(បាងកក)៖ អាជ្ញាធរថៃបានដាក់ខេត្តចំនួន ៤៥ រួមទាំងទីក្រុងបាងកក ឱ្យស្ថិតក្នុងភាពប្រុងប្រយ័ត្នខ្ពស់បំផុត ដើម្បីត្រៀមទប់ទល់នឹងព្យុះត្រូពិក Kajiki ដែលត្រូវបានព្យាករណ៍ថា នឹងបង្កឱ្យមានភ្លៀងធ្លាក់ខ្លាំង និងខ្យល់កន្ត្រាក់ចាប់ពីថ្ងៃទី២៤ ដល់ថ្ងៃទី២៧ ខែសីហា។ នេះបើយោងតាមការចេញផ្សាយ ដោយសារព័ត៌មានក្នុងស្រុកថៃ។

រដ្ឋមន្ត្រីក្រសួងមហាផ្ទៃថៃ បានចេញបទបញ្ជាឱ្យអភិបាលខេត្តទាំងអស់ បង្កើនការត្រៀមលក្ខណៈជាអតិបរមា ខណៈនាយកដ្ឋានបង្ការគ្រោះមហន្តរាយ (DDPM) បានបង្កើតមជ្ឈមណ្ឌលបញ្ជាការសង្គ្រោះបន្ទាន់មួយ ដើម្បីតាមដានស្ថានការណ៍ព្យុះនេះយ៉ាងដិតដល់៕