(ភ្នំពេញ)៖ ការផ្ចិតផ្ចង់គុណភាពផលិតផលពីមួយកម្រិតទៅមួយកម្រិត គឺជាកត្តាសំខាន់បំផុតដែលជំរុញឱ្យអាជីវកម្មទទួលបានកេរ្តិ៍ឈ្មោះកាន់តែល្អប្រសើរ និងអាចចាប់យកចំណែកទីផ្សារកាន់តែធំទូលាយ ដែលអ្នករកស៊ីគិតគូរ ដើម្បីជំរុញឱ្យអាជីវកម្មរបស់ខ្លួនមាននិរន្តភាព និងមានទីផ្សារខ្ពស់។

នៅក្នុងបរិបទសេដ្ឋកិច្ចបច្ចុប្បន្ន ដែលមានការប្រកួតប្រជែងខ្ពស់ អ្នកប្រើប្រាស់កាន់តែមានការយកចិត្តទុកដាក់លើគុណភាព និងភាពជឿជាក់នៃផលិតផល ឬសេវាកម្មដែលពួកគេជ្រើសរើស។ ដូច្នេះ ការយកចិត្តទុកដាក់ ទៅលើការកែលម្អគុណភាព មិនត្រឹមតែជួយរក្សាអតិថិជនចាស់ប៉ុណ្ណោះទេ ប៉ុន្តែថែមទាំងទាក់ទាញអតិថិជនថ្មីៗបន្ថែមទៀតផង។ នៅពេលដែលផលិតផលមានគុណភាពខ្ពស់ជាប់លាប់ វាបង្កើតបាននូវទំនុកចិត្ត និងភក្ដីភាពពីអតិថិជន ដែលជាកម្លាំងចលករដ៏សំខាន់សម្រាប់កំណើនអាជីវកម្ម។ គុណភាពល្អក៏ជួយកាត់បន្ថយការចំណាយលើការដោះស្រាយបញ្ហា ឬការប្រគល់ផលិតផលវិញផងដែរ។

លោក គីន ឧត្តមមុនី ស៊ីណាត ប្រធានគ្រប់គ្រងទូទៅនៃក្រុមហ៊ុន PIC TIRE Co.,LTD បានលើកឡើងលេីកឡេីងដែរ ដោយសារការផ្ចិតផ្ចង់គុណភាពផលិតផលពីមួយកម្រិតទៅមួយកម្រិត បានធ្វេីឱ្យសំបកកង់ឡានសៃឡុនដែលផលិតនៅក្នុងស្រុក ទទួលបានគាំទ្រ និងពេញនិយមពីអ្នកប្រេីប្រាស់ និងពង្រីកទីផ្សារនាំបានទៅក្រៅប្រទេសបានបន្តបន្ទាប់។

លើសពីនេះ ផលិតផលដែលមានគុណភាពខ្ពស់តែងតែទទួលបានការផ្សព្វផ្សាយដោយឥតគិតថ្លៃតាមរយៈការណែនាំតៗគ្នាពីអតិថិជន ដែលជាយុទ្ធសាស្ត្រទីផ្សារដ៏មានប្រសិទ្ធភាពបំផុត។ ដូច្នេះ ការយកចិត្តទុកដាក់លើគ្រប់ដំណាក់កាលនៃការផលិត ចាប់ពីការជ្រើសរើសវត្ថុធាតុដើម រហូតដល់ការត្រួតពិនិត្យចុងក្រោយ គឺជាគន្លឹះដើម្បីធានាថាផលិតផលសម្រេចបាននូវស្តង់ដារខ្ពស់បំផុត។

សូុមស្តាប់ការពន្យល់បន្ថែមរបស់ លោក គីន ឧត្តមមុនី ស៊ីណាត ប្រធានគ្រប់គ្រងទូទៅនៃក្រុមហ៊ុន PIC TIRE Co.,LTD ៖