(វ៉ាស៉ីនតោន)៖ កាលពីថ្ងៃព្រហស្បតិ៍សប្តាហ៍នេះ សហរដ្ឋអាមេរិកបានដាក់ទណ្ឌកម្មលើបុគ្គល និងក្រុមហ៊ុនចំនួន ១៨ ដែលក្រសួងហិរញ្ញវត្ថុកំណត់ថា ជាបណ្តាញមួយជួយឱ្យអ៉ីរ៉ង់គេចផុតពីទណ្ឌកម្ម និងបង្កើនប្រាក់ចំណូល។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី៨ ខែសីហា ឆ្នាំ ២០២៥។

រដ្ឋមន្រ្តីហិរញ្ញវត្ថុអាមេរិក លោក Scott Bessent គូសបញ្ជាក់ថា «ក្រសួងនឹងបន្តរារាំងអ៉ីរ៉ង់ ពីការគេចវេះទណ្ឌកម្ម រារាំងលទ្ធភាពទទួលបានប្រាក់ចំណូល និងគ្មានដើមទុនសម្រាប់កម្មវិធីអាវុធរបស់ខ្លួន ដើម្បីការពារប្រជាជនអាមេរិក»។

តាមក្រសួងហិរញ្ញវត្ថុអាមេរិក បុគ្គល និងអង្គភាពដែលត្រូវដាក់ទណ្ឌកម្ម រួមមានទាំងក្រុមហ៊ុន RUNC Exchange System និងក្រុមថ្នាក់ដឹកនាំរបស់ខ្លួន ធនាគារ Cyrus Offshore ក៏ដូចជាក្រុមហ៊ុន software របស់អ៉ីរ៉ង់ គឺ Pasargad Arian Information and Communication Technology៕