(ភ្នំពេញ)៖ លោក អឿ វិបុល នាយកប្រតិបត្តិឥណទាន SME Bank បានបញ្ជាក់ឲ្យដឹងថា ធនាគារសហគ្រាសធុនតូច និងមធ្យម (SME Bank) អាចផ្តល់កម្ចីអត្រាការប្រាក់ក្រោម៥% សម្រាប់វិស័យអាទិភាព​ និងសហគ្រិនស្រ្តី។

ការបញ្ជាក់ឲ្យដឹងបែបនេះ ធ្វើឡើងក្នុងឱកាសដែល លោក អឿ វិបុល អញ្ជើញចូលរួម ក្នុងកិច្ចពិភាក្សាមួយ ក្រោមប្រធានបទ ស្តីពី «មូលដ្ឋាននៃការវាយតម្លៃកម្ចីអាជីវកម្ម​នៅកម្ពុជា» ក្នុងកម្មវិធី Fresh Business។

លោក អឿ វិបុល បានបញ្ជាក់យ៉ាងដូច្នេះថា «វិស័យអាទិភាព ដោយផ្ដោតទៅលើការកែច្នៃកសិផល និងកម្មាន្តសាល ចឹងនៅក្នុងវិស័យអាទិភាពនេះ បើមើលជាទូទៅអត្រា ការប្រាក់របស់ធនាគារ នៅក្នុងរង្វង់៥ភាគរយប៉ុណ្ណឹង ហើយអាចផ្ដល់ពិសេសទៀត ក្រោម៥ភាគរយ បើសិនជាកែច្នៃកសិផល និងជាសហគ្រិនស្ដ្រី»៕

ខាងក្រោមនេះ ជាវីដេអូនៃការលើកឡើងទាំងស្រុង របស់លោក អឿ វិបុល៖