* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

រាជបណ្ឌិត្យសភាកម្ពុជា និងស្ថានទូតសហព័ន្ធរុស្ស៊ី រៀបចំសិក្ខាសាលាអបអរសាទរខួបលើកទី៧០ នៃទំនាក់ទំនងការទូតកម្ពុជា-រុស្ស៊ី ដោយផ្តោតលើសមិទ្ធផល និងទស្សនវិស័យនាពេលអនាគត

06-11-2026 21:20

(ភ្នំពេញ)៖ រាជបណ្ឌិត្យសភាកម្ពុជា សហការជាមួយស្ថានទូតសហព័ន្ធរុស្ស៊ីប្រចាំកម្ពុជា នៅថ្ងៃទី៦ ខែវិច្ឆិកា ឆ្នាំ២០២៦ បានរៀបចំសិក្ខាសាលាស្តីពី «ការរំលឹកខួបលើកទី៧០ នៃទំនាក់ទំនងការទូតរវាងកម្ពុជា និងរុស្ស៊ី៖ សមិទ្ធផល និងទស្សនវិស័យនាពេលអនាគត» នៅសាលទន្លេសាប អគារខេមរវិទូ នៃរាជបណ្ឌិត្យសភាកម្ពុជា។

សិក្ខាសាលានេះមានការអញ្ជើញចូលរួមពីលោក អាណាតូលី បូរ៉ូវីក ឯកអគ្គរដ្ឋទូតនៃស្ថានទូតសហព័ន្ធរុស្ស៊ីប្រចាំកម្ពុជា លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា ព្រមទាំងថ្នាក់ដឹកនាំ អ្នកស្រាវជ្រាវ សិស្ស និស្សិត និងភ្ញៀវកិត្តិយសជាច្រើនរូប។

ក្នុងឱកាសនោះ លោកបណ្ឌិតសភាចារ្យ សុខ ទូច បានបង្ហាញនូវមោទនភាពចំពោះការប្រារព្ធខួបលើកទី៧០ នៃទំនាក់ទំនងការទូតរវាងប្រទេសកម្ពុជា និងរុស្ស៊ី ដោយបានលើកឡើងថា រយៈពេល៧០ឆ្នាំ គឺជាប្រវត្តិសាស្ត្រដ៏មានតម្លៃ ដែលឆ្លុះបញ្ចាំងពីចំណងមិត្តភាព និងកិច្ចសហប្រតិបត្តិការរវាងប្រទេសទាំងពីរ។ លោកបានសង្កត់ធ្ងន់ថា ការរក្សានិងពង្រឹងទំនាក់ទំនងឱ្យបានយូរអង្វែង មិនអាចផ្អែកតែលើប្រវត្តិសាស្ត្រប៉ុណ្ណោះទេ ប៉ុន្តែត្រូវមានការយល់ដឹងអំពីយុទ្ធសាស្ត្រ ផលប្រយោជន៍ទៅវិញទៅមក ទិសដៅនៃកិច្ចសហប្រតិបត្តិការ និងការបន្តបង្កើតទំព័រថ្មីនៃទំនាក់ទំនងរវាងប្រទេសទាំងពីរ។

លោកបណ្ឌិតសភាចារ្យបានរំលឹកពីតួនាទី និងការរួមចំណែករបស់អតីតសហភាពសូវៀតចំពោះការអភិវឌ្ឍប្រទេសកម្ពុជា ជាពិសេសក្នុងវិស័យអប់រំ បច្ចេកទេស និងសុខាភិបាល ដូចជា វិទ្យាស្ថានបច្ចេកទេសកម្ពុជា សាលាកសិកម្ម និងមន្ទីរពេទ្យរុស្ស៊ី ដែលជាសមិទ្ធផលសំខាន់ៗមួយចំនួននៃកិច្ចសហប្រតិបត្តិការក្នុងអតីតកាល។ ជាមួយគ្នានេះ លោកបានលើកឡើងពីការទទួលបានចំណេះដឹង និងបទពិសោធន៍ពីប្រទេសរុស្ស៊ី ដើម្បីយកមកចូលរួមអភិវឌ្ឍរាជបណ្ឌិត្យសភាកម្ពុជា ព្រមទាំងបានបញ្ជាក់ពីសារៈសំខាន់នៃការផ្លាស់ប្តូរភាសា និងវប្បធម៌ ក្នុងការស្វែងយល់ពីអត្តចរិត ប្រពៃណី និងអរិយធម៌របស់ប្រជាជននៃប្រទេសនីមួយៗ។

លោកក៏បានបញ្ជាក់ថា កិច្ចសហប្រតិបត្តិការរវាងកម្ពុជា និងរុស្ស៊ីបានផ្តល់ឱកាសដល់សិស្ស និស្សិតកម្ពុជាក្នុងការទទួលបានការអប់រំ និងចំណេះដឹង ដោយមិនគិតថ្លៃសិក្សាក្នុងកម្មវិធីមួយចំនួន ដែលជាការរួមចំណែកដ៏មានតម្លៃដល់ការអភិវឌ្ឍធនធានមនុស្ស និងសង្គមជាតិ។

ដោយឡែក លោកបណ្ឌិត យង់ ពៅ បានបន្ថែមថា ការរៀបចំសិក្ខាសាលានាពេលនេះ មានអត្ថន័យពិសេសក្នុងការរំលឹកខួបលើកទី៧០ នៃការបង្កើតទំនាក់ទំនងការទូតរវាងកម្ពុជា និងសហព័ន្ធរុស្ស៊ី ដែលបានចាប់ផ្តើមឡើងនៅថ្ងៃទី១៣ ខែឧសភា ឆ្នាំ១៩៥៦ ក្នុងសម័យសហភាពសូវៀត។ លោកបានបញ្ជាក់ថា ក្នុងរយៈពេល៧ទសវត្សរ៍កន្លងមក ទំនាក់ទំនងរវាងប្រទេសទាំងពីរ បានឆ្លងកាត់ការប្រែប្រួលជាច្រើន ស្របតាមបរិបទប្រវត្តិសាស្ត្រអន្តរជាតិ និងការវិវត្តនៃសណ្តាប់ធ្នាប់ពិភពលោក។ ទោះបីជាស្ថានភាពពិភពលោកមានការប្រែប្រួលយ៉ាងណាក៏ដោយការផ្លាស់ប្តូររវាងប្រជាជន កិច្ចសហប្រតិបត្តិការក្នុងវិស័យអប់រំ និងទំនាក់ទំនងវប្បធម៌ នៅតែជាសសរស្តម្ភដ៏សំខាន់ក្នុងការរក្សាចំណងមិត្តភាពរវាងប្រទេសទាំងពីរ។

លោកបានបន្ថែមថា អតីតនិស្សិតកម្ពុជាដែលបានទៅសិក្សានៅសហភាពសូវៀត និងសហព័ន្ធរុស្ស៊ី បានដើរតួនាទីជាស្ពានតភ្ជាប់ដ៏មានតម្លៃរវាងប្រជាជាតិទាំងពីរ តាមរយៈចំណេះដឹង បទពិសោធន៍ និងការផ្លាស់ប្តូរវប្បធម៌ដែលពួកគេបាននាំយកមកកាន់មាតុប្រទេស។

លោកបានបញ្ជាក់ថា សិក្ខាសាលានេះមានគោលបំណងសំខាន់ចំនួន៣ រួមមាន៖ ទី១ រំលឹកឡើងវិញនូវប្រវត្តិសាស្ត្រ និងសមិទ្ធផលសំខាន់ៗនៃទំនាក់ទំនងការទូតកម្ពុជា-រុស្ស៊ី ក្នុងរយៈពេល៧០ឆ្នាំកន្លងមក។ ទី២ ផ្តល់ឱកាសដល់អ្នកស្រាវជ្រាវ និងអ្នកជំនាញការទូត ក្នុងការផ្លាស់ប្តូរទស្សនៈ និងបទពិសោធន៍ពាក់ព័ន្ធនឹងកិច្ចសហប្រតិបត្តិការទ្វេភាគី លើវិស័យនយោបាយ អប់រំ វិទ្យាសាស្ត្រ វប្បធម៌ និងទំនាក់ទំនងរវាងប្រជាជននិងប្រជាជន។ ទី៣ ពិភាក្សាអំពីទស្សនវិស័យ និងឱកាសថ្មីៗ ដើម្បីពង្រឹងទំនាក់ទំនងកម្ពុជា-រុស្ស៊ី នាពេលអនាគត ក្នុងបរិបទដែលសណ្តាប់ធ្នាប់ពិភពលោកកំពុងមានការប្រែប្រួលយ៉ាងឆាប់រហ័ស។

ជាចុងក្រោយ លោកបណ្ឌិត យង់ ពៅ បានសម្តែងក្តីសង្ឃឹមថា សិក្ខាសាលានេះនឹងក្លាយជាវេទិកាដ៏មានសារៈសំខាន់សម្រាប់ការផ្លាស់ប្តូរទស្សនៈ ចំណេះដឹង និងបទពិសោធន៍រវាងអ្នកជំនាញ និងអ្នកពាក់ព័ន្ធ ព្រមទាំងបង្កើតឱកាសថ្មីៗសម្រាប់ការពង្រឹងកិច្ចសហប្រតិបត្តិការរវាងកម្ពុជា និងរុស្ស៊ី និងជាការចូលរួមចំណែកបន្សល់ទុកនូវមរតកចំណេះដឹងសម្រាប់ក្មេងជំនាន់ក្រោយ។

សូមជម្រាបថា សិក្ខាសាលានេះមិនត្រឹមតែជាការរំលឹកនូវប្រវត្តិសាស្ត្រនៃទំនាក់ទំនងការទូតរយៈពេល៧០ឆ្នាំប៉ុណ្ណោះទេ ប៉ុន្តែក៏ជាវេទិកាសម្រាប់ពិនិត្យមើលសមិទ្ធផលដែលសម្រេចបាន និងកំណត់ទិសដៅនៃកិច្ចសហប្រតិបត្តិការនាពេលអនាគត ដើម្បីបន្តពង្រឹងចំណងមិត្តភាព និងទំនាក់ទំនងរវាងប្រទេសទាំងពីរឱ្យកាន់តែមានភាពរឹងមាំ និងយូរអង្វែង៕