* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

ប៉េកាំង ច្រានចោលការលើកឡើងដែលថាចិន ព្យាយាមរុញច្រានប្រទេសដទៃចេញទីផ្សារ

05-11-2026 16:16

(ប៉េកាំង)៖ ឧបនាយករដ្ឋមន្ត្រីចិន បានច្រានចោលក្តីបារម្ភដែលថាចិនកំពុងបណ្តេញ ឬរុញច្រានប្រទេសដទៃចេញពីទីផ្សារ ដោយចាត់ទុកការលើកឡើងនេះថាគ្មានមូលដ្ឋានទាល់តែសោះ នៅក្នុងឱកាសបើកពិព័រណ៍នាំចូលអន្តរជាតិចិន (China International Import Expo) នៅទីក្រុងសៀងហៃ។ នេះបើយោងតាមការចេញផ្សាយដោយទីភ្នាក់ងារព័ត៌មាន AFP នាថ្ងៃព្រហស្បតិ៍ ទី៥ ខែវិច្ឆិកា ឆ្នាំ២០២៦។

សហរដ្ឋអាមេរិក និងសហភាពអឺរ៉ុប បានចោទប្រកាន់ថា ប៉េកាំងថាបានផ្តល់ប្រាក់ឧបត្ថម្ភយ៉ាងច្រើនសន្ធឹកសន្ធាប់ដល់ឧស្សាហកម្មរបស់ខ្លួន និងបាននាំចេញផលិតផលទាំងនោះសម្រុកចូលទីផ្សារបរទេស ជាពិសេសនៅក្នុងវិស័យរថយន្ត និងបច្ចេកវិទ្យាបៃតង ដែលធ្វើឱ្យប៉ះពាល់ដល់ក្រុមហ៊ុននៅក្នុងប្រទេសទាំងនោះ។

លោក Ding Xuexiang គូសបញ្ជាក់ «ស្ថាប័ន និងស្ថាប័នសារព័ត៌មានមួយចំនួន បាននិងកំពុងលើកឡើងយ៉ាងផុសផុលអំពីទ្រឹស្តី ដែលគេហៅថាការច្របាច់សេដ្ឋកិច្ចពីសំណាក់ចិន»។ លោកបានបញ្ជាក់ទៀតថា «ជារឿងធម្មតាទេដែលគ្រប់គ្នាផ្ដោតការចាប់អារម្មណ៍ ទៅលើអតុល្យភាពពាណិជ្ជកម្ម ហើយបញ្ហាសំខាន់គឺថាតើត្រូវធ្វើដូចម្តេច ដើម្បីសម្រេចបាននូវតុល្យភាពពាណិជ្ជកម្ម ដោយបន្ថែមថា «ទីក្រុងប៉េកាំង មិនដែលចង់មានចេតនាបង្កអតិរេកពាណិជ្ជកម្មឡើយ»។

គួរបញ្ជាក់ថា បញ្ហាអតិរេកពាណិជ្ជកម្មយ៉ាងច្រើនជាមួយសហរដ្ឋអាមេរិក និងសហភាពអឺរ៉ុប ជាកត្តាជំរុញឱ្យមានភាពតានតឹង។ ពិព័រណ៍ពាណិជ្ជកម្មនាំចូលអន្តរជាតិចិនឆ្នាំនេះ មានក្រុមហ៊ុនបរទេសជាង ៤០០០ បានចូលរួម។ ក្រុមហ៊ុនអន្តរជាតិដែលចូលរួមពីពណ៌នេះ កំពុងស្វែងរកការពង្រីកខ្លួនចូលទៅក្នុងទីផ្សារចិន ក្រោមទិសស្លោកថាចិន មិនមែនគ្រាន់តែជារោងចក្ររបស់ពិភពលោកប៉ុណ្ណោះទេ ប៉ុន្តែថែមទាំងជាទីផ្សារដ៏ធំទូលាយមួយ ដែលបើកចំហសម្រាប់ផលិតផលបរទេសទៀតផង៕