(សៅប៉ូឡូ)៖ ប៉ូលិស បាននិយាយនៅសៅរ៍ ទី៩ ខែសីហាថា គ្រោះថ្នាក់ចរាចរណ៍រវាងរថយន្តក្រុង និងរថយន្តដឹកទំនិញនៅរដ្ឋ Mato Grosso ភាគខាងលិចប្រេស៉ីល បានសម្លាប់មនុស្ស ១១នាក់ និងរបួស ៤៥នាក់ កាលពីល្ងាចថ្ងៃសុក្រ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters។

តាមព័ត៌មានបឋម រថយន្តក្រុងបានបុករថយន្តដឹកកប្បាស នៅជិតទីក្រុង Lucas do Rio Verde ហេីយត្រូវបានរាយការណ៍នៅម៉ោង ៩ និង ៤០នាទីយប់ថ្ងៃសុក្រ។

នៅក្នុងការជូនដំណឹងដាច់ដោយឡែក ក្រុមហ៊ុនធ្វេីផ្លូវថ្នល់ Nova Rota do Oeste និងប៉ូលិសនៅផ្លូវហាយវេ បានឱ្យដឹងថា អ្នករងរបួសត្រូវបានបញ្ជូនទៅមន្ទីរពេទ្យនៅក្បែរកន្លែងកេីតហេតុ។ អ្នករបួស ១១នាក់ស្ថិតក្នុងស្ថានភាពធ្ងន់ធ្ងរ ២៦នាក់ស្ថិតក្នុងស្ថានភាពមធ្យម និង ៨នាក់របួសស្រាល៕