* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

ក្រុមហ៊ុនបុត្រសម្ព័ន្ធរបស់អ្នកឧកញ៉ា សៀ ឬទ្ធី និងក្រុមហ៊ុន ធេលហ្វា អ៊ិន ចាប់ដៃគូជាយុទ្ធសាស្ត្រ ផ្ដាច់មុខក្នុងការផ្តល់សេវាកម្មឡូជីស្ទីក

22-11-2026 11:26

(ភ្នំពេញ)៖ ក្រុមហ៊ុន ធេលហ្វា អ៊ិន ដែលជាក្រុមហ៊ុនចែកចាយផលិតផលឱសថនៅកម្ពុជា និងក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក បានចុះហត្ថលេខាលើកិច្ចព្រមព្រៀងផ្តាច់មុខ ស្តីពីការផ្តល់សេវាកម្មឡូជីស្ទីក ដែលតាមរយៈកិច្ចព្រមព្រៀងនេះ ក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក នឹងទទួលបន្ទុកប្រតិបត្តិការឃ្លាំងស្តុកឱសថ និងផលិតផលវេជ្ជសាស្ត្រដាច់ដោយឡែកមួយ សម្រាប់ក្រុមហ៊ុន ធេលហ្វា អ៊ិន នៅក្នុងទីតាំងឃ្លាំងរបស់ខ្លួន អាសយដ្ឋាន ផ្លូវជាតិលេខ២ ភូមិដំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ នាថ្ងៃទី២០ ខែវិច្ឆិកា ឆ្នាំ២០២៦។

ពិធីចុះហត្ថលេខាលើកិច្ចព្រមព្រៀងនេះ បានប្រព្រឹត្តទៅនៅរាជធានីភ្នំពេញ ដោយមានការចុះហត្ថលេខាពី លោក Vivek Sharma ប្រធានក្រុមប្រឹក្សាភិបាលនៃក្រុមហ៊ុន ក្រុមហ៊ុន ធេលហ្វា អ៊ិន និងលោក Richard Lui នាយកនៃក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក ។

ពិធីនេះក៏មានការអញ្ជើញចូលរួមពី លោក Vallabhaneni Pundari Baba អគ្គនាយកប្រតិបត្តិនៃក្រុមហ៊ុន ធេលហ្វា អ៊ិន លោក Dickson Pang ប្រធាននាយកដ្ឋានពាណិជ្ជកម្ម នៃក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក ព្រមទាំងមានវត្តមានជាសាក្សីកិត្តិយសពីសំណាក់ អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលនៃក្រុមហ៊ុន វើលដ៍ប្រ៊ីដ គ្រុប និងលោក សែន សារ៉ាត់ ប្រធាននាយកដ្ឋានផ្នែកលក់ នៃក្រុមហ៊ុន ធេលហ្វា អ៊ិន ។

ក្រោមកិច្ចសហប្រតិបត្តិការរយៈពេលវែងនេះ ក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក នឹងផ្តល់ជូនក្រុមហ៊ុន ធេលហ្វា អ៊ិន នូវសេវាកម្មឃ្លាំងស្តុកឱសថឯកទេស ដែលបំពាក់ដោយប្រព័ន្ធត្រួតពិនិត្យ និងគ្រប់គ្រងសីតុណ្ហភាពយ៉ាងត្រឹមត្រូវ ដើម្បីធានាបាននូវគុណភាព និងសុវត្ថិភាពនៃការរក្សាទុកផលិតផលឱសថ ជាពិសេសផលិតផលដែលតម្រូវឱ្យមានការរក្សាទុកក្នុងខ្សែសង្វាក់ត្រជាក់ ។ សេវាកម្មនេះរួមមានទីតាំងផ្ទុកទំនិញដែលមានសីតុណ្ហភាពក្រោម +30°C និងបន្ទប់ត្រជាក់ដែលរក្សាសីតុណ្ហភាពចន្លោះពី +2°C ដល់ +8°C។

លើសពីនេះ សេវាកម្មរួមមានការលើកដាក់ និងរៀបចំទំនិញ ការគ្រប់គ្រងស្តុក ការទទួលទំនិញចូល ការរៀបចំ និងបំពេញការបញ្ជាទិញ ព្រមទាំងការដឹកជញ្ជូនផលិតផលទៅកាន់ទីតាំងនានាតាមតម្រូវការរបស់អតិថិជន។ សេវាកម្មទាំងនេះមានគោលបំណងគាំទ្រដល់ប្រសិទ្ធភាពនៃប្រតិបត្តិការខ្សែសង្វាក់ផ្គត់ផ្គង់ និងធានាឱ្យបាននូវការចែកចាយផលិតផលឱសថប្រកបដោយភាពជឿជាក់ និងទាន់ពេលវេលា។

ដើម្បីពង្រឹងគុណភាពសេវាកម្ម និងធានាឱ្យការរក្សាទុក និងចែកចាយឱសថស្របតាមស្តង់ដារអនុវត្តល្អ (Good Distribution Practice – GDP និង Good Storage Practice – GSP) ហើយក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក នឹងចាប់ផ្តើមដំណើរការស្នើសុំវិញ្ញាបនបត្រ GDP/GSP សម្រាប់ទីតាំងនេះ បន្ទាប់ពីប្រតិបត្តិការចាប់ផ្តើម។

ប្រតិបត្តិការនៅទីតាំងឃ្លាំងនេះ ត្រូវបានរំពឹងថានឹងចាប់ផ្តើមនៅក្នុងឆ្នាំ២០២៧ បន្ទាប់ពីបញ្ចប់នីតិវិធីចាំបាច់ពាក់ព័ន្ធនឹងការទទួលបានអាជ្ញាបណ្ណប្រតិបត្តិការឃ្លាំង និងការជូនដំណឹងជាផ្លូវការទៅកាន់ក្រសួងសុខាភិបាល ស្របតាមបទប្បញ្ញត្តិជាធរមាន។

លោក Vivek Sharma ប្រធានក្រុមប្រឹក្សាភិបាលនៃក្រុមហ៊ុន ធេលហ្វា អ៊ិន បានថ្លែងថា អ្នកជំងឺ និងវេជ្ជបណ្ឌិតនៅកម្ពុជាតែងតែពឹងផ្អែកលើការរក្សាទុក និងការដឹកជញ្ជូនឱសថឱ្យស្ថិតក្នុងលក្ខខណ្ឌសមស្រប និងស្របតាមស្តង់ដារគុណភាពគ្រប់ពេលវេលា។ ភាពជាដៃគូនេះនឹងផ្តល់ជូនក្រុមហ៊ុន ធេលហ្វា អ៊ិន នូវលទ្ធភាពប្រើប្រាស់ឃ្លាំងផ្ទុកឱសថដែលមានអាជ្ញាបណ្ណ និងបំពាក់ដោយប្រព័ន្ធត្រួតពិនិត្យសីតុណ្ហភាព រួមទាំងប្រព័ន្ធខ្សែសង្វាក់ត្រជាក់ (Cold Chain) ជាក់លាក់ ដែលគ្រប់គ្រងដោយដៃគូផ្នែកឡូជីស្ទីកដែលមានជំនាញ និងបទពិសោធន៍ច្បាស់លាស់។

កិច្ចសហប្រតិបត្តិការនេះនឹងជួយពង្រឹងគុណភាពសេវាកម្មដែលយើងផ្តល់ជូនដល់ដៃគូផលិតឱសថ និងអ្នកផ្តល់សេវាថែទាំសុខភាពនៅទូទាំងប្រទេស ព្រមទាំងបង្កើតមូលដ្ឋានដ៏រឹងមាំសម្រាប់ការពង្រីកអាជីវកម្ម និងការអភិវឌ្ឍឱកាសថ្មីៗនាពេលអនាគត។

លោក Vallabhaneni Pundari Baba អគ្គនាយកប្រតិបត្តិនៃក្រុមហ៊ុន ធេលហ្វា អ៊ិន បានមានប្រសាសន៍បន្ថែមថា៖ការផ្ទេរប្រតិបត្តិការឃ្លាំងស្តុកឱសថរបស់យើងមកកាន់ក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក នឹងអនុញ្ញាតឱ្យក្រុមការងាររបស់យើងផ្តោតការយកចិត្តទុកដាក់លើសមត្ថភាពអាជីវកម្មស្នូលរបស់យើង គឺការចុះបញ្ជី និងនាំយកឱសថដែលមានគុណភាពខ្ពស់មកកាន់ទីផ្សារកម្ពុជា។ ទន្ទឹមនឹងនេះ យើងអាចធានាបានថា ស្តុកឱសថរបស់យើងនឹងត្រូវបានរក្សាទុក និងគ្រប់គ្រងស្របតាមស្តង់ដារអន្តរជាតិ ដោយមានប្រព័ន្ធត្រួតពិនិត្យ និងតាមដានច្បាស់លាស់ ដែលជួយពង្រឹងប្រសិទ្ធភាព និងភាពជឿជាក់ក្នុងប្រតិបត្តិការរបស់យើង។

លោក Richard Liu នាយកក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក បានមានប្រសាសន៍ថា៖គោលដៅរបស់ ខេ-វើលដ៏ប្រ៊ីដ ឡូជីស្ទីក ឯ.ក មិនត្រឹមតែជាការផ្តល់សេវាកម្មឡូជីស្ទីក ប៉ុណ្ណោះទេ ប៉ុន្តែយើងក៏ផ្តោតសំខាន់លើការយល់ដឹងយ៉ាងស៊ីជម្រៅអំពីតម្រូវការអាជីវកម្មរបស់ដៃគូយើងផងដែរ។ តាមរយៈភាពជាដៃគូនេះ យើងមានបំណងគាំទ្រដល់កំណើនអាជីវកម្មរបស់ក្រុមហ៊ុន ធេលហ្វា អ៊ិន តាមរយៈការផ្តល់ដំណោះស្រាយឡូជីស្ទីក ដែលមានភាពជឿជាក់ ប្រសិទ្ធភាព និងឆ្លើយតបទៅនឹងតម្រូវការជាក់ស្តែងរបស់អតិថិជន។

កិច្ចសហប្រតិបត្តិការនេះមិនត្រឹមតែពង្រឹងសមត្ថភាព និងពង្រីកវិសាលភាពសេវាកម្មរបស់ ខេ-វើលដ៏ប្រ៊ីដ ឡូជីស្ទីក ឯ.ក ប៉ុណ្ណោះទេ ប៉ុន្តែថែមទាំងរួមចំណែកដល់ការកសាងខ្សែសង្វាក់ផ្គត់ផ្គង់ ដែលកាន់តែរឹងមាំ មានប្រសិទ្ធភាព និងអាចទុកចិត្តបាន សម្រាប់គាំទ្រដល់ការរីកចម្រើននៃវិស័យសុខាភិបាលនៅក្នុងប្រទេសកម្ពុជាផងដែរ។

ក្រុមហ៊ុន ធេលហ្វា អ៊ិន គឺជាក្រុមហ៊ុននាំចូល និងចែកចាយឱសថដែលមានមូលដ្ឋាននៅរាជធានីភ្នំពេញ និងត្រូវបានបង្កើតឡើងក្នុងឆ្នាំ២០០៨។ ក្រុមហ៊ុនមានជំនាញក្នុងការចុះបញ្ជី នាំចូល និងចែកចាយឱសថមានវេជ្ជបញ្ជា ក្នុងនាមក្រុមហ៊ុនផលិតឱសថអន្តរជាតិនៅទូទាំងប្រទេសកម្ពុជា។

ក្រុមហ៊ុនមានជំនាញក្នុងវិស័យព្យាបាលជំងឺជាច្រើន រួមមាន ជំងឺបេះដូង និងជំងឺទឹកនោមផ្អែម ការថែទាំសង្គ្រោះបន្ទាន់ និងការព្យាបាលជំងឺទូទៅ ព្រមទាំងមានបណ្តាញទំនាក់ទំនងជាមួយអ្នកជំនាញផ្នែកសុខាភិបាលជាង ១០,០០០ នាក់នៅក្នុងប្រទេសកម្ពុជា។

ក្រុមហ៊ុន ខេ-វើលដ៏ប្រ៊ីដ ឡូជីស្ទីក ឯ.ក គឺជាផ្នែកមួយនៃក្រុមហ៊ុន KLN Logistics Group Limited (លេខកូដភាគហ៊ុន៖ 0636.HK) ដែលជាក្រុមហ៊ុនផ្តល់សេវាកម្មឡូជីស្ទីក និងដំណោះស្រាយខ្សែសង្វាក់ផ្គត់ផ្គង់រួមបញ្ចូលដ៏ឈានមុខគេមួយនៅក្នុងប្រទេសកម្ពុជា។ ផ្តល់ជូននូវសេវាកម្មឃ្លាំងគយ ការបំពេញបែបបទគយ ការដឹកជញ្ជូន ការចែកចាយ និងដំណោះស្រាយខ្សែសង្វាក់ផ្គត់ផ្គង់ដ៏ទូលំទូលាយ។

ខេ-វើលដ៏ប្រ៊ីដ ឡូជីស្ទីក ឯ.ក គាំទ្រដល់វិស័យឧស្សាហកម្មជាច្រើនប្រភេទ ដោយផ្តោតការយកចិត្តទុកដាក់កាន់តែខ្លាំងលើវិស័យវេជ្ជសាស្ត្រ និងសុខាភិបាល តាមរយៈការផ្តល់ដំណោះស្រាយឡូជីស្ទីក ឯកទេសសម្រាប់ផលិតផលឱសថ សម្ភារៈបរិក្ខារពេទ្យ និងសម្ភារៈផ្គត់ផ្គង់ផ្នែកវេជ្ជសាស្ត្រ។

តាមរយៈហេដ្ឋារចនាសម្ព័ន្ធឃ្លាំងទំនើប បណ្តាញចែកចាយដែលអាចទុកចិត្តបាន និងការប្តេជ្ញាចិត្តក្នុងការគ្រប់គ្រងទំនិញប្រកបដោយសុវត្ថិភាព និងប្រសិទ្ធភាព ខេ-វើលដ៏ប្រ៊ីដ ឡូជីស្ទីក ឯ.ក មានគោលបំណងគាំទ្រដល់ខ្សែសង្វាក់ផ្គត់ផ្គង់ក្នុងវិស័យសុខាភិបាល និងធានាឱ្យផលិតផលវេជ្ជសាស្ត្រចាំបាច់ត្រូវបានដឹកជញ្ជូនទៅកាន់គោលដៅនានាប្រកបដោយភាពជឿជាក់ និងទាន់ពេលវេលា។

ដោយទទួលបានវិញ្ញាបនបត្រពាណិជ្ជករឆ្នើមកម្ពុជា ឆ្នាំ២០១៩ (Cambodia's Best Trader Certificate 2019) រួមបញ្ចូលនូវជំនាញ និងបទពិសោធន៍ដ៏រឹងមាំក្នុងស្រុក ជាមួយនឹងបណ្តាញប្រតិបត្តិការអន្តរជាតិរបស់ក្រុមហ៊ុន KLN ដែលមានវិសាលភាពគ្របដណ្តប់លើប្រទេសចំនួន ៥៩ នៅទូទាំងពិភពលោក ដើម្បីផ្តល់ជូនអតិថិជននូវដំណោះស្រាយភស្តុភារកម្មរួមបញ្ចូល ប្រកបដោយប្រសិទ្ធភាព និងភាពជឿជាក់៕