ផ្ទះពលរដ្ឋមូស្លីមមួយខ្នង នៅភូមិជ្រៃអណ្តែត ស្រុកពញាឮ ខេត្តកណ្តាល ត្រូវបានអគ្គីភ័យឆាបឆេះ
09-07-2026 20:43
(កណ្ដាល)៖ អគ្គិភ័យបានលេបត្របាក់ផ្ទះពលរដ្ឋមូស្លីមមួយខ្នង នៅថ្ងៃទី៩ ខែកក្កដា ឆ្នាំ២០២៦នេះ ស្ថិតនៅភូមិជ្រៃអណ្តែត ឃុំជ្រៃលាស់ ស្រុកពញាឮ ខេត្តកណ្តាល បានបំផ្លាញគ្រឿងអលង្កា ថវិកា និងសម្ភារៈទាំងស្រុង ដោយសារឆ្លងចរន្តអគ្គិសនី ។
តាមរបាយការណ៍ផ្ទះដែលឆេះ នេះមានទំហំ បណ្តោយ ១២ម៉ែត្រx ទទឹង ៦ម៉ែត្រ ពុំបណ្តាលឱ្យមានគ្រោះថ្នាក់ដល់មនុស្ស និងមិនមានប៉ះពាល់ដល់ផ្ទះអ្នកជិតខាងឡើយ ។ ម្ចាស់ផ្ទះឈ្មោះ សុឹម អៃសាស់ ភេទស្រី អាយុ ៦៩ឆ្នាំ ។ មានសមាជិកក្នុងគ្រួសារសរុប ០៦នាក់ស្រី៥នាក់ ។
របាយការណ៍ដដែលអះអាងថា សម្ភារៈខូចខាតរួមមាន ៖ បាត់បង់រួមមាន កងដៃផ្លាកទីនមួយឈុតចិញ្ជៀន ៣វង្ស តម្លៃ ១១៤០ដុល្លា, មាស ៥ហ៊ុន ប្រាក់រៀលចំនួន ៤,០០០,០០០រៀល ប្រាក់ដុល្លាចំនួន ៥០០ដុល្លា និងសម្ភារៈប្រើប្រាស់ក្នុងផ្ទះប្រចាំថ្ងៃឆេះអស់ទាំងស្រុង ។
សូមបញ្ជាក់ថា ពេលភ្លើងឆាបឆេះភ្លាមៗ បងប្អូនមូស្លីមក្នុងភូមិ បានសហការគ្នាជួយពន្លត់បានជាស្ថាពរ ដោយមិនឲ្យរីករាលដាលដល់ផ្ទះអ្នកជិតខាងឡើយ ៕
