* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

ទេសាភិបាលរងធនាគារជាតិនៃកម្ពុជា អំពាវនាវឱ្យប្រជាពលរដ្ឋប្រុងប្រយ័ត្ន លើការទូទាត់ឌីជីថល ដោយត្រូវពិនិត្យព័ត៌មានឱ្យបានច្បាស់មុនចុចបញ្ជាក់

06-11-2026 17:58

(កែប)៖ លោក យឹម លាត ទេសាភិបាលរងធនាគារជាតិនៃកម្ពុជា បានអំពាវនាវដល់ប្រជាពលរដ្ឋឱ្យបង្កើនការប្រុងប្រយ័ត្នក្នុងការប្រើប្រាស់ប្រព័ន្ធទូទាត់ឌីជីថល ជាពិសេសការទូទាត់តាមរយៈ QR Code ដោយត្រូវពិនិត្យឈ្មោះអ្នកទទួល ចំនួនទឹកប្រាក់ និងប្រភេទរូបិយប័ណ្ណឱ្យបានត្រឹមត្រូវ មុននឹងចុចបញ្ជាក់ប្រតិបត្តិការ ដើម្បីជៀសវាងកំហុសឆ្គង និងហានិភ័យនៃការឆបោក។

ការលើកឡើងរបស់លោក យឹម លាត ធ្វើឡើងក្នុងសិក្ខាសាលាផ្សព្វផ្សាយស្ដីពី «ប្រាក់រៀល ប្រព័ន្ធបាគង និងខេអេចឃ្យូអរ (KHQR)» នៅថ្ងៃទី៦ ខែវិច្ឆិកា ឆ្នាំ២០២៦។

លោក យឹម លាត បានគូសបញ្ជាក់ថា ក្រដាសប្រាក់រៀលមិនមែនគ្រាន់តែជាមធ្យោបាយសម្រាប់ការទូទាត់ប៉ុណ្ណោះទេ ប៉ុន្តែថែមទាំងជានិមិត្តរូបនៃអត្តសញ្ញាណជាតិ អធិបតេយ្យភាពរូបិយវត្ថុ និងការវិវត្តនៃសេដ្ឋកិច្ចកម្ពុជាផងដែរ។ ប្រាក់រៀលបានឆ្លងកាត់ដំណាក់កាលប្រវត្តិសាស្ត្រជាច្រើន ចាប់តាំងពីការដាក់ឱ្យប្រើប្រាស់ដំបូង ការផ្អាកចរាចរ រហូតដល់ការដាក់ឱ្យប្រើប្រាស់ឡើងវិញ និងការវិវត្តមកដល់សម័យឌីជីថលនាពេលបច្ចុប្បន្ន។

លោកបានបន្តថា ការរីកចម្រើននៃបច្ចេកវិទ្យាហិរញ្ញវត្ថុ បានធ្វើឱ្យការប្រើប្រាស់ប្រាក់រៀល កាន់តែមានភាពងាយស្រួល ដោយប្រជាពលរដ្ឋអាចធ្វើការទូទាត់តាមទូរស័ព្ទដៃ ដោយគ្រាន់តែស្កេន QR Code មិនចាំបាច់ប្រើប្រាស់ក្រដាសប្រាក់ដូចពីមុនឡើយ។ ការវិវត្តនេះត្រូវបានគាំទ្រដោយប្រព័ន្ធទូទាត់ឌីជីថល ជាពិសេសប្រព័ន្ធបាគង និងស្តង់ដា KHQR ដែលបានរួមចំណែកសម្រួលដល់ប្រតិបត្តិការទូទាត់ក្នុងជីវភាពប្រចាំថ្ងៃ។

លោកក៏បានសង្កត់ធ្ងន់លើសារៈសំខាន់នៃសុវត្ថិភាពក្នុងការប្រើប្រាស់សេវាហិរញ្ញវត្ថុឌីជីថល ដោយណែនាំឱ្យប្រជាពលរដ្ឋកុំប្រញាប់ចុចបញ្ជាក់ការទូទាត់ មុនពេលពិនិត្យព័ត៌មានប្រតិបត្តិការឱ្យបានច្បាស់លាស់។ ជាពិសេស មិនត្រូវចែករំលែកលេខសម្ងាត់ ឬលេខកូដ OTP ទៅកាន់អ្នកដទៃជាដាច់ខាត ដើម្បីការពារគណនី និងទ្រព្យសម្បត្តិរបស់ខ្លួនពីការឆបោកតាមប្រព័ន្ធឌីជីថល។

លោក យឹម លាត ក៏បានអំពាវនាវដល់អាជ្ញាធរ កងកម្លាំងមានសមត្ថកិច្ច លោកគ្រូ អ្នកគ្រូ សិស្សានុសិស្ស និងប្រជាពលរដ្ឋក្នុងខេត្តកែប បន្តគាំទ្រ និងប្រើប្រាស់ប្រាក់រៀលឱ្យកាន់តែទូលំទូលាយ ដោយចាត់ទុកថា រាល់ការប្រើប្រាស់រូបិយវត្ថុជាតិរបស់ប្រជាពលរដ្ឋម្នាក់ៗ គឺជាការចូលរួមពង្រឹងទំនុកចិត្តលើប្រាក់រៀល និងរួមចំណែកជំរុញការអភិវឌ្ឍសេដ្ឋកិច្ចជាតិ។

លោកបានបញ្ជាក់ថា ការប្រើប្រាស់ប្រាក់រៀល មិនថាតាមរយៈក្រដាសប្រាក់ ឬប្រព័ន្ធទូទាត់ឌីជីថលនោះទេ សុទ្ធតែមានសារៈសំខាន់ក្នុងការលើកកម្ពស់តួនាទីរបស់រូបិយវត្ថុជាតិ និងពង្រឹងសេដ្ឋកិច្ចកម្ពុជាឱ្យកាន់តែរឹងមាំ៕