(ភ្នំពេញ)៖ ក្នុងកម្មវិធី FRESH BUSINESS ដែលពិភាក្សាលើប្រធានបទ៖ «មូលដ្ឋាននៃការវាយតម្លៃកម្ចី អាជីវកម្ម​នៅកម្ពុជា» លោក អឿ វិបុល នាយកប្រតិបត្តិឥណទាន SME Bank បានលើកឡើងថាSME Bank ព្យាយាមជួយវិភាគ និងរួមគ្នាជាមួយម្ចាស់​អាជីវកម្មដែលរងការខាតបង់ ដើម្បីឱ្យពួកគេមានលទ្ធភាព ទទួលបានកម្ចីស្តារអាជីវកម្មឡើងវិញ។

លោក អឿ វិបុល បានថ្លែងឲ្យដឹងថា សម្រាប់ការជួយដល់វិស័យដែលជួបប្រទះបញ្ហានោះ គឺ SME Bank ព្យាយាមជួយវិភាគ ព្យាករណ៍ជាមួយម្ចាស់អាជីវកម្ម ជួយជាគំនិតក្នុងការស្ដារអាជីវកម្ម ធ្វើយ៉ាងណាឲ្យពួកគាត់ទទួលបានឥណទាន បន្ដដំណើរការអាជីវកម្មបន្ថែម។

លោកបានបន្ដថា ដោយឡែកចំពោះអតិថិជន ដែលមានបញ្ហាទុនបង្វិល លក់បានច្រើន តែបង្វិលបានតិច (ករណីអតិថិជនទិញជំពាក់) ជួបបញ្ហាដូច្នេះ SME Bank នឹងចុះត្រួតពិនិត្រដោយផ្ទាល់ថា ពិភាក្សាជាមួយម្ចាស់អាជីវកម្មថា តើអតិថិជនមានគោលនយោបាយផ្ដល់ការលក់ដោយជំពាក់ ទទួលបានលុយមកវិញក្នុងរយៈពេលប៉ុន្មាន? SME Bank នឹងពិនិត្រមើលបំណុល ដែលអតិថិជនបានជំពាក់ម្ចាស់អាជីវកម្ម និងរយៈពេលនៃការសង់ត្រឡប់ បន្ទាប់ពីការពិនិត្រ សិក្សាជាមួយម្ចាស់អាជីវកម្មរួចរាល់នោះ SME Bank នឹងរកចំណុចនៃលទ្ធភាពនៃ ការសងត្រឡបរបស់ម្ចាស់អាជីវកម្មឃើញហើយ កាលណារកឃើញនោះយើងនឹងពិចារណាក្នុងការផ្ដល់កម្ចីបន្ថែមដល់ពួកគាត់៕

សូមស្តាប់ការលើកឡើងរបស់លោក អឿ វិបុល៖