* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

អាកាសយានដ្ឋានអន្តរជាតិតេជោ កំពុងពិនិត្យ និងកែសម្រួលសិទ្ធិនៃការហោះហើរ ឱ្យកាន់តែទូលំទូលាយ និងតភ្ជាប់ ជើងហោះហើរឱ្យបានច្រើនប្រទេស (Video inside)

06-11-2026 14:55

(ភ្នំពេញ)៖ លោក ស៉ីន ចាន់សេរីវុត្ថា អ្នកនាំពាក្យ និងជារដ្ឋលេខាធិកាអាកាសចរណ៍ស៉ីវិល បានលើកឡើងថា អាកាសយានដ្ឋានអន្តរជាតិតេជោ កំពុងពិនិត្យ និងកែសម្រួលសិទ្ធិនៃការហោះហើរ ឱ្យកាន់តែទូលំទូលាយ និងតភ្ជាប់ជើងហោះហើរឱ្យបានច្រើនប្រទេស។

ការលើកឡើងរបស់លោក ស៉ីន ចាន់សេរីវុត្ថា ធ្វើឡើងក្នុងកម្មវិធី FRESH BUSINESS កិច្ចពិភាក្សាលើប្រធានបទ៖ «ផលប្រយោជន៍ សេដ្ឋកិច្ច ជាតិ ពី ការពង្រឹងភាព ប្រកួតប្រជែង អាកាសយានដ្ឋានតេជោ»។

លោក ស៉ីន ចាន់សេរីវុត្ថា បានលើកឡើងថា ការពិនិត្យ និងធ្វើបច្ចុប្បន្នភាពសិទ្ធិហោះហើរនេះ គឺជាការងារសំខាន់មួយ ដើម្បីសម្រួលដល់ក្រុមហ៊ុនអាកាសចរណ៍អន្តរជាតិ ក្នុងការតភ្ជាប់ជើងហោះហើរមកកាន់កម្ពុជា និងចេញពីកម្ពុជាទៅកាន់គោលដៅផ្សេងៗ។

លោកបានបញ្ជាក់ថា កម្ពុជាមានឯកសារគោលនយោបាយជាតិ ស្តីពីការដឹកជញ្ជូនតាមផ្លូវអាកាស និងផែនការយុទ្ធសាស្ត្រសម្រាប់ការអភិវឌ្ឍវិស័យអាកាសចរណ៍ស៊ីវិល ដែលជាត្រីវិស័យ និងជាផែនទីបង្ហាញផ្លូវសម្រាប់ជំរុញការអភិវឌ្ឍវិស័យនេះក្នុងរយៈពេលខាងមុខ។

លោកបានឱ្យដឹងថា កន្លងមក កម្ពុជាបានអនុវត្តគោលនយោបាយបើកចំហដែនអាកាស ដោយសម្រួលដល់ក្រុមហ៊ុនអាកាសចរណ៍បរទេស ក្នុងការហោះហើរមកកាន់កម្ពុជា និងដឹកជញ្ជូនអ្នកដំណើររវាងកម្ពុជា និងប្រទេសដទៃ។ ទោះជាយ៉ាងណា អាជ្ញាធរកំពុងពិនិត្យបន្ថែមលើការកែសម្រួលសិទ្ធិហោះហើរ ដើម្បីឱ្យកាន់តែសមស្របទៅនឹងស្ថានភាពជាក់ស្តែង និងអាចបង្កើនឱកាសតភ្ជាប់ផ្លូវអាកាសជាមួយប្រទេសកាន់តែច្រើន។

លោក ស៉ីន ចាន់សេរីវុត្ថា បានលើកឡើងថា តាមផែនការដែលបានរៀបចំ កម្ពុជារំពឹងថានឹងទទួលបានអ្នកដំណើរតាមផ្លូវអាកាសចំនួន ៨លាននាក់នៅឆ្នាំ២០២៧។ ប៉ុន្តែដោយសារកត្តាប្រឈមមួយចំនួន ចំនួនអ្នកដំណើរជាក់ស្តែងមិនទាន់សម្រេចតាមការរំពឹងទុកនោះទេ ដោយគិតត្រឹមខែកញ្ញា មានអ្នកដំណើរជាង ៤,៥លាននាក់ប៉ុណ្ណោះ។

លោកបានបន្ថែមថា ដើម្បីសម្រេចបានគោលដៅអ្នកដំណើរ ៨លាននាក់នៅឆ្នាំ២០២៧ វិស័យអាកាសចរណ៍ត្រូវការកំណើនយ៉ាងតិចប្រមាណ ៣០% និងត្រូវបង្កើនចំនួនអ្នកដំណើរបន្ថែមប្រមាណ ១,៨លាននាក់។ ដូច្នេះ កម្ពុជាចាំបាច់ត្រូវពិនិត្យ និងកែសម្រួលផែនការឱ្យមានភាពបត់បែន ស្របតាមស្ថានភាពជាក់ស្តែង។

ការពង្រីកសិទ្ធិហោះហើរ និងការតភ្ជាប់ជើងហោះហើរអន្តរជាតិ ត្រូវបានចាត់ទុកថាជាកត្តាសំខាន់មួយក្នុងការបង្កើនលំហូរអ្នកដំណើរ ទាក់ទាញភ្ញៀវទេសចរ និងបង្កើតឱកាសសេដ្ឋកិច្ចបន្ថែម តាមរយៈការជំរុញវិស័យទេសចរណ៍ ពាណិជ្ជកម្ម និងការវិនិយោគនៅកម្ពុជា៕

សូមស្តាប់ការលើកឡើងរបស់លោក ស៊ីន ចាន់សិរីវត្ថា៖