លោក Zhao Leji ចូលរួមសន្និបាតប្រធានសភាពិភលោកលើកទី៦ ព្រមទាំងថ្លែងសុន្ទរកថា
01-08-2025 17:15
(ប៉េកាំង)៖ ពីថ្ងៃទី២៩ ដល់ថ្ងៃទី៣១ ខែកក្កដា ឆ្នាំ២០២៥ សន្និបាតប្រធានសភាពិភពលោកលើកទី៦ បានបើកធ្វើឡើងនៅវិមាន Palace of Nations ក្រុងហ្សឺណែវ។
លោក Zhao Leji ប្រធានគណៈកម្មាធិការអចិន្ត្រៃយ៍ នៃសភាតំណាងប្រជាជនទូទាំងប្រទេសចិន បានអញ្ជើញចូលរួម ព្រមទាំងថ្លែងសុន្ទរកថាក្រោមចំណងជើងថា «គាំទ្រពហុភាគីនិយមរួមគ្នាកសាងផ្ទះដ៏ល្អបវរ»។
លោកបានថ្លែងថា ពេលបច្ចុប្បន្ននេះបុព្វហេតុសន្តិភាពនិងវឌ្ឍនភាព នៃមនុស្សជាតិបាននិងកំពុងប្រឈមនឹង ការសាកល្បងយ៉ាងធ្ងន់ធ្ងរស្ថាប័ននីតិប្បញ្ញត្តិ មានភារកិច្ចដើរតួនាទីយ៉ាងសកម្ម ក្នុងការជំរុញការបង្កើតទំនាក់ទំនងអន្តរជាតិបែបថ្មី។
យើងគួរធ្វើជាអ្នករក្សាការពារសន្តិភាពនិងភាពសុខសាន្តត្រាណ នៃពិភពលោកគោរពនូវមាគ៌ាអភិវឌ្ឍន៍ ដែលជ្រើសរើសដោយម្ចាស់ការ នៃប្រជាជនប្រទេសនានាធ្វើជាអ្នកជំរុញវឌ្ឍនភាព និងវិបុលភាពសកលធ្វើជាអ្នកផ្តួចផ្តើមគំនិតរួម នូវការផ្លាស់ប្តូរនិងរៀនសូត្រទៅវិញទៅមកពី អរិយធម៌ធ្វើជាអ្នកជំរុញសច្ចយុត្តិធម៌អន្តរជាតិ។
សូមជម្រាបថាសន្និបាតប្រធានសភាពិភពលោក នឹងរៀបចំឡើងរៀងរាល់៥ឆ្នាំម្តង។ថ្នាក់ដឹកនាំសភានៃប្រទេសចំនួន១២០ បានចូលរួមសន្និបាតលើកនេះ៕
វិទ្យុមិត្តភាពកម្ពុជាចិន