(ញូវដែលី)៖ ឥណ្ឌា បានរិះគន់ធ្ងន់ៗចំពោះសហរដ្ឋអាមេរិក និងសហភាពអឺរ៉ុប (EU) ដោយនិយាយថា វាអយុត្តិធម៌សម្រាប់ខ្លួន ជុំវិញការទិញប្រេងពីរុស្ស៉ី ទាំងដែរប្រទេសពួកគេ បន្តធ្វើពាណិជ្ជកម្មជាមួយទីក្រុងមូស្គូ ទោះបីជាមានសង្រ្គាមនៅអ៊ុយក្រែនក៏ដោយ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។

ប្រធានាធិបតីអាមេរិក លោក ដូណាល់ ត្រាំ បានគំរាមជាថ្មីថា នឹងដំឡើងពន្ធលើទំនិញនាំចូលរបស់ឥណ្ឌា ដោយសារតែការទិញប្រេងរុស្ស៉ី និងទំនាក់ទំនងស៉ីជម្រៅនៃប្រទេសទាំងពីរ។ នៅក្នុងការរួបរួមដ៏កម្រមួយ គណបក្ស Bharatiya Janata របស់លោកនាយករដ្ឋមន្ត្រី Narendra Modi និងសភាដែលគ្រប់គ្រងដោយបក្សប្រឆាំង បានថ្កោលទោសការអត្ថាធិប្បាយម្តងហើយម្តងទៀតរបស់ លោក ត្រាំ។

ក្រសួងការបរទេសឥណ្ឌា បានលើកឡើងថា «​ប្រទេស​ដែល​រិះគន់​ឥណ្ឌា​ គឺ​ខ្លួន​ឯង​ទេដែល​ធ្វើ​ពាណិជ្ជកម្ម​ជាមួយ​រុស្ស៉ី។ វាមិនស្មើភាពឡើយ ក្នុងឆ្នាំ ២០២៤ EU បានធ្វើពាណិជ្ជកម្មគិតជាទឹកប្រាក់ ៧៨.២ពាន់លានដុល្លារជាមួយរុស្ស៉ី រួមទាំងការនាំចូលឧស្ម័នធម្មជាតិរាវ (LNG)»។ ភ្លាមៗ ស្ថានទូតអាមេរិក និងប្រតិភូ EU ប្រចាំទីក្រុង New Delhi មិនបានឆ្លើយតបចំពោះសំណើសុំការអត្ថាធិប្បាយនោះទេ៕