* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

នាយឧត្ដមសេនីយ៍ ទៀ សីហា គូសបញ្ជាក់ពីការចងចាំជានិច្ចនូវគំរូវីរភាពរបស់កងកម្លាំងប្រដាប់អាវុធជាតិកម្ពុជា ដែលបានតស៊ូ ការពារ និងបម្រើប្រទេសជាតិ

05-11-2026 13:15

(ភ្នំពេញ)៖ នាយឧត្ដមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានថ្លែងគូសបញ្ជាក់ពីការចងចាំជានិច្ចនូវគំរូវីរភាពរបស់យុទ្ធជន យុទ្ធនារី កងកម្លាំងប្រដាប់អាវុធជាតិកម្ពុជា ដែលបានឆ្លងកាត់ដំណាក់កាលតស៊ូ អត់ធ្មត់ លះបង់សាច់ស្រស់ ឈាមស្រស់ ធ្វើពលិកម្មគ្រប់បែបយ៉ាង រហូតហ៊ានបូជាអាយុជីវិតលើសមរភូមិដើម្បីបម្រើប្រទេសជាតិ ចាប់តាំងពីការតស៊ូដណ្តើមឯករាជ្យពីអាណានិគមនិយម ចក្រពត្តិនិយម ដល់ការតស៊ូពុះពារឆ្លងកាត់សង្គ្រាមជាច្រើនផ្សេងទៀត។

នាយឧត្តមសេនីយ៍ ទៀ សីហា បានគូសបញ្ជាក់ពីការចងចាំដូចនេះនាព្រឹកថ្ងៃទី០៥ ខែវិច្ឆិកា ឆ្នាំ២០២៦នេះ នាឱកាសអញ្ជេីញជាអធិបតីបេីក អង្គមីទ្ទិញ អបអរសាទរខួបអនុស្សាវរីយ៍លេីកទី៧៣ ទិវាកំណេីតកងយុទ្ធពលខេមរភូមិន្ទ ( ៩ វិច្ឆិកា ១៩៥៣ - ៩ វិច្ឆិកា ២០២៦ ) ដែលអង្គមីទ្ទិញនេះបានធ្វេីឡេីងនៅទីស្តីការក្រសួងការពារជាតិ។

នាយឧត្ដមសេនីយ៍ ទៀ សីហា បានថ្លែងដូចនេះថា «យើងទាំងអស់គ្នាចងចាំជានិច្ចនូវគំរូវីរភាពរបស់យុទ្ធជន យុទ្ធនារី កងកម្លាំងប្រដាប់អាវុធជាតិកម្ពុជាដែលបានឆ្លងកាត់ដំណាក់កាលតស៊ូ ការពារ និងបម្រើប្រទេសជាតិ ចាប់តាំងពីការតស៊ូដណ្តើមឯករាជ្យពីអាណានិគមនិយម ចក្រពត្តិនិយម ដល់ការតស៊ូពុះពារឆ្លងកាត់សង្គ្រាមជាច្រើនផ្សេងទៀត, ជាពិសេសគំរូវីរភាព និងគុណូបការៈដ៏ឧត្តុង្គឧត្តមរបស់វីរកងទ័ពនៅសមរភូមិជួរមុខ ដែលបានតស៊ូ អត់ធ្មត់ លះបង់សាច់ស្រស់ ឈាមស្រស់ ធ្វើពលិកម្មគ្រប់បែបយ៉ាង រហូតហ៊ានបូជាអាយុជីវិតលើសមរភូមិ ដើម្បីការពារបូរណភាពទឹកដី ដែនអធិបតេយ្យ ភាពជាតិ សន្តិភាព និងភាពសុខសាន្តរុងរឿងរបស់ប្រទេសជាតិ និងប្រជាជន»។

បន្ថែមពីនេះក្នុងនាមក្រសួងការពារជាតិ អគ្គបញ្ជាការដ្ឋាននៃកងយោធពលខេមរភូមិន្ទ នាយឧត្តមសេនីយ៍ ទៀ សីហា ក៏បានកោតសរសើរប្រកបដោយមនោសញ្ចេតនាគោរពស្រឡាញ់យ៉ាងជ្រាលជ្រៅ ជូនចំពោះនាយទាហាន នាយទាហានរង និងពលទាហាននៃកងយោធពលខេមរភូមិន្ទ គ្រប់រូប ដែលកន្លងមក ក៏ដូចជាពេលបច្ចុប្បន្នបាននិងកំពុងបំពេញបេសកកម្មប្រកបដោយវីរភាព និងពលិកម្មដ៏ឧត្ដុង្គឧត្តមដើម្បីបុព្វហេតុជាតិ និងប្រជាជន។

នាយឧត្តមសេនីយ៍ ទៀ សីហា ក៏បានបង្ហាញពីការដឹងគុណចំពោះបងប្អូនជនរួមជាតិទាំងអស់ដែលបានលះបង់កូនចៅ ប្ដី និងសាច់ញាតិជាទីស្រឡាញ់របស់ខ្លួនឱ្យចូលបម្រើក្នុងជួរកងទ័ព ចូលរួមបំពេញកាតព្វកិច្ចយោធា ដើម្បីការពារជាតិ មាតុភូមិ។

ស្របជាមួយគ្នានោះចំពោះកងយោធពលខេមរភូមិន្ទនៅក្នុងបរិបទថ្មីនេះ នាយឧត្តមសេនីយ៍ ទៀ សីហា ក៏បានណែនាំឱ្យបន្តពង្រឹង និងអភិវឌ្ឍវិស័យការពារជាតិដោយឈរលើមូលដ្ឋាននៃការគោរពរដ្ឋធម្មនុញ្ញ ច្បាប់ជាតិ និង អន្តរជាតិ, ការពាររឹងមាំដាច់ខាតនូវឯករាជ្យ អធិបតេយ្យ បូរណភាពទឹកដីនៃព្រះរាជាណាចក្រកម្ពុជា, គោរពនិងអនុវត្តតាមគោលនយោបាយវិស័យការពារជាតិ យុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា និងប្រតិបត្តិតាមអនុសាសន៍ដ៏ខ្ពង់ខ្ពស់របស់សម្ដេចធិបតី នាយករដ្ឋមន្ត្រី។

កងយោធពលខេមរភូមិន្ទ ត្រូវប្រកាន់យកនូវតួនាទីដ៏សំខាន់ក្នុងការការពារ បូរណភាពទឹកដី និងអធិបតេយ្យនៃព្រះរាជាណាចក្រកម្ពុជា ពង្រឹងសន្តិភាព ស្ថិរភាព សន្តិសុខ និងសណ្តាប់ធ្នាប់ សង្គម រួមចំណែកក្នុងការអភិវឌ្ឍជាតិ និងលើកស្ទួយកិច្ចសហប្រតិបត្តិការអន្តរជាតិ ការទូតយោធា។ ទន្ទឹមនេះត្រូវបន្តយកចិត្តទុកដាក់ក្នុងការធ្វើកំណែទម្រង់ និងការធ្វើទំនើបកម្មវិស័យការពារជាតិ ជាពិសេសការធ្វើទំនើបកម្មរចនាសម្ព័ន្ធទំនើបកម្មធនធានមនុស្ស និងទំនើបកម្មគ្រឿងបំពាក់ ព្រមទាំងការធ្វើ កំណែទម្រង់ការហ្វឹកហ្វឺន, ដូចនេះគ្រប់ស្ថាប័ន កងឯកភាព គ្រឹះស្ថានយោធា និងបណ្តាសាលាហ្វឹកហ្វឺនកង យោធពលខេមរភូមិន្ទទាំងអស់ ត្រូវយកចិត្តទុកដាក់ធ្វើបច្ចុប្បន្នភាពនិងធ្វើទំនើបកម្មកម្មវិធីហ្វឹកហ្វឺន និងខ្លឹមសារ រៀនសូត, ច្បាប់, បទវិន័យទូទៅរបស់កងយោធពលខេមរភូមិន្ទ ព្រមទាំងពង្រឹងគុណភាពយោធាចារ្យឱ្យបាន សមស្របទៅនឹងការរីកចម្រើននៃបច្ចេកវិទ្យា និងនវានុវត្តន៍ក្នុងវិស័យយោធាផងដែរ៕