(មូស្គូ)៖ ក្រសួងសង្គ្រោះបន្ទាន់របស់រុស្ស៉ី បានឱ្យដឹងនៅថ្ងៃសៅរ៍ ទី១៦ ខែសីហា នេះថា ការផ្ទុះនៅរោងចក្រមួយក្នុងតំបន់ Ryazan នៃប្រទេស កាលពីថ្ងៃសុក្របានសម្លាប់មនុស្ស ១១នាក់ និងរបួសមនុស្ស ១៣០នាក់។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters។

ក្រុមសង្គ្រោះកំពុងបន្តស្វែងរកតាមគំនរបាក់បែកនៅកន្លែងកើតហេតុ ដែលមានចម្ងាយ ៣២០គីឡូម៉ែត្រ ភាគអាគ្នេយ៍ទីក្រុងមូស្គូ។ អភិបាលតំបន់ Ryazan លោក Pavel Malkov បាននិយាយថា ឧបទ្ទវហេតុនេះបង្កឡើងដោយអគ្គីភ័យឆាបឆេះចេញពីរោងជាង នៅក្នុងរោងចក្រ។

គួរបញ្ជាក់ថា មិនមានការផ្តល់មូលហេតុដែលបណ្តាលឱ្យមានអគ្គិភ័យនោះទេ​ ហេីយគេក៏មិនដឹងថារោងចក្រនេះផលិតអ្វីដែរ។ ប្រព័ន្ធផ្សព្វផ្សាយ រុស្ស៉ីមួយចំនួនបានរាយការណ៍ថា បណ្តាលមកពីគ្រាប់កាំភ្លើងធ្លាក់ហេីយផ្ទុះឆេះ៕