* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

ខេត្តព្រះវិហារ រៀបចំកម្មវិធីអបអរសាទរព្រះរាជពិធីបុណ្យអុំទូក អកអំបុក និងសំពះព្រះខែ នៅភូមិតាកឹងចងចាំ ក្រោមប្រធានបទ «រសជាតិអំបុក រសជាតិក្រឡាន»

22-11-2026 14:39

(ព្រះវិហារ)៖ រដ្ឋបាលខេត្តព្រះវិហារ បានរៀបចំកម្មវិធីអបអរសាទរព្រះរាជពិធីបុណ្យអុំទូក អកអំបុក និងសំពះព្រះខែ នៅភូមិតាកឹងចងចាំ ក្រោមប្រធានបទ «រសជាតិអំបុក រសជាតិក្រឡាន» ដោយមានការរៀបចំសកម្មភាពកម្សាន្ត វប្បធម៌ ប្រពៃណី និងកីឡាជាច្រើន ដើម្បីបង្កើតបរិយាកាសសប្បាយរីករាយ ព្រមទាំងលើកកម្ពស់ការថែរក្សា និងផ្សព្វផ្សាយអត្តសញ្ញាណវប្បធម៌ប្រពៃណីជាតិ។

ទន្ទឹមនឹងការរៀបចំកម្មវិធីកម្សាន្ត រដ្ឋបាលខេត្តក៏បានយកចិត្តទុកដាក់ខ្ពស់លើការងារសន្តិសុខ សណ្តាប់ធ្នាប់សាធារណៈ សុខាភិបាល និងអនាម័យបរិស្ថាន ដោយបានដាក់ពង្រាយកម្លាំង និងរៀបចំមធ្យោបាយសង្គ្រោះបឋម ដើម្បីធានាសុវត្ថិភាពជូនប្រជាពលរដ្ឋ និងភ្ញៀវទេសចរដែលអញ្ជើញមកចូលរួមកម្សាន្ត។

នៅព្រឹកថ្ងៃទី២២ ខែវិច្ឆិកា ឆ្នាំ២០២៦ លោក គីម រិទ្ធី អភិបាលខេត្តព្រះវិហារ បានអញ្ជើញដឹកនាំមន្ត្រីរាជការ និងប្រជាពលរដ្ឋ រៀបចំពិធីក្រុងពាលី ដើម្បីបើកកម្មវិធីអបអរសាទរព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ នៅភូមិតាកឹងចងចាំ ឃុំថ្មី ស្រុកគូលែន។

បើតាមលោក មិន ស៊ីថា អភិបាលរងខេត្តព្រះវិហារ បានឱ្យដឹងថា ការរៀបចំពិធីនេះមានគោលបំណងសំខាន់ក្នុងការលើកកម្ពស់ និងអភិរក្សវប្បធម៌ ប្រពៃណីជាតិ ព្រមទាំងបង្កើតឱកាសឱ្យប្រជាពលរដ្ឋ ជាពិសេសបងប្អូនភៀសសឹកនៅភូមិតាកឹងចងចាំ បានចូលរួមសប្បាយរីករាយ និងបង្ហាញពីសាមគ្គីភាពក្នុងសហគមន៍។

លោកអភិបាលរងខេត្តបានបញ្ជាក់ថា សម្រាប់សកម្មភាពក្នុងកម្មវិធីនេះ មានការប្រកួតកីឡាបាល់ទះរបស់កូនចៅបងប្អូនភាសឹក ការដាល់អំបុក ការសំពះព្រះខែ ការដុតកន្លាន ការប្រឡងចម្រៀង ការប្រឡងផ្ទះគំរូ និងការរត់ចម្ងាយ៥គីឡូម៉ែត្រ ដែលគ្រោងធ្វើឡើងនៅព្រឹកថ្ងៃទី២៣ ខែវិច្ឆិកា។ ក្រៅពីនេះ ក៏មានការសម្តែងស្គរដៃ និងបទភ្លេងប្រពៃណីខ្មែរ ដើម្បីបង្កើតបរិយាកាសកម្សាន្តជូនប្រជាពលរដ្ឋពេញមួយរយៈពេលពីរថ្ងៃនៃកម្មវិធីផងដែរ។

ជាមួយគ្នានេះ លោកអភិបាលរងខេត្តព្រះវិហារ ក៏បានបញ្ជាក់ពីការយកចិត្តទុកដាក់លើការគ្រប់គ្រងបរិស្ថាន និងការធានាសុវត្ថិភាពជូនអ្នកចូលរួម ដោយមានការចូលរួមពីមន្ទីរបរិស្ថានក្នុងការរៀបចំទីតាំងទុកដាក់សំរាមឱ្យបានត្រឹមត្រូវ។

ចំណែកផ្នែកសន្តិសុខវិញ មានកម្លាំងនគរបាលចាប់ពីប៉ុស្តិ៍នគរបាលរដ្ឋបាល អធិការដ្ឋាននគរបាលស្រុក រហូតដល់ស្នងការដ្ឋាននគរបាលខេត្ត រួមជាមួយកងរាជអាវុធហត្ថ បានដាក់កម្លាំងប្រចាំការដើម្បីរក្សាសន្តិសុខ សណ្តាប់ធ្នាប់ និងការពារសុវត្ថិភាពជូនប្រជាពលរដ្ឋ។

ដោយឡែកផ្នែកសុខាភិបាលក៏បានរៀបចំប៉ុស្តិ៍សុខាភិបាល និងរថយន្តសង្គ្រោះបន្ទាន់ប្រចាំការនៅទីតាំងកម្មវិធី ដើម្បីផ្តល់សេវាសង្គ្រោះបឋមក្នុងករណីមានអ្នកចូលរួមមានបញ្ហាសុខភាព។ ប្រសិនបើមានករណីធ្ងន់ធ្ងរ ក៏មានរថយន្តត្រៀមដឹកបញ្ជូនទៅកាន់មណ្ឌលសុខភាព ឬមន្ទីរពេទ្យបង្អែកស្រុក ដើម្បីទទួលការព្យាបាលបន្តផងដែរ។

លោក មិន ស៊ីថា បានអំពាវនាវដល់ប្រជាពលរដ្ឋ និងភ្ញៀវដែលអញ្ជើញមកចូលរួម សូមចូលរួមឱ្យបានច្រើនកុះករ ដើម្បីអបអរសាទរព្រះរាជពិធីនេះ ព្រមទាំងស្នើឱ្យអ្នកចូលរួមទាំងអស់ចូលរួមគោរពសណ្តាប់ធ្នាប់សាធារណៈ រក្សាអនាម័យ និងទទួលខុសត្រូវលើសុវត្ថិភាពរៀងៗខ្លួន ដោយសារការធានាសុវត្ថិភាព និងភាពសប្បាយរីករាយក្នុងកម្មវិធីនេះ ទាមទារឱ្យមានការចូលរួមសហការពីគ្រប់ភាគីទាំងអស់។

តាមរយៈសកម្មភាពទាំងនេះកម្មវិធីអបអរសាទរព្រះរាជពិធីបុណ្យអុំទូក អកអំបុក និងសំពះព្រះខែ នៅភូមិតាកឹងចងចាំ មិនត្រឹមតែជាព្រឹត្តិការណ៍កម្សាន្តប៉ុណ្ណោះទេ ប៉ុន្តែក៏ជាឱកាសដ៏មានតម្លៃក្នុងការថែរក្សាប្រពៃណី ទំនៀមទម្លាប់ និងពង្រឹងចំណងសាមគ្គីភាពក្នុងសហគមន៍ផងដែរ៕