(ព្រុចសែល)៖​ បណ្តាក្រុមហ៊ុនផលិតនៅក្នុងប្រទេសស្វីស​ បានព្រមានថា ការងាររាប់ម៉ឺនកន្លែងត្រូវប្រឈមនឹងហានិភ័យ បន្ទាប់ពីប្រធានាធិបតីអាមេរិក លោក ដូណាល់ ត្រាំ ដាក់អត្រាពន្ធខ្ពស់បំផុតនៅក្នុងវិធានការពាណិជ្ជកម្មរបស់លោក​ សម្រាប់ប្រទេសស្វីស។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន​ Reuters នៅថ្ងៃសៅរ៍​ ទី២​ ខែសីហា​ ឆ្នាំ​ ២០២៥។

ស្វីស​ ជាប្រទេសដែលពឹងផ្អែកលើការនាំចេញ​។ រដ្ឋាភិបាលបាននិយាយថានឹងសម្រេចលេីរបៀបធ្វេីការបន្ទាប់ ក្រោយលោក​ ត្រាំ​ កំណត់ពន្ធ​ ៣៩ភាគរយ ដែលជាច្រើនជាងទ្វេដងពីអត្រា ១៥ភាគរយសម្រាប់ការនាំចូលពីប្រទេសសហភាពអឺរ៉ុបភាគច្រើន​ ទៅកាន់សហរដ្ឋអាមេរិក។

បេីតាមសេតវិមាន​ ការដំឡេីងពន្ធដែលដំបូងឡេីយ​ ៣១ភាគរយ​ មកដល់ឥឡូវ​ ៣៩ភាគរយដូច្នេះ​ គឺដោយសារតែការបដិសេធរបស់ស្វីសក្នុងការធ្វើសម្បទានដោយទម្លាក់របាំងពាណិជ្ជកម្ម។

គូរបញ្ជាក់ថា​ ការនាំចេញដ៏សំខាន់របស់ស្វីសទៅកាន់សហរដ្ឋអាមេរិក​ គឺផលិតផលឱសថដែលមានតម្លៃ ៣៥ពាន់លានដុល្លារកាលពីឆ្នាំ២០២៤ ទោះជាក្រុមមន្ត្រីនិយាយថាអ្នកផលិតឱសថមិនគួររងផលប៉ះពាល់ដោយអត្រាខ្ពស់នេះក៏ដោយ៕