* Fresh Exclusive: សម្ពាធការទូតពីភ្នំពេញដល់ម៉ានីល៖ ការមិនគោរពកិច្ចព្រមព្រៀង និងការគេចវេសរបស់ថៃ ត្រូវបានលាតត្រដាងលើឆាកអន្តរជាតិ
* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* សម្តេចធិបតី ហ៊ុន ម៉ាណែត ស្នើជាថ្មីដល់ភាគីថៃ ឱ្យសហការបន្តការងារវាស់វែង និងខណ្ឌសីមាព្រំដែនជាបន្ទាន់ ដើម្បីលុបបំបាត់ឫសគល់នៃជម្លោះ និងឈានទៅរកសន្តិភាពយូរអង្វែង
* សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញដល់ប្រទេសវិញហើយ ក្រោយបញ្ចប់ការងារនៅហ្វីលីពីន
* សម្តេចតេជោ ហ៊ុន សែន ផ្ញើសារទៅថៃ បើចង់ឱ្យកម្ពុជា ឈប់លើករឿងថៃឈ្លានពានលើវេទិកាអន្តរជាតិ ត្រូវគោរពកិច្ចព្រមព្រៀង និងចាប់ផ្តើមដំណើរការវាស់វែងដីព្រំដែន
* វិភាគអន្តរជាតិ៖ តើលោក ដូណាល់ ត្រាំ និងលោក គីម ជុងអ៊ុន អាចជួបគ្នាជាថ្មីនៅចិន?
* នៅចំពោះមុខសម្តេចតេជោ, អនុប្រធានព្រឹទ្ធសភាម៉ាឡេស៊ី ចង់បង្កើតឱ្យមានក្រុមមិត្តភាពនៃសមាជិកព្រឹទ្ធសភាប្រទេសទាំងពីរ ដើម្បីឱ្យមានចំណងមិត្តភាពនៃស្ថាប័ននីតិបញ្ញត្តិកាន់តែរឹងមាំ
* លោក ដូណាល់ ត្រាំ លើកឡើងពីកិច្ចព្រមព្រៀងសន្តិភាពទីក្រុងកូឡាឡាំពួរ សម្តែងក្តីសង្ឃឹមចំពោះនិរន្តរភាព
* សម្ដេចមហាបវរធិបតី ហ៊ុន ម៉ាណែត ចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក និងពិធីលៀងសាយភោជន៍ផ្លូវការនៅប្រទេសហ្វីលីពីន
* សម្តេចមហាបវរធិបតី ហ៊ុន ម៉ាណែត អញ្ជើញចូលរួមពិធីបិទកិច្ចប្រជុំកំពូលអាស៊ាននៅហ្វីលីពីន
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ឧបនាយករដ្ឋមន្ត្រី អូន ព័ន្ធមុនីរ័ត្ន៖ ផ្សារមូលបត្រកម្ពុជា បើកឱកាសឱ្យសហគ្រាសធុនតូច និងមធ្យម កៀរគរទុនដោយមិនចាំបាច់មានទ្រព្យបញ្ចាំ (Video inside)

27-10-2026 14:43

(ភ្នំពេញ)៖ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានលើកឡើងថា ផ្សារមូលបត្រកម្ពុជា បានបើកឱកាសដល់សហគ្រាសធុនតូច និងមធ្យម (SMEs) ក្នុងការកៀរគរទុនសម្រាប់ពង្រីកអាជីវកម្ម តាមរយៈទីផ្សារកំណើន ដែលមានលក្ខខណ្ឌអំណោយផល និងមិនតម្រូវឱ្យមានទ្រព្យបញ្ចាំ ដូចការស្នើសុំឥណទានពីធនាគារនោះទេ។

ការលើកឡើងរបស់ អគ្គបណ្ឌិតសភាចារ្យ អូន ព័ន្ធមុនីរ័ត្ន ធ្វើឡើងក្នុងឱកាសអគ្គបណ្ឌិតសភាចារ្យ អញ្ជើញចូលរួមក្នុងវេទិកាថ្នាក់ជាតិ ស្តីពី ហិរញ្ញប្បទានសម្រាប់ MSMEs លើកទី១ ឆ្នាំ២០២៦ ក្រោមប្រធានបទ «លទ្ធភាពទទួលបានហិរញ្ញប្បទានរបស់ MSMEs» នៅថ្ងៃទី២៧ ខែតុលា ឆ្នាំ២០២៦។

អគ្គបណ្ឌិតសភាចារ្យ អូន ព័ន្ធមុនីរ័ត្ន បានថ្លែងថា ទីផ្សារកំណើនត្រូវបានបង្កើតឡើង ដើម្បីផ្ដល់លទ្ធភាពដល់សហគ្រាសធុនតូច និងមធ្យម អាចប្រមូលទុនពីទីផ្សារមូលធន ដោយមានលក្ខខណ្ឌចូលទីផ្សារសមស្របជាងមុន ក្នុងនោះតម្រូវឱ្យមានដើមទុនអប្បបរមាចំនួន ៥០ ម៉ឺនដុល្លារអាមេរិក និងមានប្រាក់ចំណេញយ៉ាងតិចមួយឆ្នាំ។

អគ្គបណ្ឌិតសភាចារ្យបានបញ្ជាក់ថា ជាក់ស្ដែងមកដល់ពេលនេះ មានក្រុមហ៊ុនចំនួន៣ បានចុះបញ្ជីជួញដូរដោយជោគជ័យ នៅក្នុងទីផ្សារកំណើននេះ ដោយអាចកៀរគរទុនបានសរុបប្រមាណ ១៤លានដុល្លារអាមេរិក។

ទោះជាយ៉ាងណា ចំនួនក្រុមហ៊ុនដែលបានចូលរួមនៅមានកម្រិតនៅឡើយ ប៉ុន្តែទីផ្សារនេះនៅតែមានសក្ដានុពលខ្ពស់ សម្រាប់ការអភិវឌ្ឍវិស័យសហគ្រាសធុនតូច និងមធ្យមនៅកម្ពុជា។

តាមរយៈទីផ្សារកំណើន សហគ្រាសអាចកៀរគរទុន បានតាមរយៈច្រកសំខាន់ពីរ គឺការលក់មូលបត្រកម្មសិទ្ធិ ឬភាគហ៊ុន និងការបោះផ្សាយមូលបត្របំណុល ដើម្បីប្រមូលធនធានហិរញ្ញវត្ថុ យកមកបំពេញតម្រូវការអាជីវកម្ម និងគាំទ្រដល់ការពង្រីកប្រតិបត្តិការរបស់ខ្លួន។

អគ្គបណ្ឌិតសភាចារ្យបានបន្ថែមថា «អ្វីដែលគួរឱ្យកត់សម្គាល់នោះ គឺការកៀរគរទុន តាមរយៈទីផ្សារមូលបត្រ មិនផ្អែកជាចម្បងលើទ្រព្យបញ្ចាំ ដូចការផ្ដល់ឥណទានធនាគារនោះទេ ប៉ុន្តែផ្ដោតលើភាពជឿទុកចិត្ត របស់វិនិយោគិនចំពោះសហគ្រាស។ ភាពជឿទុកចិត្តនេះ អាស្រ័យលើសមត្ថភាពរបស់ក្រុមហ៊ុន ក្នុងការរៀបចំផែនការអាជីវកម្ម ការធានាតម្លាភាព និងគណនេយ្យភាព ក៏ដូចជាការគ្រប់គ្រងអាជីវកម្ មប្រកបដោយប្រសិទ្ធភាព និងស្របតាមស្តង់ដាអភិបាលកិច្ចល្អ»។

អគ្គបណ្ឌិតសភាចារ្យបានបញ្ជាក់ថា «ប្រសិនបើសហគ្រាសអាចបង្ហាញពីភាពច្បាស់លាស់ ក្នុងការគ្រប់គ្រង មានតម្លាភាព និងមានសមត្ថភាពបង្កើតប្រាក់ចំណេញ ព្រមទាំងផ្ដល់ផលប្រយោជន៍ដល់អ្នកវិនិយោគ នោះសហគ្រាសអាចទាក់ទាញទុនពីវិនិយោគិនបាន ដោយមិនចាំបាច់ពឹងផ្អែកលើទ្រព្យបញ្ចាំ ជាលក្ខខណ្ឌសំខាន់ឡើយ»។

អគ្គបណ្ឌិតសភាចារ្យ អូន ព័ន្ធមុនីរ័ត្ន បានជំរុញឱ្យសហគ្រាសធុនតូច និងមធ្យម ចូលរួមក្នុងទីផ្សារមូលបត្រកាន់តែច្រើន គឺជាឱកាសមួយក្នុងការធ្វើពិពិធកម្មប្រភពទុន កាត់បន្ថយការពឹងផ្អែកលើឥណទានធនាគារតែមួយមុខ និងពង្រឹងសមត្ថភាពអាជីវកម្មឱ្យមាននិរន្តរភាព។

ទន្ទឹមនឹងនេះ សហគ្រាសក៏ត្រូវបង្កើនតម្លាភាព និងលើកកម្ពស់អភិបាលកិច្ចផ្ទៃក្នុង ដើម្បីទទួលបានទំនុកចិត្តពីវិនិយោគិន និងទាញយកអត្ថប្រយោជន៍ពីទីផ្សារមូលធននេះ ឱ្យបានកាន់តែទូលំទូលាយ៕