(បាងកក)៖ អគ្គីភ័យបានឆាបឆេះហាងលក់សំលៀកបំពាក់មួយកន្លែង នៅជាន់ទី៣ នៃផ្សារទំនើប Platinum ក្នុងតំបន់ Pratunam ទីក្រុងបាងកក ប្រទេសថៃ កាលពីរសៀលថ្ងៃសៅរ៍ ទី២៣ ខែសីហានេះ បណ្តាលឱ្យអ្នកទិញឥវ៉ាន់ផ្អើលឆោឡោរត់ចេញក្រៅ។ នេះបេីយោងតាមការចេញផ្សាយដោយកាសែត Khaosod។

ក្រុមអ្នកពន្លត់អគ្គីភ័យ និងបុគ្គលិកជួយសង្គ្រោះ មកពីស្ថានីយ៍ពន្លត់អគ្គីភ័យ Phaya បានចំណាយពេល២០នាទី ទើបអាចគ្រប់គ្រងភ្លើងបាន។ អគ្គិភ័យនេះកើតចេញពីហាងលក់សម្លៀកបំពាក់នោះតែម្តង​ ដោយបណ្ដាលមកពីឆ្លងចរន្តអគ្គិសនី។ មិនមានអ្នករង របួស ឬ ស្លាប់ក្នុងហេតុការណ៍នោះទេ៕