(តូក្យូ)៖ ប្រទេសជប៉ុន បានកត់ត្រាពីសីតុណ្ហភាពក្តៅខ្លាំងគឺ ៤១.៦អង្សាសេ និង៤១.៨អង្សាសេ នៅថ្ងៃអង្គារ ទី៥ ខែសីហា ជាមួយនិងការព្យាករពីការិយាល័យឧតុនិយមថា កំដៅនឹងឡើងថែមទៀត។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP។

សីតុណ្ហភាពទីក្រុង Isesaki បានហក់ឡើងលើសកំណត់ត្រាពីមុន ដោយតំបន់ Hyogo ភាគខាងលិចមានកម្រិត ៤១.២អង្សាសេ កាលពីសប្តាហ៍មុន។ នៅឯតំបន់ទេសចរណ៍ Kyoto កាលពីសប្តាហ៍មុន អាជ្ញាធរនិយាយថា ឧបករណ៍វាស់សីតុណ្ហភាពឡើងដល់ ៤០អង្សាសេ ជាទីតាំងថ្មីមួយទៀតនៅជប៉ុន ដែលត្រូវបានកត់ត្រាពីកំដៅខ្លាំងក្នុងឆ្នាំ ២០២២។

អ្នកជំនាញព្រមានថា ដើម cherry កំពុងរីកស្គុះស្គាយ ដោយសារតែអាកាសធាតុក្តៅ ឬជួនកាលមិនចេញផ្កាទាំងស្រុង ដោយសារតែរដូវស្លឹកឈើជ្រុះ និងរដូវរងាមិនត្រជាក់គ្រប់គ្រាន់ដើម្បីបង្កការចេញផ្កា។ គេក៏មិនបានឃើញផ្ទាំងទឹកកកដ៏ល្បីល្បាញ នៃភ្នំ Fuji រហូតដល់ដើមខែវិច្ឆិកា បើធៀបនឹងជាទូទៅនៅដើមខែតុលា។

គួរបញ្ជាក់ថា សីតុណ្ហភាពទូទាំងពិភពលោក បានកើនឡើងក្នុងរយៈពេលប៉ុន្មានឆ្នាំថ្មីៗនេះ ដោយសារការប្រែប្រួលអាកាសធាតុ បង្កើតបានជាបាតុភូតមិនធ្លាប់មាន ហើយមិនលើកលែងសូម្បីតែជប៉ុន៕