* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

ព្រឹត្តិការណ៍ពិសេសនៅកម្ពុជានៃវេទិកាសន្ទនាស្តីពី «អភិបាលកិច្ចរបស់ចិន និងការអភិវឌ្ឍសកល» បានប្រារព្ធឡើងនៅក្រុងភ្នំពេញ

06-11-2026 17:47

(ភ្នំពេញ)៖ នៅថ្ងៃទី៥ ខែវិច្ឆិកា តាមម៉ោងក្នុងតំបន់ ព្រឹត្តិការណ៍ពិសេសនៅកម្ពុជានៃវេទិកាសន្ទនាស្តីពី «អភិបាលកិច្ចរបស់ចិន និងការអភិវឌ្ឍសកល» ដែលរួមសហការរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិន(CMG) ស្ថានទូតចិនប្រចាំនៅកម្ពុជា និងរាជបណ្ឌិត្យសភាកម្ពុជាបានប្រារព្ធឡើងនៅក្រុងភ្នំពេញ ។ លោក Shen Haixiong អនុរដ្ឋមន្ត្រីក្រសួងឃោសនាការ នៃគណៈកម្មាធិការមជ្ឈិមបក្សកុម្មុយនីស្តចិន និងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិន បានថ្លែងសុន្ទរកថាតាមប្រព័ន្ធវីដេអូ។

លោក Wang Wenbin ឯកអគ្គរដ្ឋទូតចិនប្រចាំនៅកម្ពុជា, លោកសាស្ត្រាចារ្យបណ្ឌិតសភាចារ្យ សុខ ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេសកម្ពុជា និងលោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានអញ្ជើញចូលរួមព្រឹត្តិការណ៍នេះ ព្រមនិងថ្លែងសុន្ទរកថា។ ភ្ញៀវកិត្តិយសជាង ១៥០ រូប បូករួមទាំងតំណាងមកពីធនាគារគំនិតកម្ពុជា ប្រព័ន្ធផ្សព្វផ្សាយ ឥស្សរជនមជ្ឈដ្ឋានធុរកិច្ច ព្រមទាំងសាស្ត្រាចារ្យ និងនិស្សិតកម្ពុជា បានចូលរួមក្នុងព្រឹត្តិការណ៍នេះ។

លោក Shen Haixiong បានថ្លែងថា កិច្ចប្រជុំពេញអង្គលើកទី ៥ នៃគណៈកម្មាធិការមជ្ឈិមបក្សកុម្មុយនីស្តចិននិតីកាលទី ២០ ដែលទើបតែបិទងបញ្ចប់នៅទីក្រុងប៉េកាំង បានសង្ខេបយ៉ាងស៊ីជម្រៅអំពីសមិទ្ធផល និងបទពិសោធនៃការគ្រប់គ្រងបក្ស យ៉ាងតឹងរ៉ឹងគ្រប់ជ្រុងជ្រោយនៅក្នុងយុគសម័យថ្មីរបស់ចិន និងបានធ្វើការរៀបចំជាប្រព័ន្ធសម្រាប់ការបន្តជំរុញការគ្រប់គ្រងបក្ស យ៉ាងតឹងរ៉ឹងគ្រប់ជ្រុងជ្រោយ។ អគ្គស្ថានីយវិទ្យុ និងទូរទស្សន៍មជ្ឈិមចិននឹងបន្តផ្សព្វផ្សាយ និងបកស្រាយឱ្យបានល្អនូវមាគ៌ាជោគជ័យរបស់បក្សកុម្មុយនីស្តចិន ពង្រឹងកិច្ចសហប្រតិបត្តិការជាមួយស្ថាប័នរដ្ឋាភិបាល ធនាគារគំនិត ប្រព័ន្ធផ្សព្វផ្សាយ និងអង្គការផ្សេងៗទៀត ដើម្បីរួមចំណែកជាកម្លាំងក្នុង ការជួយប្រទេសនានាស្វែងរកវិធីសាស្រ្តអភិបាលកិច្ច និងពួតដៃគ្នាដោះស្រាយបញ្ហាប្រឈមនានា។

លោកសាស្ត្រាចារ្យបណ្ឌិតសភាចារ្យ សុខ ស៊ីផាន់ណា បានថ្លែងថា យើងកំពុងរស់នៅក្នុងយុគសម័យដែលមានភាពមិនប្រាកដប្រជាខ្ពស់ ដែលភាពតានតឹងភូមិសាស្ត្រនយោបាយកំពុងកើនឡើងជាបន្តបន្ទាប់ និងហានិភ័យច្រើនផ្នែកផ្សេងទៀតបង្កើតបញ្ហាប្រឈម ធ្ងន់ធ្ងរដល់ប្រទេសទាំងអស់។ បទពិសោធដែលចិនបានប្រមូលបានក្នុងការឆ្លើយតប នឹងបញ្ហាប្រឈមទាំងនេះតាមរបៀបយុទ្ធសាស្ត្រ គឺសមនឹងទទួលការសិក្សាយ៉ាងយកចិត្តទុកដាក់ពីយើង។សមិទ្ធផលអភិវឌ្ឍន៍របស់ចិនគឺគួរឱ្យកត់សម្គាល់យ៉ាងខ្លាំង។ យើងត្រូវតែធានាថា ភាពជាដៃគូកម្ពុជា-ចិន មិនអាចបំបែកបាន និងរួមចំណែកដល់សន្តិភាព ស្ថិរភាព និងភាពរុងរឿងរួមគ្នានៃតំបន់ទាំងមូល។

ភ្ញៀវកិត្តិយស ដែលអញ្ជើញចូលរួមកិច្ចប្រជុំបានឯកភាពគ្នាថា កិច្ចខិតខំប្រឹងប្រែងឥតឈប់ឈររបស់បក្សកុម្មុយនីស្តចិន ដើម្បីគ្រប់គ្រងបក្សយ៉ាងតឹងរ៉ឹងគ្រប់ជ្រុងជ្រោយ និងចែករំលែកបទពិសោធជាក់ស្តែងរបស់ខ្លួនក្នុងការគ្រប់គ្រងបក្ស និងប្រទេសជាតិ បានផ្តល់នូវការបំផុសគំនិតដ៏មានតម្លៃសម្រាប់ការកសាងបក្សនយោបាយ និងអភិបាលកិច្ចជាតិនៅទូទាំងពិភពលោក៕

វិទ្យុមិត្តភាពកម្ពុជាចិន