* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

អាជ្ញាធរជាតិអប្សរា​ រៀបចំកម្មវិធីទស្សនកិច្ចសិក្សា បេតិកភណ្ឌវប្បធម៌កម្ពុជា ODA ឆ្នាំ២០២៦

05-11-2026 15:19

(សៀមរាប)៖ នៅនាយកដ្ឋានសណ្ដាប់ធ្នាប់ នៃអាជ្ញាធរជាតិអប្សរា នៅព្រឹកថ្ងៃទី៤ ខែវិច្ឆិកា ឆ្នាំ២០២៦ មានរៀបចំ «កម្មវិធីទស្សនកិច្ចសិក្សាបេតិកភណ្ឌវប្បធម៌កម្ពុជា ODA ឆ្នាំ២០២៦»។

កម្មវិធីនេះ រៀបចំឡើងដោយកិច្ចសហការរវាងអាជ្ញាធរជាតិអប្សរា និងទីភ្នាក់ងារបេតិកភណ្ឌជាតិកូរ៉េ មានការអញ្ជើញចូលរួមជាកិត្តិយសពីលោក Kim Sung Tae អគ្គកុងស៊ុលនៃសាធារណរដ្ឋកូរ៉េប្រចាំខេត្តសៀមរាប លោកស្រី អ៊ុំ ម៉ារ៉ាឌី អនុប្រធាននាយកដ្ឋានស្រាវជ្រាវ បណ្ដុះបណ្ដាល និងផ្សព្វផ្សាយ នៃអាជ្ញាធរជាតិអប្សរា លោក Kim Dongmin តំណាងទីភ្នាក់ងារបេតិកភណ្ឌជាតិកូរ៉េ លោក ខៀវ ច័ន្ទ និងកញ្ញា Kim Da Ae ជាវាគ្មិនកិត្តិយសធ្វើបទបង្ហាញស្ដីអំពីតម្លៃនៃបេតិកភណ្ឌអង្គរ និងសកម្មភាពអភិរក្ស ព្រមទាំងមានការអញ្ជើញចូលរួមពីលោកគ្រូ អ្នកគ្រូ សិស្សានុសិស្សមកពីអនុវិទ្យាល័យក្របីរៀល និងអនុវិទ្យាល័យហ៊ុនសែនប្រាសាទបាគង សរុបចំនួន៥០នាក់។

លោកស្រី អ៊ុំ ម៉ារ៉ាឌី តំណាងឱ្យលោក អ៊ឹម សុខរិទ្ធី ប្រធាននាយកដ្ឋានស្រាវជ្រាវបណ្ដុះបណ្ដាល និងផ្សព្វផ្សាយ នៃអាជ្ញាធរជាតិអប្សរា បានស្វាគមន៍ និងលើកឡើងថា ក្រោមជំនួយអភិវឌ្ឍន៍ផ្លូវការ ODA ពីសំណាក់រដ្ឋាភិបាលនៃសាធារណរដ្ឋកូរ៉េ យើងបានរៀបចំកម្មវិធីនេះឡើង ដើម្បីបង្កើនការយល់ដឹង និងបណ្ដុះស្មារតីស្រឡាញ់ បេតិកភណ្ឌវប្បធម៌ដល់យុវជនជំនាន់ក្រោយ។ លើសពីនេះ ក្មួយៗដែលជាអ្នកបន្តវេននឹងទទួលបានចំណេះដឹងបន្ថែមអំពីតម្លៃនៃបេតិកភណ្ឌអង្គរ និងកិច្ចការអភិរក្ស។

លោក Kim Sung Tae ក៏បានថ្លែងថា អង្គរវត្តគឺជាមោទនភាពរបស់កម្ពុជា ហើយក៏ជាបេតិកភណ្ឌវប្បធម៌ អារ្យធម៌ខ្មែរដ៏រុងរឿង និងជាបេតិកភណ្ឌរបស់មនុស្សជាតិ ដែលជុំវិញពិភពលោកត្រូវចូលរួមថែរក្សា ហើយប្រទេសកូរ៉េក៏បានឱ្យតម្លៃយ៉ាងខ្ពស់លើប្រវត្តិសាស្ត្រ វប្បធម៌របស់ប្រាសាទអង្គរវត្ត និងបានចូលរួមអនុវត្តគម្រោងជួសជុល និងអភិរក្សរមណីយដ្ឋានអង្គរ ដែលជាដំណើរការនៃកិច្ចសហប្រតិបត្តិការ ក្នុងគោលបំណងចែករំលែកបច្ចេកវិទ្យានៃការអភិរក្សបេតិកភណ្ឌវប្បធម៌កូរ៉េជាមួយកម្ពុជា ហើយក៏ជាកម្លាំងសាមគ្គី ដើម្បីបន្សល់ទុកបេតិកភណ្ឌដ៏មានតម្លៃនេះដល់អ្នកជំនាន់ក្រោយ។

ក្នុងឱកាសនោះដែរ លោក Kim Dongmin តំណាងទីភ្នាក់ងារបេតិកភណ្ឌកូរ៉េបានបញ្ជាក់ថា ទីភ្នាក់ងារបេតិកភណ្ឌកូរ៉េ គឺជាស្ថាប័នដែលមានតួនាទីការពារ និងផ្សព្វផ្សាយតម្លៃនៃបេតិកភណ្ឌរបស់ប្រទេសកូរ៉េ។ ចាប់តាំងពីឆ្នាំ ២០២៤មក គឺបានសហការជាមួយអាជ្ញាធរជាតិអប្សរា អនុវត្តគម្រោងអភិរក្ស និងជួសជុលបាកាណដែលជាកំពូលខ្ពស់បំផុតនៃប្រាសាទអង្គរវត្ត។

លោកក៏បានបន្តថា ការថែរក្សាបេតិកភណ្ឌវប្បធម៌ មិនមែនជាការងាររបស់តែអ្នកជំនាញប៉ុណ្ណោះទេ វាចាប់ផ្ដើមពីចិត្តស្រឡាញ់បេតិកភណ្ឌ ព្រមទាំងការបន្តចិត្តនោះ ទៅកាន់មនុស្សជំនាន់ក្រោយ៕