(ប៉េកាំង)៖ ប្រព័ន្ធផ្សព្វផ្សាយរដ្ឋ បានរាយការណ៍ថា មនុស្ស ៧នាក់បានស្លាប់ និង ៩នាក់បាត់ខ្លួន បន្ទាប់ពីដាច់ខ្សែពួរស្ពានកំពុងសាងសង់មួយ នៅឯភាគពាយព្យប្រទេសចិន នាថ្ងៃសុក្រ ទី២២ ខែសីហា។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP។

កាសែត People's Daily បានឱ្យដឹងថា មានកម្មករ ១៥នាក់ និងមេការគម្រោង នៅឯការដ្ឋានស្ពានឆ្លងកាត់ទន្លេលឿង ខេត្ត Qinghai នៅពេលដាច់ខ្សែពួរ កាលពីវេលាម៉ោងប្រហែល ៣ទាបភ្លឺថ្ងៃសុក្រ។ ប្រតិបត្តិការសង្រ្គោះកំពុងបន្ត។

ស្ពាននោះតភ្ជាប់ផ្លូវដែក Sichuan-Qinghai ដែលជាផ្លូវរថភ្លើងធំជាងគេទីពីររបស់ពិភពលោក និងមានប្រវែងវែងជាងគេលើពិភពលោក។ វាក៏ជាស្ពានដែកផ្លូវដែកទីមួយរបស់ចិន ដែលលាតសន្ធឹងលើទន្លេលឿង ដែលជាស្ពានវែងបំផុតទីពីររបស់ចិនផងដែរ៕