(បាងកក)៖ ប៉ូលិសក្រុង Patong នៃខេត្ត Phuket ប្រទេសថៃ បានចុះដោះស្រាយនូវឧប្បត្តិហេតុដ៏ចលាចលមួយនៅពេលយប់ ពាក់ព័ន្ធនឹងអ្នកទេសចរជនជាតិប្រេស៉ីលម្នាក់ ដែលមានអាកប្បកិរិយាមិនប្រក្រតី ហើយបានឡើងទៅលើដំបូលហាងម៉ាស្សាមួយកន្លែង នៅលើផ្លូវ Thaweewong។ នេះបេីយោងតាមការចេញផ្សាយដោយកាសែ ត Khaosod នៅថ្ងៃសៅរ៍ ទី ២៣ ខែសីហា ឆ្នាំ ២០២៥។

ប៉ូលិសបានឱ្យដឹងថា ដំបូងឡេីងបុរសរូបនោះហាក់ស្ងប់ចិត្ត និងយល់ព្រមទៅមន្ទីរពេទ្យ ប៉ុន្តែក៏ចលាចលម្តងទៀតនៅពេលទៅដល់មន្ទីរពេទ្យ ហេីយបុគ្គលិកពេទ្យមិនអាចគ្រប់គ្រងបាន។

បន្ទាប់មក ប៉ូលិស បានចាប់ខ្លួនគាត់ ដោយចោទប្រកាន់ពីបទស្រវឹងជាសាធារណៈ និងប្រព្រឹត្តសកម្មភាពគ្មានសណ្តាប់ធ្នាប់ ដែលអាចបង្កគ្រោះថ្នាក់ដល់ខ្លួនឯង ឬ អ្នកដទៃ។ បុរសនេះត្រូវបានសមត្ថកិច្ចកសាងសំណុំរឿង បញ្ជូនទៅកាន់អធិការដ្ឋាននគរបាលក្រុង ដើម្បីចាត់ការបន្តតាមផ្លូវច្បាប់ នៅថ្ងៃដដែល៕