* លោកជំទាវបណ្ឌិត ពេជ ចន្ទមុន្នី តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញបើកកម្មវិធីបោះជំរំយុវជនកាកបាទក្រហមកម្ពុជាថ្នាក់ជាតិ នៅភូមិប៊ុនរ៉ានីសែនជ័យដំណាក់ទ្រយឹង
* លោកឧបនាយករដ្ឋមន្ត្រី ប្រាក់ សុខុន ដឹកនាំក្រុមការងារ ចូលរួមកិច្ចប្រជុំលើកទី៣ នៃគណៈកម្មការផ្សះផ្សះដោយបង្ខំ លើដែនសមុទ្រកម្ពុជា និងថៃ នៅម៉ាឡេស៊ី
* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

តុលាការព្រហ្មទណ្ឌថៃ ចេញដីកាចាប់ខ្លួនអតីតបវរកញ្ញាថៃ Boom Panadda និងស្វាមី ពីបទឆបោកប្រាក់សប្បុរសធម៌ និងលាងលុយកខ្វក់ (Video inside)

05-11-2026 20:50

(បាងកក)៖ តុលាការព្រហ្មទណ្ឌនៃប្រទេសថៃ នៅថ្ងៃព្រហស្បតិ៍នេះ បានចេញដីកាចាប់ខ្លួនអតីតបវរកញ្ញាថៃ និងជាតារាសម្តែងដ៏ល្បីឈ្មោះក្នុងការងារសប្បុរសធម៌ អ្នកនាង ប៊ូម ប៉ាណាត់ដា វង្សភូឌី (Boom Panadda Wongphudee) និងស្វាមី គឺលោក អាធីប អាណាន់តាវ៉ាន់ (Atip Anantawan) ពីបទឆបោកសាធារណជន លាងលុយកខ្វក់ និងបទល្មើសក្រោមច្បាប់ឧក្រិដ្ឋកម្មកុំព្យូទ័រ។ នេះបើតាមការចេញផ្សាយដោយសារព័ត៌មានថៃ Khaosod English។

ដីកាចាប់ខ្លួននេះធ្វើឡើងក្រោយពេលប៉ូលិសប្រឆាំងបទល្មើសសេដ្ឋកិច្ចថៃ បានស៊ើបអង្កេតករណីសង្ស័យកេងបន្លំប្រាក់បរិច្ចាគរបស់សាធារណជន ដែលរៃអង្គាសតាមរយៈមូលនិធិ «Do Good Organisation Foundation» របស់អ្នកនាង ដោយយកប្រាក់ជំនួយសង្គ្រោះជនរងគ្រោះទៅចំណាយផ្ទាល់ខ្លួន រួមទាំងការទិញវីឡាប្រណីតផងដែរ។ កាលពីថ្ងៃពុធម្សិលមិញ សមត្ថកិច្ចបានបង្កកគណនីធនាគារចំនួន ១៧ ដែលមានទឹកប្រាក់សរុបប្រមាណ ៦០លានបាត និងកំពុងត្រួតពិនិត្យទ្រព្យសម្បត្តិមានតម្លៃជាង ១០០លានបាត រួមមានផ្ទះ ដីធ្លី រថយន្តជាង ២០គ្រឿង អាវុធ ៦ដើម និងកាបូបប្រណីតជាច្រើន។ តាមការត្រួតពិនិត្យ គណនីរៃអង្គាសប្រាក់ចំនួន ៣ របស់មូលនិធិនេះ មានប្រតិបត្តិការផ្ទេរប្រាក់ចូលជាង ១.៨លានដង ពីគណនីធនាគារជាង ៩០០,០០០គណនី។

គួរបញ្ជាក់ថា អ្នកនាង Boom Panadda វ័យ ៥០ឆ្នាំ គឺជាម្ចាស់មកុដបវរកញ្ញាថៃកាលពីឆ្នាំ២០០០ ដែលបានសាងកេរ្តិ៍ឈ្មោះល្បីល្បាញជាងពីរទសវត្សរ៍តាមរយៈសកម្មភាពចុះជួយពលរដ្ឋរងគ្រោះដោយទឹកជំនន់ ហើយកាលពីខែសីហា ឆ្នាំ២០២៥ រដ្ឋាភិបាលថៃក៏ធ្លាប់តែងតាំងនាងជាអ្នកនាំពាក្យស្ម័គ្រចិត្តនៃក្រុមការងារទទួលបន្ទុកគ្រប់គ្រងភាពតានតឹងតាមព្រំដែនថៃ-កម្ពុជាផងដែរ។ ក្រោយមានដំណឹងចេញដីកាចាប់ខ្លួន នាងបានបង្ហាញខ្លួនក្នុងកម្មវិធីទូរទស្សន៍ថៃ Hone Krasae ដោយបានថ្លែងសុំទោសសាធារណជន និងក្រុមប្រឹក្សាភិបាលនៃមូលនិធិ ព្រមទាំងអះអាងថារូបអ្នកនាងគឺជាអ្នកទទួលខុសត្រូវតែម្នាក់គត់ចំពោះរឿងរ៉ាវដែលកើតឡើង៕