* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

លោកស្រី ឃួន ឃុនឌី ជំរុញកីឡាករទូកស្រុកកំពង់ស្វាយ ខិតខំប្រឹងប្រែងដើម្បីជ័យជម្នះ ក្នុងពិធីបុណ្យអុំទូកខេត្តកំពង់ធំ

05-11-2026 20:12

(កំពង់ធំ)៖ លោកស្រី ឃួន ឃុនឌី សមាជិកព្រឹទ្ធសភា និងជាប្រធានក្រុមការងារចុះមូលដ្ឋានស្រុកកំពង់ស្វាយ បានអញ្ជើញសំណេះសំណាល និងលើកទឹកចិត្តដល់កីឡាករទូកក្នុងស្រុកកំពង់ស្វាយ ឲ្យខិតខំប្រឹងប្រែងដើម្បីទទួលបានជ័យជម្នះក្នុងពិធីបុណ្យអុំទូកក្នុងខេត្តកំពង់ធំ ដែលនឹងប្រព្រឹត្តទៅនាពេលឆាប់ៗនេះ។

លោកស្រី ឃួន ឃុនឌី បានជំរុញដូចនេះនារសៀលថ្ងៃទី ០៥ ខែវិច្ឆិកា ឆ្នាំ ២០២៦នេះ ក្នុងពិធីជួបសំណេះសំណាល និងលើកទឹកចិត្តដល់កីឡាករទូកក្នុងស្រុកកំពង់ស្វាយ ដោយមានការចូលរួមពីមន្ត្រីជាន់ខ្ពស់ និងកីឡាករទូកប្រមាណជិត ១ ពាន់នាក់។

លោកស្រី ឃួន ឃុនឌី បានគូសបញ្ជាក់ថា ការប្រណាំងទូកនេះកើតចេញពីសុខសន្តិភាព និងការអភិវឌ្ឍលើគ្រប់វិស័យ ក្រោមការដឹកនាំរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រី ដែលបានធ្វើឲ្យប្រជាពលរដ្ឋរស់នៅសុខសាន្ត និងមានឱកាសជួបជុំគ្នាប្រកបដោយភាពសប្បាយរីករាយ។

លោកស្រី បានសង្កត់ធ្ងន់លើសារៈសំខាន់នៃការថែរក្សាទំនៀមទម្លាប់ប្រពៃណីដ៏ផូរផង់នេះ សម្រាប់កូនចៅជំនាន់ក្រោយ និងបានថ្លែងអំណរគុណដល់ព្រះសង្ឃ អាចារ្យ និងគណៈកម្មការ ដែលបានផ្តួចផ្តើមកសាងទូក «ង» នេះឡើង។

លោកស្រីក៏បានលើកទឹកចិត្តឲ្យកីឡាករទាំងអស់រក្សាសុខភាពល្អ មានទំនាក់ទំនងល្អ មេត្រីភាព និងសាមគ្គីភាព ដើម្បីចៀសផុតពីគ្រឿងញៀន និងអំពើអសន្តិសុខផ្សេងៗ។ ដើម្បីឲ្យការប្រកួតប្រព្រឹត្តទៅដោយរលូន និងល្អប្រសើរ លោកស្រីបានណែនាំឲ្យកីឡាករគោរពបទបញ្ជាផ្ទៃក្នុង រក្សាសាមគ្គីភាព មិត្តភាពជាមួយដៃគូ និងសេចក្តីថ្លៃថ្នូររបស់កីឡាករ។

ក្នុងឱកាសនោះ លោកស្រី ឃួន ឃុនឌី ក៏បាននាំយកនូវគ្រឿងឧបភោគបរិភោគ ភេសជ្ជៈ សម្លៀកបំពាក់កីឡា និងថវិកាឧបត្ថម្ភផ្ទាល់ខ្លួន ព្រមទាំងជំនួយពីក្រុមការងារ ដើម្បីជួយសម្រួលដល់ការហូបចុក និងការស្នាក់នៅរបស់កីឡាករអំឡុងពេលប្រកួតផងដែរ៕