(ប៉េកាំង)៖ ថ្ងៃទី ១៩ ខែសីហាតាមម៉ោងក្នុងតំបន់ សកម្មភាពផ្លាស់ប្តូរប្រជាជននិងប្រជាជនឈ្មោះ «សំឡេងនៃសន្តិភាព» ដែលរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិន (CMG) បានធ្វើឡើងនៅក្រុងណៃរ៉ូប៊ី រដ្ឋធានីកេនយ៉ា។ លោក Shen Haixiong អនុរដ្ឋមន្ត្រីក្រសួងឃោសនាការនៃមជ្ឈិមចិននិងជាអគ្គនាយកនៃ CMG បានថ្លែងសុន្ទរកថាតាមប្រព័ន្ធវីដេអូ។ ភ្ញៀវកិត្តិយសជាង២០០រូបមកពីស្ថាប័នរដ្ឋាភិបាល ប្រព័ន្ធសារព័ត៌មាន ធនាគារគំនិត និងសាលាឧត្តមសិក្សារបស់កេនយ៉ា បានចូលរួមព្រឹត្តិការណ៍នេះ។

លោក Shen Haixiong បានថ្លែងថា ប្រធានរដ្ឋចិន លោក Xi Jinping បានបញ្ជាក់ថា «ការចងចាំនិងការពិត នៃប្រវត្តិសាស្ត្រមិនសាបរលាបតាមពេលវេលានោះទេ បទពិសោធប្រវត្តិសាស្ត្រនឹងដាស់តឿនយើងជានិច្ច មិនថាពេលបច្ចុប្បន្នឬអនាគត។» ពិភពលោកសព្វថ្ងៃនេះមិនមានសន្តិភាពពេញលេញទេ ។ យើងគួរចាត់ទុកប្រវត្តិសាស្ត្រ ជាមេរៀន ពួតដៃគ្នាជំរុញការកសាងសហគមន៍រួមវាសនាសម្រាប់មនុស្សជាតិ ដើម្បីឱ្យរស្មីនៃសន្តិភាពបំភ្លឺផ្ទះមនុស្សជាតិ។

ក្នុងសកម្មភាពនេះ ភាពយន្តឯកសារខ្នាតខ្លីមួយចំនួនដែលផលិតដោយ CGTN នៃអគ្គស្ថានីយវិទ្យុនិងទូរទស្សន៍មជ្ឈិមចិន ដូចជារឿង «អ្នកចម្បាំងត្រូវបំភ្លេច៖ ការរួមចំណែកនិងការពលីជីវិតរបស់ទាហានអាហ្វ្រិក» ត្រូវបានបញ្ចាំង។ ភ្ញៀវកិត្តិយសបាននិយាយព្រមៗគ្នាថា ស្នាដៃភាពយន្តទាំងនេះបានបង្ហាញពីតួនាទីសំខាន់ របស់ប្រជាជនអាហ្វ្រិក ក្នុងសង្គ្រាមប្រឆាំងហ្វាស៊ីស។

ប្រព័ន្ធសារព័ត៌មានសំខាន់ៗរបស់ប្រទេសទ្វីបអាហ្វ្រិក បានតាមដាននិងផ្សព្វផ្សាយពីសកម្មភាពនេះ ដែលបានផ្សាយជូនទស្សនិកជន និងអ្នកអានចំនួនប្រហែល ៦០០ លាននាក់នៃប្រទេសចំនួន២០ ក្នុងទ្វីបអាហ្វ្រិក៕

វិទ្យុមិត្តភាពកម្ពុជាចិន