(អ៉ីស្លាម៉ាបាដ)៖ ប៉ាគីស្ថាន នឹងបង្កើតកងកម្លាំងថ្មីមួយនៅក្នុងជួរយោធា ដើម្បីត្រួតពិនិត្យសមត្ថភាពប្រយុទ្ធដោយមីស៉ីល ករណីមានជម្លោះកើតឡើង ដែលជាការផ្លាស់ប្តូរមួយឱ្យស៉ីគ្នានឹងប្រទេសជិតខាង ដែលជាគូប្រជែងគឺឥណ្ឌា។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១៤ ខែសីហា ឆ្នាំ ២០២៥។

នាយករដ្ឋមន្រ្តី លោក Shehbaz Sharif បានប្រកាសពីការបង្កើតកងកម្លាំងរ៉ុក្កែត (Army Rocket Force) នៅ​ឯពិធី​មួយ​ដែល​ធ្វើ​ឡើង​ក្នុង​ទីក្រុង​ Islamabad ដើម្បី​រំឭក​ដល់​ជម្លោះ​ដ៏​អាក្រក់​បំផុត​ ក្នុង​រយៈពេល​ជាច្រើន​ទសវត្សរ៍​ជាមួយឥណ្ឌា ​​កាលពី​ខែ​ឧសភា។ លោក Sharif លើកឡើងថា នឹងមានការបំពាក់បច្ចេកវិទ្យាទំនើប ដោយបន្ថែមថា កងកម្លាំងថ្មីនេះ នឹងសបញ្ជាក់ពីការពង្រឹងសមត្ថភាពប្រយុទ្ធរបស់កងទ័ពប៉ាគីស្ថាន។

គួរបញ្ជាក់ថា ជម្លោះប្រដាប់អាវុធ កាលពីខែឧសភា គឺការប្រយុទ្ធគ្នាដ៏ធ្ងន់ធ្ងរបំផុតរវាងប៉ាគីស្ថាន និងឥណ្ឌា ក្នុងរយៈពេលច្រើនទសវត្សរ៍ ដែលភាគីទាំងពីរបានប្រើប្រាស់មីស៉ីល យន្តហោះដ្រូន និងយន្តហោះចម្បាំង មុនពេលបញ្ចប់ទៅវិញ ក្រោយការអំពាវនាវរបស់ប្រធានធិបតីអាមេរិក លោក ​ដូណាល់ ត្រាំ៕