(វ៉ាស៉ីនតោន)៖ កាលពីថ្ងៃព្រហស្បតិ៍សប្តាហ៍នេះ រដ្ឋបាលលោក ត្រាំ បានប្រកាសទណ្ឌកម្មបន្ថែមចំពោះអ្នកពាក់ព័ន្ធជាមួយអ៉ីរ៉ង់ ដោយកំណត់គោលដៅលើក្រុមហ៊ុនចំនួន ១៣ នៅប្រទេសចិន អេមីរ៉ាត់អារ៉ាប់រួម និងដែនដី Marshall Islands ក៏ដូចជានាវា ៨គ្រឿង។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី២២ ខែសីហា ឆ្នាំ ២០២៥។

ក្រសួងការបរទេសអាមេរិក បានឱ្យដឹងថា វិធានការនេះគ្របដណ្តប់លើជនជាតិក្រិក លោក Antonios Margaritis និងបណ្តាញក្រុមហ៊ុន ក៏ដូចជានាវារបស់លោក ដែលមានជាប់ពាក់ព័ន្ធក្នុងការដឹកជញ្ជូនប្រេងនាំចេញរបស់អ៉ីរ៉ង់ ដោយរំលោភលើទណ្ឌកម្ម។ ប្រតិបត្តិករនៃស្ថានីយ និងកន្លែងផ្ទុកប្រេងចំនួន ដែលមានមូលដ្ឋាននៅក្នុងប្រទេសចិន ក៏រងនូវទណ្ឌកម្មផងដែរ ដោយសារតែពួកគេ ទទួល និងរៀបចំដាក់ប្រេងអ៉ីរ៉ង់នៅលើនាវា ដែលត្រូវបានកំណត់គោលដៅដោយទណ្ឌកម្មពីមុនរបស់សហរដ្ឋអាមេរិក។

តាមក្រសួងការបរទេស ការដាក់ទណ្ឌកម្មត្រូវបានអនុវត្តស្របតាមបទបញ្ជាប្រតិបត្តិរបស់ លោក ត្រាំ ដែលកំណត់គោលដៅលើវិស័យប្រេង និងជាយុទ្ធនាការដាក់សម្ពាធសេដ្ឋកិច្ចជាអតិបរមាលើអ៉ីរ៉ង់៕