(កូឡុំបូ)៖ នៅក្នុងរបាយការណ៍ស្តីគោលនយោបាយរូបិយវត្ថុ ធនាគារកណ្តាលបានលើកឡើងថា សេដ្ឋកិច្ចរបស់ស្រីលង្កានឹងកើនឡើង ៤.៥ភាគរយនៅឆ្នាំនេះ ទោះបីជាមានហានិភ័យមួយចំនួនចំពោះការងើបឡើងវិញ ដោយសារតែពន្ធគយរបស់សហរដ្ឋអាមេរិកក៏ដោយ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃសុក្រ ទី១៥ ខែសីហា ឆ្នាំ ២០២៥។

របាយការណ៍ដដែលគូសបញ្ជាក់ថា «លក្ខខណ្ឌនៃតម្រូវការពីខាងក្រៅ និងការវិវឌ្ឍនៃទិដ្ឋភាពសេដ្ឋកិច្ចពិភពលោក អាចបង្កើនកម្រិតនៃភាពមិនច្បាស់លាស់ ទាក់ទងនឹងការរំពឹងទុកនៃកំណើននេះ ក្នុងរយៈពេលខ្លីទៅមធ្យម»។ ស្រីលង្កា ក៏កំពុងបន្តកិច្ចពិភាក្សាជាមួយសហរដ្ឋអាមេរិក អំពីពន្ធគយ ២០ភាគរយ ដែលត្រូវបានកាត់បន្ថយពីអត្រា ៤៤ភាគរយក្នុងខែមេសា។

ក្រុមហ៊ុនសម្លៀកបំពាក់ Apparel ដែលជាអ្នករកប្រាក់ចំណូលពីការផ្លាស់ប្តូរទំនិញលំដាប់បរទេស ធំជាងគេទីពីររបស់ស្រីលង្កា បានរួមចំណែកជាពិសេស ដោយបាននាំចេញ ៤០ភាគរយនៃផលិតផលរបស់ខ្លួន ទៅកាន់សហរដ្ឋអាមេរិក ហើយនាំមកវិញនូវប្រាក់ចំណូលចំនួន ៤.៨ពាន់លានដុល្លារកាលពីឆ្នាំមុន។ ក្រុមហ៊ុននេះ មានបុគ្គលិកប្រហែល ៣០០ ០០០នាក់ ដែលភាគច្រើនជាស្ត្រី៕