(ប៉េកាំង)៖ ប្រព័ន្ធផ្សព្វផ្សាយរដ្ឋចិន បានរាយការណ៍ថា គ្រោះធម្មជាតិបានឆក់យកជីវិតមនុស្សចំនួន ៨នាក់នៅក្រុង Chengde ជាយរដ្ឋធានីប៉េកាំង និងបាត់ខ្លួនចំនួន ១៨នាក់ ខណៈភ្លៀងធ្លាក់ខ្លាំងបានវាយលុកតំបន់ភ្នំ កាលពីសប្តាហ៍មុន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី៣១ ខែកក្កដា ឆ្នាំ ២០២៥។

ទីភ្នាក់ងារសារព័ត៌មាន Xinhua រាយការណ៍ថាអ្នកស្លាប់មាននៅភូមិនានា ក្នុងភូមិ Xinglong ក្រុង Chengde ខេត្ត Hebei។ ដំណើរការស្វែងរក​អ្នក​បាត់​ខ្លួនកំពុងបន្ត។ ភ្លៀងធ្លាក់ខ្លាំង កាលពីថ្ងៃពុធសប្តាហ៍មុនលើទីក្រុងប៉េកាំង និងតំបន់ជុំវិញបាននាំមកនូវរបាយទឹកភ្លៀងកម្រិតស្មើនឹងពេញមួយឆ្នាំ ក្នុងរយៈពេលតិចជាងមួយសប្តាហ៍ នៅតំបន់មួយចំនួន ដោយសម្លាប់មនុស្ស ៣០នាក់នៅជាយក្រុង។

ដោយសារតែជាតំបន់ភ្នំ Chengde ត្រូវបានគេស្គាល់ថាជាទីក្រុងរមណីយដ្ឋាន ដែលអធិរាជសម័យកាលរាជវង្ស Qing ប្រើសម្រាប់ជាកន្លែងគេចពីអាកាសធាតុក្តៅរបស់ទីក្រុងប៉េកាំង អំឡុងពេលនៃរដូវក្តៅ។ ភ្លៀងធ្លាក់ខ្លាំង និងទឹកជំនន់ធ្ងន់ធ្ងរ ដែលក្រុមអ្នកឧតុនិយមផ្សារភ្ជាប់ទៅនឹងការប្រែប្រួលអាកាសធាតុ កាន់តែបង្កើនបញ្ហាប្រឈមធំ សម្រាប់អ្នកបង្កើតគោលនយោបាយចិន ដោយមន្ត្រីមួយចំនួនមានការយឺតយ៉ាវ ក្នុងចាត់វិធានការនានា៕