* រដ្ឋមន្ត្រីការពារជាតិអាមេរិក ប្រឈមមុខនឹងការជំរុញដំណើរការនីតិវិធីដកតំណែង ជុំវិញសង្រ្គាមអ៉ីរ៉ង់
* ភ្លៀងធ្លាក់ជួយឱ្យព្រែកជីកប៉ាណាម៉ា ដែលរងគ្រោះដោយបាតុភូត El Nino បង្កើនការធ្វើនាវាចរណ៍ឡើងវិញ
* តើ Alice Huang ជានរណា? លាតត្រដាងប្រវត្តិនារីអាថ៌កំបាំងដែលធ្វើឱ្យរង្គើកៅអី CEO ក្រុមហ៊ុន Nvidia
* ប្រធានាធិបតីរ្វ៉ាន់ដា លោក Paul Kagame និងជំទាវទី១ នឹងអញ្ជើញមកបំពេញទស្សនកិច្ចផ្លូវរដ្ឋនៅកម្ពុជា ពីថ្ងៃទី១២-១៣ វិច្ឆិកា មុនចូលរួមកិច្ចប្រជុំកំពូលហ្វ្រង់កូហ្វូនី លើកទី២០
* បារាំងរៀបចំ «ពន្លាជាតិបារាំង» រយៈពេល ៥ថ្ងៃ ក្នុងភូមិហ្វ្រង់កូហ្វូនី ដើម្បីអបអរកិច្ចប្រជុំកំពូល និងពង្រឹងចំណងមិត្តភាពកម្ពុជា-បារាំង
* កូរ៉េខាងជើង ធ្វើតេស្តបាញ់ប្រព័ន្ធអាវុធ torpedo ល្បឿនលឿនស៊េរីថ្មី
* លោក ត្រាំ មានគម្រោងផ្អាកការវាយប្រហារលើអ៉ីរ៉ង់ តាមការអំពាវនាវពីក្រុមប្រទេសក្នុងតំបន់ដែលចង់ឃើញសន្តិភាព
* វិភាគអន្តរជាតិ៖ ចំណុចខ្សោយនៃឧស្សាហកម្មដ្រូនយោធារបស់អ៊ុយក្រែន
* ពីការបំផ្លាញនយោបាយជាតិ ដល់ការរារាំងទស្សនកិច្ចលោក Macron នៅកម្ពុជា៖ តើអ្វីជាជំហរនយោបាយពិតប្រាកដរបស់ សម រង្ស៊ី?
* សម្តេចមហាបវរធិបតី ហ៊ុន ម៉ាណែត៖ ពេលចេញពីការងារយោធិនអាជីព និងយោធិនកាតព្វកិច្ច គឺអនុវត្តន៍ភារកិច្ចដូចគ្នា មិនមានការរើសអើងនោះឡើយ
* សម្តេចមហាបវរធិបតី ហ៊ុន ម៉ាណែត៖ យោធិនកាតព្វកិច្ចក្រៅពីការហ្វឹកហាត់ នឹងត្រូវហ្វឹកហ្វឺនយុទ្ធវិធី វិន័យ អត្តចរិត ដែលនឹងផ្លាសប្តូរជីវិតស៊ីវិលទៅជាជីវិតយោធាដែលមានវិន័យខ្ពស់
* សម្តេចមហាបវរធិបតី ហ៊ុន ម៉ាណែត ថ្លែងសង្កត់ធ្ងន់ថា កងទ័ពត្រូវតែមានវិន័យខ្ពស់ បើគ្មានវិន័យទេការប្រយុទ្ធនឹងមិនអាចទទួលបានជ័យជម្នះឡើយ
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពេលចេញពីការងារយោធិនអាជីព និងយោធិនកាតព្វកិច្ច គឺអនុវត្តន៍ភារកិច្ចដូចគ្នា មិនមានការរើសអើងនោះឡើយ។ សម្តេចមហាបវរធិបតី ហ៊ុន ម៉ាណែត ណែនាំដល់មេបញ្ជាការតាមអង្គភាពនានារបស់កងទ័ព ពេលទទួលយោធិនកាតព្វកិច្ចក្រោយហ្វឹកហ្វឺន ត្រូវអនុវត្តតួនាទីភារកិច្ចដូចទៅនឹងយោធិនអាជីព ដោយគ្មានការបែងចែកនោះឡើយ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការបំពេញកាតព្វកិច្ចយោធា ជាការទទួលបានលំនឹងការងាររយៈពេល២៤ខែ។ បន្ថែមពីលើក្រោយបញ្ចប់កាតព្វកិច្ច នឹងក្លាយជាយោធិនបម្រុង ហើយក៏អាចដាក់ពាក្យប្រលងចូលជាយោធិនអាជីព។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា កុំគិតថាការអនុវត្តន៍កាតព្វកិច្ចយោធាជាការចាយជីវិត តែត្រូវគិតថាជាការវិនិយោគ
* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

ក្រសួងផែនការ ប្រកាសផ្សព្វផ្សាយលទ្ធផលបឋមផលិតផលក្នុងស្រុកសរុប (GDP) នៅខេត្តបាត់ដំបង

05-11-2026 15:01

(បាត់ដំបង)៖ ក្រសួងផែនការ បានរៀបចំពិធីប្រកាសផ្សព្វផ្សាយលទ្ធផលបឋមផលិតផលក្នុងស្រុកសរុប (GDP) ខេត្តបាត់ដំបង ក្រោមអធិបតីភាពលោក រិន វីរៈ ទីប្រឹក្សាផ្ទាល់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា រដ្ឋលេខាធិការក្រសួងផែនការ និងជាប្រធានក្រុមប្រឹក្សាភិបាលនៃវិទ្យាស្ថានជាតិស្ថិតិ, លោក អ៊ុយ រី ប្រធានក្រុមប្រឹក្សាខេត្ត និងលោក សុខ លូ អភិបាលខេត្តបាត់ដំបង។ ពិធីនេះធ្វើឡើងនៅថ្ងៃទី៥ ខែវិច្ឆិកា ឆ្នាំ២០២៦ នៅសាលប្រជុំសាលាខេត្តបាត់ដំបង។

ក្នុងឱកាសនោះ លោក សុខ លូ ថ្លែងឱ្យដឹងថា ខេត្តបាត់ដំបងជាបេះដូងកសិកម្ម និងជាមជ្ឈមណ្ឌលកសិ-ឧស្សាហកម្មដ៏សំខាន់របស់ប្រទេសជាតិ ដោយមានការបែងចែកសណ្ឋានដីយ៉ាងសម្បូរបែប គឺតំបន់ខ្ពង់រាបនិងភ្នំ តំបន់វាលទំនាប និងតំបន់ទំនាបជាប់បឹងទន្លេសាប។

លោកថា ទីប្រជុំជនក្រុងបាត់ដំបង គឺជាចំណុចប្រសព្វនៃផ្លូវជាតិលេខ៥ ផ្លូវជាតិលេខ៥៧ ផ្លូវរថភ្លើង និងមានស្ទឹងសង្កែដ៏ស្រស់ត្រកាលហូរកាត់ជាប្រភពទឹកទ្រទ្រង់ជីវភាពប្រជាពលរដ្ឋក្នុងខេត្តដ៏សំខាន់។ ស្ថិតក្នុងបរិបទនៃការជំរុញ អភិវឌ្ឍសេដ្ឋកិច្ចសង្គម ការវាយតម្លៃពីទំហំ និងកំណើនសេដ្ឋកិច្ចជាក់លាក់របស់ខេត្ត គឺជាតម្រូវការដ៏ចាំបាច់បំផុតដើម្បីអាចវាស់វែងសក្ដានុពល និងដើម្បីជាមូលដ្ឋានកំណត់ទិសដៅអភិវឌ្ឍន៍ឱ្យបានសមស្រប និងទាន់ពេលវេលា។

លោកគូសបញ្ជាក់ថា គណនេយ្យជាតិសម្រាប់ឆ្នាំ២០២៥ របស់ខេត្តបាត់ដំបង គឺជាសមិទ្ធផលផ្លែផ្កាបានមកពីកិច្ចសហការយ៉ាងជិតស្និទ្ធ និងស្មារតីទទួលខុសត្រូវខ្ពស់រវាងរដ្ឋបាលខេត្ត មន្ទីរ អង្គភាពជំនាញជុំវិញខេត្ត ក្នុងការប្រមូល និងបញ្ជូនទិន្នន័យតាមវិស័យនីមួយៗផ្ដល់ជូនវិទ្យាស្ថានជាតិស្ថិតិនៃក្រសួងផែនការ ដើម្បីធ្វើការចងក្រង និងគណនាបានត្រឹមត្រូវច្បាស់លាស់។

ក្នុងនាមរដ្ឋបាលខេត្តបាត់ដំបង លោកថ្លែងអំណរគុណយ៉ាងជ្រាលជ្រៅបំផុតចំពោះក្រសួងផែនការ និងវិទ្យាស្ថានជាតិស្ថិតិដែលបានយកចិត្តទុកដាក់ និងផ្ដល់ការគាំទ្រដល់ខេត្តបាត់ដំបង ព្រមទាំងសូមកោតសរសើរដល់មន្ត្រី ជំនាញពាក់ព័ន្ធទាំងអស់ ដែលបានខិតខំប្រឹងប្រែងរហូតសម្រេចបាននូវឯកសារស្ថិតិគណនេយ្យជាតិដ៏មានតម្លៃនេះ។

លោកស្នើសុំបណ្ដាមន្ទីរ អង្គភាព រដ្ឋបាលក្រុង ស្រុក និងវិស័យឯកជន និងដៃគូអភិវឌ្ឍទាំងអស់ មេត្តាប្រើប្រាស់លទ្ធផល និងទិន្នន័យទាំងនេះឱ្យអស់ពីលទ្ធភាពក្នុងកិច្ចការងារជំរុញអភិវឌ្ឍន៍គ្រប់វិស័យ សំដៅបម្រើផលប្រយោជន៍ជូនប្រជាពលរដ្ឋឱ្យកាន់តែមានភាពរីកចម្រើនជាបន្តបន្ទាប់។

លោក រិន វីរៈ បញ្ជាក់ឱ្យដឹងថា ខេត្តបាត់ដំបងមានសក្ដានុពលវិស័យកសិកម្មសម្រាប់ផ្គត់ផ្គង់ផលិតផលកសិកម្មសម្រាប់ប្រទេស និងវិស័យឧស្សាហកម្ម-ទេសចរណ៍ ដែលអាចជំរុញកំណើនសេដ្ឋកិច្ចខេត្តកាន់តែខ្លាំងថែមទៀត។ ជាលទ្ធផល សេដ្ឋកិច្ចខេត្តបាត់ដំបងឆ្នាំ២០២៥ មានទំហំសេដ្ឋកិច្ច ១៥.៧២៣,៨៦៣ លានរៀល គិតជាដុល្លារ ៣.៩១៩ លានដុល្លារអាមេរិក (អត្រាប្ដូរប្រាក់ ៤០១២ រៀលក្នុង ១ ដុល្លារ) បើគិតតាមថ្លៃបច្ចុប្បន្ន នៅឆ្នាំ២០២៥ ស្មើនឹង ៧,៦% នៃទំហំសេដ្ឋកិច្ចជាតិ និងមានកំណើនសេដ្ឋកិច្ច ៥,៤% (តាមថ្លៃថេរឆ្នាំ២០១៤) ប្រាក់ចំណូលសម្រាប់ម្នាក់មាន ២.៧៧៦ ដុល្លារអាមេរិក។ រចនាសម្ព័ន្ធសេដ្ឋកិច្ចតាមថ្លៃបច្ចុប្បន្ន វិស័យកសិកម្មមានចំណែក ៥៧,៥% វិស័យឧស្សាហកម្មមានចំណែក ២០,៨% និងវិស័យសេវាកម្មមានចំណែក ២១,៧%។

លោកសម្ដែងការអបអរសាទរចំពោះសមិទ្ធផលធំៗរបស់ខេត្តបាត់ដំបង និងសង្ឃឹមយ៉ាងមុតមាំថា ក្នុងបណ្ដាឆ្នាំបន្ទាប់ទៀត ក្រោមការដឹកនាំរបស់លោកអភិបាលខេត្ត នឹងសម្រេចបានជោគជ័យធំៗជាច្រើនបន្ថែមទៀតផងដែរ៕