* សម្តេចធិបតី ហ៊ុន ម៉ាណែត និងគណៈប្រតិភូជាន់ខ្ពស់រាជរដ្ឋាភិបាលកម្ពុជាបានអញ្ជើញដល់អាកាសយានដ្ឋានអន្តរជាតិ Ninoy Aquino International Airport
* កម្ពុជា-កាណាដា ឯកភាពជំរុញកិច្ចសហប្រតិបត្តិការទ្វេភាគីឱ្យកាន់តែរឹងមាំ និងស៊ីជម្រៅ
* កាណាដា នឹងធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី លើកទី២១ នៅឆ្នាំ២០២៨ ខាងមុខនេះ
* សម្តេចមហាបវរធិបតី ហ៊ុន ម៉ាណែត បានដឹកនាំគណៈប្រតិភូចាកចេញពីកម្ពុជាហើយ ដើម្បីចូលរួមកិច្ចប្រជុំកំពូលពាក់ព័ន្ធ នៃកិច្ចប្រជុំកំពូលអាស៊ាន លើកទី៤៩ នៅទីក្រុងម៉ានីល
* កិច្ចប្រជុំកំពូលហ្វ្រង់កូហ្វូនី លើកទី២០ ចេញសេចក្តីសម្រេចស្តីពីស្ថានភាពវិបត្តិ ស្ថានភាពចាកចេញពីវិបត្តិ និងស្ថានភាពពង្រឹងសន្តិភាពនៅក្នុងលំហហ្វ្រង់កូហ្វូនី ដោយបញ្ជាក់ជំហរគាំទ្រអធិបតេយ្យភាព និងបូរណភាពទឹកដីកម្ពុជា
* ក្រោយបញ្ចប់កិច្ចប្រជុំ ដែលកម្ពុជាធ្វើជាម្ចាស់ផ្ទះ «ហ្វ្រង់កូហ្វូនី លើកទី២០» ចេញសេចក្តីថ្លែងការណ៍ទីក្រុងភ្នំពេញ ចំនួន៣២ចំណុច
* កិច្ចប្រជុំកំពូល «ហ្វ្រង់កូហ្វូនី លើកទី២០» ចេញ «សេចក្តីអំពាវនាវទីក្រុងភ្នំពេញ» ដែលមានចំណុចគន្លឹះចំនួន៧ ស្តីពី «កិច្ចការពារបេតិកភណ្ឌវប្បធម៌ និងការលើកកម្ពស់ភាពចម្រុះនៃវប្បធម៌»
* ប្រធានាធិបតីបារាំង លោក ម៉ាក្រុង ចាកចេញពីកម្ពុជាហើយ ក្រោយបន្សល់ទុកផ្លែផ្កាជាប្រវត្តិសាស្ត្រ និងបើកទំព័រសករាជថ្មីនៃទំនាក់ទំនងកម្ពុជា-បារាំង និងពិភពហ្វ្រង់កូហ្វូនី
* កិច្ចប្រជុំកំពូលហ្វ្រង់កូហ្វូនី លើកទី២០ ចេញសេចក្តីសម្រេចស្តីពីស្ថានភាពវិបត្តិ ស្ថានភាពចាកចេញពីវិបត្តិ និងស្ថានភាពពង្រឹងសន្តិភាពនៅក្នុងលំហហ្វ្រង់កូហ្វូនី ដោយបញ្ជាក់ជំហរគាំទ្រអធិបតេយ្យភាព និងបូរណភាពទឹកដីកម្ពុជា
* កិច្ចព្រមព្រៀង និងឯកសារគតិយុត្តចំនួន១០ ត្រូវបានចុះហត្ថលេខាក្នុងអំឡុងវេទិកាធុរកិច្ចបារាំង-កម្ពុជា ឆ្នាំ២០២៦ បើកផ្លូវជំរុញការធ្វើពាណិជ្ជកម្មលើវិស័យសំខាន់ៗ
* លោក ម៉ាក្រុង រំលេចពីមោទនភាពនៃការជួសជុល និងដាក់តាំង «ព្រះវិស្ណុផ្ទំ» នៅសារមន្ទីរ Guimet ដែលទាក់ទាញមនុស្សរាប់ម៉ឺននាក់ឱ្យស្គាល់អរិយធម៌ខ្មែរ
* ប្រធានាធិបតីបារាំង សម្តែងការកោតសរសើរយ៉ាងខ្លាំងចំពោះព្រះរាជបន្ទូលភាសាបារាំងដ៏ល្អឥតខ្ចោះរបស់ ព្រះមហាក្សត្រខ្មែរ
* សម្តេចធិបតី ហ៊ុន ម៉ាណែត ទទួលស្វាគមន៍ និងពិភាក្សាការងារជាមួយនាយករដ្ឋមន្ត្រីកាណាដា
* ព្រះមហាក្សត្រ ថ្លែងអំណរគុណប្រទេសបារាំង និងរាជរដ្ឋាភិបាលកម្ពុជា ចំពោះកិច្ចខិតខំប្រឹងប្រែងជួសជុលស្តារប្រាសាទមេបុណ្យខាងលិចឱ្យរស់ឡើងវិញ
* កិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ បានបិទបញ្ចប់ដោយជោគជ័យ, ជាមួយការចេញសេចក្ដីថ្លែងការណ៍ទីក្រុងភ្នំពេញ ផ្តោតសំខាន់៣២ចំណុច
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ធនាគារជាតិនៃកម្ពុជា ចុះចុះអនុស្សរណៈយោគយល់ជាមួយ Visa និង Mastercard ដើម្បីអភិវឌ្ឍមុខងារ KHQR ក្នុងការពង្រីកលទ្ធភាពទូទាត់ឌីជីថល សម្រួលដល់ភ្ញៀវទេសចរ

16-11-2026 17:31

(ភ្នំពេញ)៖ ធនាគារជាតិនៃកម្ពុជា បានចុះអនុស្សរណៈយោគយល់ (MoU) ចំនួន២ដាច់ដោយឡែកពីគ្នា ជាមួយក្រុមហ៊ុនបណ្ដាញប័ណ្ណទូទាត់អន្តរជាតិ Visa និង Mastercard ដើម្បីសហការអភិវឌ្ឍមុខងារ KHQR Connector ក្នុងគោលបំណងពង្រីកលទ្ធភាពទូទាត់ឌីជីថល និងសម្រួលដល់ការទូទាត់របស់ភ្ញៀវទេសចរអន្តរជាតិនៅកម្ពុជា។

ពិធីចុះហត្ថលេខានេះធ្វើឡើងនៅថ្ងៃទី១៦ ខែវិច្ឆិកា ឆ្នាំ២០២៦ ក្នុងអំឡុងពេលរៀបចំវេទិកាហិរញ្ញវត្ថុអន្តរជាតិ Black Swan Summit Cambodia នៅកម្ពុជា។

យោងតាមសេចក្តីប្រកាសព័ត៌មានរបស់ធនាគារជាតិនៃកម្ពុជា បានបញ្ជាក់ថា «ការចុះហត្ថលេខាលើអនុស្សរណៈយោគយល់ ជាមួយក្រុមហ៊ុនបណ្ដាញប័ណ្ណទូទាត់អន្តរជាតិទាំងពីរខាងលើធ្វើឡើង ក្នុងគោលបំណងលើកកម្ពស់ និងជំរុញប្រសិទ្ធភាពនៃការទូទាត់ឌីជីថល តាមរយៈការស្កេន KHQR code នៅក្នុងប្រទេសកម្ពុជា ដោយពង្រីកលទ្ធភាពក្នុងការទទួលការទូទាត់បន្ថែម ជាមួយបណ្ដាញប្រតិបត្តិការ ឬគ្រឹះស្ថានជាដៃគូនៅក្រៅប្រទេសរបស់ក្រុមហ៊ុនបណ្ដាញប័ណ្ណទូទាត់អន្តរជាតិទាំងពីរ។

ការណ៍នេះនឹងផ្ដល់លទ្ធភាពឱ្យភ្ញៀវទេសចរបរទេស ឬអ្នកដំណើរដែលធ្វើដំណើរមកកាន់ប្រទេសកម្ពុជា អាចប្រើប្រាស់កម្មវិធីធនាគារចល័ត ឬកម្មវិធីទូទាត់ចល័តរបស់ខ្លួន ដែលបានភ្ជាប់ជាមួយបណ្ដាញប័ណ្ណទូទាត់អន្តរជាតិ VISA និង Mastercard ដោយអាចស្កេន KHQR Code ទូទាត់ជាមួយពាណិជ្ជករនៅទូទាំងប្រទេសកម្ពុជា។

ការអភិវឌ្ឍមុខងារនេះនឹងជួយលើកកម្ពស់បទពិសោធ នៃការទូទាត់ជាឌីជីថលនៅកម្ពុជា និងជំរុញការប្រើប្រាស់មធ្យោបាយទូទាត់អេឡិចត្រូនិកជំនួសឱ្យសាច់ប្រាក់ ដែលផ្ដល់នូវភាពងាយស្រួលរហ័ស និងមានសុវត្ថិភាពខ្ពស់។

កិច្ចសហប្រតិបត្តិការនេះក៏នឹងជួយកាត់បន្ថយភាពស្មុគស្មាញ ក្នុងការទូទាត់សម្រាប់ភ្ញៀវទេសចរបរទេស អ្នកប្រើប្រាស់សេវាទូទាត់អន្តរជាតិ និងជួយសម្រួលដល់ពាណិជ្ជករ ក្នុងការទទួលការទូទាត់ពីភ្ញៀវអន្តរជាតិដែលធ្វើដំណើរមកកាន់កម្ពុជាផងដែរ។

លើសពីនេះ គំនិតផ្តួចផ្តើមនេះនឹងរួមចំណែកក្នុងការពង្រឹងទំនាក់ទំនង នៃកិច្ចសហប្រតិបត្តិការ រវាងវិស័យសាធារណៈ និងវិស័យឯកជន ក្នុងការជំរុញការធ្វើសមាហរណកម្មប្រព័ន្ធទូទាត់សងប្រាក់នៅកម្ពុជា និងការបន្តអភិវឌ្ឍហេដ្ឋារចនាសម្ព័ន្ធទូទាត់ឌីជីថល ដែលមានលទ្ធភាពធ្វើអន្តរប្រតិបត្តិការជាមួយ បណ្ដាញប័ណ្ណទូទាត់សងប្រាក់ទាំងក្នុងតំបន់ និងអន្តរជាតិឱ្យកាន់តែទំនើប មានប្រសិទ្ធភាព និងប្រកបដោយបរិយាបន្ន៕