* ជួបសម្តេចមហាបវរធិបតី, ឯកអគ្គរដ្ឋទូតអាមេរិក បានបញ្ជាក់ថា អាមេរិក នៅតែបន្តជំរុញការអនុវត្តសេចក្តីថ្លែងការណ៍រួមទីក្រុងកូឡាឡាំពួលើបញ្ហាព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* ជួបអនុប្រធានព្រឹទ្ធសភាម៉ាឡេស៊ី, សម្តេចមហាបវរធិបតី បង្ហាញការពេញលើចំណងមិត្តភាពប្រទេសទាំងពីរ និងឆ្លៀតលើកពីស្ថានភាពព្រំដែនកម្ពុជា-ថៃ
* លោក ដូណាល់ ត្រាំ ថាអាមេរិកកំពុងពង្រីកកិច្ចសហប្រតិបត្តិការផ្នែកការពារជាតិជាមួយហ្វីលីពីន
* ទោះបីជាពេលវេលាតែមួយថ្ងៃ តែសម្តេចធិបតី ហ៊ុន ម៉ាណែត បានចូលរួមកិច្ចប្រជុំកំពូលរហូតដល់៧ និងជំនួបទ្វេភាគីចំនួន២ ដោយគ្រប់នាទីសុទ្ធតែមានតម្លៃ
* សម្តេចធិបតី ហ៊ុន ម៉ាណែត ស្នើជាថ្មីដល់ភាគីថៃ ឱ្យសហការបន្តការងារវាស់វែង និងខណ្ឌសីមាព្រំដែនជាបន្ទាន់ ដើម្បីលុបបំបាត់ឫសគល់នៃជម្លោះ និងឈានទៅរកសន្តិភាពយូរអង្វែង
* សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញដល់ប្រទេសវិញហើយ ក្រោយបញ្ចប់ការងារនៅហ្វីលីពីន
* ទូរទស្សន៍ Fresh News ផ្សាយផ្ទាល់៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ដឹកនាំគណៈប្រតិភូត្រឡប់មកដល់មាតុភូមិវិញ ក្រោយចូលរួមកិច្ចប្រជុំកំពូលអាស៊ាន នៅហ្វីលីពីន នាយប់ថ្ងៃទី១៧ ខែវិច្ឆិកា ឆ្នាំ២០២៦នេះ
* សម្តេចតេជោ ហ៊ុន សែន ផ្ញើសារទៅថៃ បើចង់ឱ្យកម្ពុជា ឈប់លើករឿងថៃឈ្លានពានលើវេទិកាអន្តរជាតិ ត្រូវគោរពកិច្ចព្រមព្រៀង និងចាប់ផ្តើមដំណើរការវាស់វែងដីព្រំដែន
* វិភាគអន្តរជាតិ៖ តើលោក ដូណាល់ ត្រាំ និងលោក គីម ជុងអ៊ុន អាចជួបគ្នាជាថ្មីនៅចិន?
* នៅចំពោះមុខសម្តេចតេជោ, អនុប្រធានព្រឹទ្ធសភាម៉ាឡេស៊ី ចង់បង្កើតឱ្យមានក្រុមមិត្តភាពនៃសមាជិកព្រឹទ្ធសភាប្រទេសទាំងពីរ ដើម្បីឱ្យមានចំណងមិត្តភាពនៃស្ថាប័ននីតិបញ្ញត្តិកាន់តែរឹងមាំ
* លោក ដូណាល់ ត្រាំ លើកឡើងពីកិច្ចព្រមព្រៀងសន្តិភាពទីក្រុងកូឡាឡាំពួរ សម្តែងក្តីសង្ឃឹមចំពោះនិរន្តរភាព
* សម្ដេចមហាបវរធិបតី ហ៊ុន ម៉ាណែត ចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក និងពិធីលៀងសាយភោជន៍ផ្លូវការនៅប្រទេសហ្វីលីពីន
* សម្តេចមហាបវរធិបតី ហ៊ុន ម៉ាណែត អញ្ជើញចូលរួមពិធីបិទកិច្ចប្រជុំកំពូលអាស៊ាននៅហ្វីលីពីន
* Fresh Exclusive: សេចក្តីសម្រេចហ្វ្រង់កូហ្វូនីទាំង៣៖ តើកម្ពុជាទទួលបានអ្វីខ្លះក្នុងការការពារអធិបតេយ្យភាព បូរណភាពទឹកដី និងប្រាសាទបុរាណខ្មែរ?
* ⁨CoolApp របស់កម្ពុជាមានមុខងារ «Reel» ថ្មី ផ្តល់បទពិសោធន៍អូសមើលវីដេអូខ្លីៗដូចបណ្តាញសង្គម TikTok

ប្រជាកសិករស្រក់ទឹកភ្នែក ព្រោះតម្លៃស្រូវធ្លាក់ចុះខ្លាំង ប្រឈមនឹងការជំពាក់គេវ័ណ្ត.ក (Video Inside)

12-09-2016 17:31

(បន្ទាយមានជ័យ)៖ ប្រជាកសិករ នៅខេត្តបន្ទាយមានជ័យ កំពុងជួបបញ្ហាធំ ដោយសារតែផលស្រូវរបស់ពួកគាត់ ដែលកំពុងប្រមូលនោះ គ្មានទីផ្សារ និងតម្លៃធ្លាក់ចុះ ធ្វើឲ្យពួកគាត់ខាតបង់ ហើយអ្នកខ្លះជំពាក់គេវ័ណ្តក ថែមទៀតផង។

ការធ្លាក់ចុះនៃតម្លៃស្រូវ នៅក្នុងខែកញ្ញានេះ ដោយធ្លាក់ពីតម្លៃជាង៩ពាន់បាត ក្នុងមួយតោនមកនៅ ត្រឹម៧ពាន់បាត ក្នុងមួយតោនប៉ុណ្ណោះ។ ការធ្លាក់ចុះនេះ ត្រូវបានប្រជាកសិករនាំគ្នាត្អូញត្អែរ ជាមួយនឹងក្តីអស់សង្ឃឹម ចំពោះការធ្វើស្រែចំការ របស់ពួកគាត់។

ជាមួយគ្នានេះ ក្នុង Facebook របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅប៉ុន្មានថ្ងៃមកនេះ ប្រជាកសិករ ក៏បាន Comment យ៉ាងច្រើន ពាក់ព័ន្ធការធ្លាក់ចុះនៃតម្លៃស្រូវ របស់ពួកគាត់ផងដែរ។ ពិសេសពួកគាត់សូមឲ្យនាយករដ្ឋមន្ត្រី ជួយដោះស្រាយបញ្ហានេះផង។   

លោក ណុច ស៊ីនួន ប្រជាកសិករក្នុងភូមិគោកបាល័ង្ល ឃុំគោកបាល័ង្ល ស្រុកមង្គលបុរី ខេត្តបន្ទាយមានជ័យ បានប្រាប់អង្គភាព Fresh News តាមទូរស័ព្ទនៅថ្ងៃទី១២ ខែកញ្ញានេះថា ប្រជាកសិករដែល នៅក្នុងខេត្តបន្ទាយមានជ័យ ចាប់ផ្តើមប្រមូលផលជាបណ្តើរៗហើយ ស្រូវដែលពួកគាត់ធ្វើជា ប្រភេទស្រូវក្រអូប ដែលមានឈ្មោះថា «ស្រូវសែនក្រអូប» ដើម្បីបំពេញតម្រូវការទីផ្សារអង្ករក្រអូប ទាំងក្នុងស្រុក និងការនាំចេញ។

លោកបន្តថា ប្រជាកសិករដែលធ្លាប់តែមានក្តីសង្ឃឹម ចំពោះតម្លៃស្រូវក្រអូបនោះ នៅឆ្នាំនេះបែរមកជាក្តីអស់សង្ឃឹម ដែលអ្នកខ្លះចង់យំ ក៏យំមិនចេញទឹកភ្នែក ព្រោះថា តម្លៃស្រូវបានធ្លាក់រហូត ដល់មិនអាចចំណេញ។ លោកថា កាលពីខែមុនស្រូវមានតម្លៃ ប្រមាណជាង៩ពាន់បាត ក្នុងមួយតោន ប៉ុន្តែពេលនេះធ្លាក់ដល់ ៧ពាន់បាតក្នុងមួយតោន ធ្វើឲ្យកសិករ ពិបាកខ្លាំងមែនទែន។

លោកបន្តទៀតថា «កសិករយើងខ្ញុំចំពោះតម្លៃ ស្រូវនៅពេលនេះ ដោយធ្វើបានលក់សងតែថ្លៃជី ហើយអ្នកខ្លះទៀតត្រូវជំពាក់ធនាគារ សងធនាគារមិនគ្រាន់ផង ដូច្នេះមានតែឈប់ធ្វើទៅធ្វើការ នៅថៃវិញល្អជាង ធ្វើស្រែដែលទីផ្សារគ្មានភាព ប្រាកដប្រជាផងនោះ»។

កសិករដែលកំពុងប្រមូលផលស្រូវវ័យ៦០ឆ្នាំរូបនេះ បានបញ្ជាក់ថា កសិករនៅតំបន់លោកមិនអាចប្រមូល ផលស្រូវមកហាលទុកនោះទេ ព្រោះត្រូវបង្វែលលុយ ទៅសងថ្លៃជី ថ្លៃថ្នាំ សងធនាគារជាដើម ដូច្នេះត្រូវសម្រេចចិត្តលក់ភ្លាមៗ ទោះដឹងថា តម្លៃថោកយ៉ាងណាក្តី។

ស្រដៀងគ្នានិងលោក ណុច ស៊ីនួន នេះដែរ លោក ខាំ ស៊ត កសិករនៅខេត្តបន្ទាយមានជ័យ បានប្រាប់អង្គភាព Fresh News តាមទូរស័ព្ទ ពេលកំពុងបើកគោយន្តទៅស្រែបានរៀបរាប់ឲ្យដឹងថា គ្មានអ្វីនឹងថ្លែងនោះទេ ចំពោះតម្លៃស្រូវនៅពេលនេះ ព្រោះធ្លាក់ចុះហួសពីការរំពឹងទុក ដែលនេះធ្វើឲ្យប្រជាកសិករខាតបង់ យ៉ាងច្រើនទាំងពេលវេលា និងលុយកាក់ផងដែរ។

លោកថា ប្រសិនបើតម្លៃស្រូវអាចឡើងលើសពី ៨ពាន់បាតក្នុងមួយតោននោះ កសិករអាចមានទឹកមាត់លេប គឺចំណេញខ្លះ ប៉ុន្តែនៅពេលនេះ តម្លៃត្រឹមតែ៧ពាន់បាត ក្នុងមួយតោនតែប៉ុណ្ណោះ។កសិកររូបនេះបានសំណួមពរ រាជរដ្ឋាភិបាលកម្ពុជា និងរោងម៉ាស៊ីនកិនស្រូវ ជួយដោះស្រាយនៃការធ្លាក់ថ្លៃនេះផង ដើម្បីផ្តល់សេចក្តីសង្ឃឹម ដល់ប្រជាពលរដ្ឋកម្ពុជា។

ម្ចាស់រោងម៉ាស៊ីនកិនស្រូវ និងជាអគ្គនាយកក្រុមហ៊ុន នាំចេញអង្ករដ៏ល្បីឈ្មោះមួយនៅកម្ពុជា លោក សុង សារ៉ន បានប្រាប់អង្គភាព Fresh News តាមទូរស័ព្ទដោយពន្យល់ពាក់ព័ន្ធ នៃការធ្លាក់ចុះនៃតម្លៃស្រូវថា មានបញ្ហាមួយចំនួនដែលធ្វើឲ្យ តម្លៃស្រូវធ្លាក់ចុះទី១-ដោយសារតែរោងម៉ាស៊ីនកិនស្រូវនៅកម្ពុជា ខ្វះខាតដើមទុនក្នុងការទិញស្រូវស្តុកទុក ហើយត្រូវប្រយ័ត្នប្រយែង ក្នុងការទិញដោយលៃលក សម្រាប់ថវិកាតិចតួច ក្នុងការទិញ។ ទី២-រោងម៉ាស៊ីនកិនស្រូវខ្វះឡសម្ងួត ខណៈដែលកសិកររបស់កម្ពុជា សម្រុកដាំដុះស្រូវក្រអូបច្រើន។ ទី៣ អង្ករក្រអូបរបស់វៀតណាម ហូរចូលមកពេញទីផ្សារកម្ពុជា ហើយមានតម្លៃទាបជាង អង្ករក្រអូបរបស់កម្ពុជាទៀត ដែលធ្វើឲ្យយើងមិនអាច ប្រកួតប្រជែងបាន។

លោក សុង សារ៉ន បានលើកឡើងទៀតថា អ្វីដែលគួរឲ្យកត់សំគាល់ទៀតនោះ គឺទីផ្សារអង្ករក្រអូបរបស់ថៃ បានធ្លាក់ចុះគួរឲ្យគត់ ដែលធ្វើឲ្យប្រទេសចិន បញ្ជាទិញពីប្រទេសថៃ ខណៈដែលក្រុមហ៊ុននាំចេញ កម្ពុជាកំពុងរង់ចាំការបញ្ជាទិញ របស់ក្រុមហ៊ុនអន្តរជាតិ នៅអំឡុងខែតុលាខាងមុខ។

លោកបានបញ្ជាក់ទៀតថា ដើម្បីដោះស្រាយបញ្ហាធ្លាក់នៃតម្លៃស្រូវនេះ រាជរដ្ឋាភិបាលកម្ពុជា និងធនាគារឯកជន គួរតែទំលាក់នូវកម្ចីដល់រោងម៉ាស៊ិនកិនស្រូវ ដើម្បីឲ្យពួកគាត់អាចមាន លទ្ធភាពទិញស្រូវ ពីប្រជាកសិករ រហូតទទួលបានតម្លៃសមរម្យ៕