាពបង់សងទាន់ពេល គួរតែជជែកជាមួយគ្រឹះស្ថានធនាគារ ដែលខ្លួនខ្ចីដោយភាពស្មោះត្រង់ (Video inside)
07-08-2026 15:13
(ភ្នំពេញ)៖ លោក ហេង កូយ នាយកដ្ឋានមជ្ឈមណ្ឌលការពារអ្នកប្រើប្រាស់សេវាហិញ្ញវត្ថុ បានថ្លែងឲ្យដឹងថា ជាការពិតអតិថិជនអាចនឹងប្រឈម ឬជួបបញ្ហាណាមួយ ដែលមិនមានលទ្ធភាពបង់សងទាន់ពេលជូនដល់គ្រឹះស្ថាន ដូច្នេះសូមលើកទឹកចិត្តដល់សាធារណជនទាំងអស់ សូមមេត្តាជួបជជែករកដំណោះស្រាយជាមួយគ្រឹះស្ថាន ធនាគារដែលខ្លួនខ្ចី ដោយភាពស្មោះត្រង់។
ការលើកឡើងរបស់លោក ហេង កូយ ធ្វើឡើងអក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «យន្តការពង្រឹងលើការការពារអ្នកប្រើប្រាស់ ក្នុងវិស័យហិរញ្ញវត្ថុនៅកម្ពុជា»។
លោក ហេង កូយ បានថ្លែងឲ្យដឹងថា «ជាការពិតអតិថិជន និងធនាគារគួរតែមានភាពស្មោះត្រង់ ក្នុងជជែកជាមួយគ្នាករណីមានការលំបាកណាមួយកើតមានឡើង សូមជជែកគ្នាដើម្បីរកដំណោះស្រាយ។ ក្នុងករណីជជែកគ្នាដោយភាពស្មោះត្រង់ នោះធនាគារនឹងមានមធ្យោបាយមួយចំនួន ដែលអាចដោយមើលតាមលទ្ធភាព មើលតាមអតិថិជនជាដើម»។
លោកបានបញ្ជាក់ថា ក្នុងន័យនេះចង់បញ្ជាក់ថា ប្រសិនបើអតិថិជនមិនមានបញ្ហាចោទនោះទេ ប៉ុន្ដែចង់គេចវេសមិនចង់សង់ត្រឡប់ត្រូវដឹងថា ទង្វើលនេះជាទង្វើមិនត្រឹមត្រូវទេ៕
សូមស្តាប់ការលើកឡើងរបស់លោក ហេង កូយ៖
