* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ម្ចាស់រោងចក្រ-សហគ្រាសត្រូវចងចាំថា ការគាំទ្រគ្រាន់តែជាការសាកល្បងប៉ុណ្ណោះ។ ការរក្សាទីផ្សារឱ្យបានយូរអង្វែង គឺត្រូវពឹងផ្អែកទាំងស្រុងលើគុណភាព, សុវត្ថិភាព, ស្តង់ដា, ថ្លៃសមរម្យ, និយាយជារួម គឺគុណតម្លៃ និងទំនុកចិត្តលើផលិតផល, ទើបជាកត្តាជំរុញឱ្យមានការគាំទ្រ និង ជ្រើសរើសប្រើប្រាស់ជាប្រចាំ។
* សម្តេចមហាបវរធិបតី ហ៊ុន ម៉ាណែត អញ្ជើញបើកពិព័រណ៍ផលិតផលខ្មែរលើកទី៤
* វៀតណាម លុបចោលទោសប្រហារជីវិតលើបទល្មើសជួញដូរគ្រឿងញៀន និងបទល្មើសមួយចំនួនទៀត
* វិភាគអន្តរជាតិ៖ នៅពីក្រោយផ្ទាំងទស្សនីយភាពការទូតនៃមហាយក្សទាំង៣
* មីយ៉ាន់ម៉ាចាត់ទុកសាលក្រម ICJ រឿងអំពើប្រល័យពូជសាសន៍ថា «អយុត្តិធម៌»
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

ខេត្តកំពង់ឆ្នាំង បញ្ចប់ការវាស់វែងដីធ្លីមានលក្ខណៈជាប្រព័ន្ធ, ប្លង់ដីជាង៤ពាន់ប័ណ្ណ ត្រូវប្រគល់ជូនប្រជាពលរដ្ឋ

07-05-2025 15:57

(កំពង់ឆ្នាំង)៖ ខេត្តកំពង់ឆ្នាំង ត្រូវបានប្រកាសបញ្ចប់ការវាស់វែងដីធ្លីមានលក្ខណៈជាប្រព័ន្ធ ហើយវិញ្ញាបនបត្រសម្គាល់ម្ចាស់ចលនវត្ថុ (ប័ណ្ណកម្មសិទ្ធិ) ចំនួន៤,២៨៣ប័ណ្ណ ត្រូវបានប្រគល់ជូនប្រជាពលរដ្ឋនៅមូលដ្ឋានខេត្តកំពង់ឆ្នាំង ក្រោមអធិបតីឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងលោកបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង។

ពិធីនេះបានរៀបចំនៅព្រឹកថ្ងៃទី៧ ខែឧសភា ឆ្នាំ២០២៥ នៅទីធ្លារសាលាស្រុករលាប្អៀរ ដោយមានការអញ្ជើញចូលរួមពីប្រតិភូអមដំណើរ, លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង, ក្រុមប្រឹក្សាខេត្ត, អ្នកតំណាងរាស្ត្រមណ្ឌលកំពង់ឆ្នាំង និងថ្នាក់ដឹកនាំខេត្ត/ក្រុង/ស្រុក រួមទាំងប្រជាពលរដ្ឋសរុបជាច្រើនពាន់នាក់ផងដែរ។

នាឱកាសនោះ អភិបាលខេត្តកំពង់ឆ្នាំង បានលើកឡើងថា ថ្ងៃនេះជាទិវាមួយប្រកបដោយនក្ខត្តឬក្ស ក្នុងនាមរដ្ឋបាលខេត្ត លោកសូមសម្ដែងនូវការស្វាគមន៍យ៉ាងកក់ក្តៅជាទីបំផុត ចំពោះវត្តមានរបស់លោកឧបនាយករដ្ឋមន្ត្រី និងលោកបណ្ឌិតសភាចារ្យ ដែលបានឆ្លៀតឱកាសដ៏មមាញឹកអញ្ជើញចូលរួមជាអធិបតីក្នុងពិធីប្រកាសខេត្តកំពង់ឆ្នាំង បញ្ចប់ការវាស់វែងដីធ្លីមានលក្ខណៈជាប្រព័ន្ធ និងពិធីប្រគល់វិញ្ញាបបណប័ត្រសម្គាល់ម្ចាស់អចលនវត្ថុ ជូនប្រជាពលរដ្ឋនៅខេត្តកំពង់ឆ្នាំងជាង៤ពាន់ប័ណ្ណនាពេលនេះ។

ជំនួសមុខឱ្យប្រជាពលរដ្ឋទូទាំងខេត្តកំពង់ឆ្នាំង លោកអភិបាលខេត្ត បានថ្លែងនូវអំណរអរគុណយ៉ាងជ្រាលជ្រៅប្រមុខថ្នាក់ដឹកនាំ ដែលបានធ្វើការប្ដេជ្ញាដោយឆន្ទៈមនសិការរួមសុខរួមទុក្ខ នៅជាមួយប្រជាពលរដ្ឋគ្រប់ពេលវេលា។ រាជរដ្ឋាភិបាលដឹកនាំដោយសម្ដេចតេជោ ហ៊ុន សែន និងបន្តមកសម្ដេចមហាបវរធិបតី ហ៊ុន ម៉ាណែត បានដឹកនាំប្រទេសឲ្យឈានទៅមុខជាជំហានៗ បង្កើតបានសមិទ្ធផលធំៗជាប្រវត្តិសាស្ត្រយ៉ាងច្រើន ជូនជាតិមាតុភូមិក្នុង បុព្វហេតុកសាងនិងការពារការរស់ឡើងវិញរបស់ប្រជាជាតិ និងការពាររាល់សមិទ្ធផលនៃសង្គមជាតិ ហើយកំពុងស្ថិតនៅក្នុងជំហានថ្មីដ៏សំខាន់នៃដំណើរការអភិវឌ្ឍន៍ជាបន្តបន្ទាប់។

លោកបានបន្តថា ជាក់ស្ដែង ការប្រារព្ធពិធីចែកវិញ្ញាបនបត្រសម្គាល់ម្ចាស់ចលនវត្ថុ (ប័ណ្ណកម្មសិទ្ធិ) ជា៤ពាន់ប័ណ្ណ ជូនដល់បងប្អូនប្រជាពលរដ្ឋនាថ្ងៃនេះ គឺជាផ្នែកមួយក្នុងចំណោមកិច្ច ការជាច្រើនរបស់រាជរដ្ឋាភិបាល ដែលបង្ហាញពីការយកចិត្តទុកដាក់ចំពោះប្រជាពលរដ្ឋក្នុងជីវភាពរស់នៅ ការបង្កើនសុវត្ថិភាពលើការកាន់កាប់ក្នុងការប្រើប្រាស់ដីធ្លី និងសិទ្ធិសេរីភាពក្នុងការអភិវឌ្ឍន៍សេដ្ឋកិច្ចគ្រួសារ ផ្អែកលើប័ណ្ណកម្មសិទ្ធិដែលបងប្អូន យើងទទួលបាន។

លោកបណ្ឌិតសភាចារ្យ អ៊ុក រ៉ាប៊ុន បាននាំយកនូវសេចក្តីនឹករលឹកសាកសួរសុខទុក្ខអំពីសំណាក់សម្ដេចតេជោ ហ៊ុន សែន, សម្ដេចបវរធិបតី ហ៊ុន ម៉ាណែត ជូនចំពោះបងប្អូនប្រជាពលរដ្ឋទាំងអស់ ប្រកបដោយមនោសញ្ចេតនា នឹករលឹកយ៉ាងជ្រាលជ្រៅពីសំណាក់សម្ដេចទាំងពីរ។

លោកបណ្ឌិតសភាចារ្យ បានសម្ដែងនូវអំណរអរគុណចំពោះលោករដ្ឋមន្ត្រីក្រសួងរៀបចំដែនដី ដែលបានចាត់មន្ទីររៀបចំដែនដីខេត្ត និងមន្ត្រីរបស់ក្រសួងចុះយុទ្ធនាការចុះបញ្ជីដីធ្លីមានលក្ខណៈជាប្រព័ន្ធ ជូនបងប្អូនប្រជាពលរដ្ឋ ក្នុងខេត្តកំពង់ឆ្នាំង ហើយបានបិទបញ្ចប់យុទ្ធនាការវាស់វែងប្រកបដោយភាពជោគជ័យ។

លោកទេសរដ្ឋមន្រ្តី បានចាត់ទុកថា ការប្រគល់បណ្ណកម្មសិទ្ធិ គឺជាការផ្ដល់សិទ្ធិសុវត្ថិភាពតាមផ្លូវច្បាប់បង្កើនតម្លៃដីធ្លី និងបញ្ចប់រាល់វិវាទដីធ្លីទាំងឡាយ ដែលមានសារសំខាន់ណាស់សម្រាប់ប្រជាពលរដ្ឋជាម្ចាស់ដី សំដៅលើកស្ទួយកម្រិតជីវភាពរស់នៅកាត់បន្ថយទំនាស់ដីធ្លី ធានាសុវត្ថិភាពក្នុងការកាន់កាប់ដីធ្លី ទទួលបាននៅសិទ្ធិស្របច្បាប់ក្លាយជាម្ចាស់ដីពិតប្រាកដ ដែលត្រូវបានការពារដោយច្បាប់និងធានាដោយរដ្ឋ។

លោកបានប្រាប់ថា ប្រជាពលរដ្ឋអាចធ្វើការបង្កបង្កើតផលឬប្រកបមុខរបរផ្សេងៗទៀតលើដីធ្លីរបស់ខ្លួន ដោយគ្មានការព្រួយបារម្ភហើយអាចប្រើប្រាស់ប័ណ្ណកម្ម សិទ្ធិដីធ្លីដើម្បីផលប្រយោជន៍ផ្សេងៗ ក្នុងការប្រកបមុខរបរឬអាជីវកម្មរបស់ខ្លួនផងដែរ៕