(ប៉េកាំង)៖ ក្រសួងការបរទេសចិន បានប្រកាសថា រដ្ឋមន្ត្រីលោក Wang Yi នឹងបំពេញទស្សនកិច្ចនៅឥណ្ឌា ពីថ្ងៃច័ន្ទដល់ថ្ងៃពុធសប្តាហ៍ក្រោយ ដើម្បីពិភាក្សាអំពីព្រំដែនដែលមានជម្លោះនៅតំបន់ភ្នំហិមាល័យ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី១ ៦ ខែសីហា ឆ្នាំ ២០២៥។

ប្រសិនបេីមិនមានការប្រែប្រួលទេ នេះជាជំនួបលើកទីពីរហើយ​ ចាប់តាំងពីមានការប៉ះទង្គិចគ្នាខ្លាំងក្នុង២០២០ រវាងទាហានឥណ្ឌា និងចិននៅឯព្រំដែន។ ទំនាក់ទំនងតានតឹងរវាងប្រទេសដ៏ធំទាំងពីរបានរសាយទៅវិញ បន្ទាប់ពីកិច្ចព្រមព្រៀងខែតុលាឆ្នាំមុនស្តីពីការល្បាតតាម ដោយបន្ធូរបន្ថយនូវភាពជាប់គាំងអស់រយៈពេល ៥ឆ្នាំ​ដែលធ្វើឱ្យប៉ះពាល់ដល់ពាណិជ្ជកម្ម ការវិនិយោគ និងការធ្វើដំណើរតាមផ្លូវអាកាស។

គួរបញ្ជាក់ថា នាយករដ្ឋមន្ត្រីឥណ្ឌា លោក Narendra Modi ក៏គ្រោងជួបប្រធានាធិបតីចិន លោក Xi Jinping នាចុងខែសីហាខាងមុខនេះ​ នៅពេលដែលលោកធ្វើដំណើរទៅកាន់ប្រទេសចិន ដើម្បីចូលរួមកិច្ចប្រជុំកំពូលនៃអង្គការសហប្រតិបត្តិការសៀងហៃ៕