ប៉ូឡូញ ថាដ្រូនរបស់រុស្ស៉ី ធ្លាក់លើវាលស្រែភាគខាងកើតប្រទេស (Video inside)
21-08-2025 11:18
(វ៉ាសូវី)៖ មន្ត្រីប៉ូឡូញ បានឱ្យដឹងកាលពីថ្ងៃពុធសប្តាហ៍នេះ យន្តហោះដ្រូនរបស់រុស្ស៉ី បានធ្លាក់ចំវាលស្រែមួយកន្លែងនៅឯភាគខាងកើតប្រទេស ដោយរដ្ឋមន្ត្រីការពារជាតិប៉ូឡូញ ចាត់ទុកឧប្បត្តិហេតុនោះថាជាការបង្កហេតុ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី២១ ខែសីហា ឆ្នាំ ២០២៥។
ដ្រូនមួយគ្រឿងនោះធ្លាក់មកត្រូវចំ និងឆេះចំការពោត នៅក្នុងភូមិ Osiny ខេត្ត Lublin ភាគខាងកើតកាលពីយប់ថ្ងៃពុធ ចម្ងាយជាង ១០០គីឡូម៉ែត្រពីព្រំដែនអ៊ុយក្រែន។ ឧបនាយករដ្ឋមន្ត្រី និងជារដ្ឋមន្រ្តីការពារជាតិប៉ូឡូញ លោក Wladyslaw Kosiniak-Kamysz និយាយថា ឧប្បត្តិហេតុនេះ ស្រដៀងគ្នាទៅនឹងករណីដែលដ្រូនរុស្ស៉ី ហោះចូលទៅក្នុងប្រទេសលីទុយអានី និងរូម៉ានីដែរ។ លោកចាត់ទុកថាជាសកម្មភាពបង្កហេតុពីសំណាក់រុស្ស៉ី ចំពេលវេលាដែលគ្រប់គ្នាកំពុងពិភាក្សាអំពីសន្តិភាពនៅអ៊ុយក្រែន។ ភ្លាមៗស្ថានទូតរុស្ស៉ីប្រចាំទីក្រុងវ៉ាសូវី មិនទាន់មានការឆ្លើយតបទេ។
គួរបញ្ជាក់ថា ប៉ូឡូញ បានដាក់កម្រិតប្រកាសអាសន្នខ្ពស់ ចំពោះលទ្ធភាពនៃការវាយប្រហាររាលដាលចូលដែនអាកាសរបស់ខ្លួន ចាប់តាំងពីមីស៉ីលអ៊ុយក្រែន វាយប្រហារភូមិមួយនៅភាគខាងត្បូងប្រទេស ក្នុងឆ្នាំ ២០២២ បណ្តាលឱ្យមនុស្សពីរនាក់ស្លាប់៕