(មូស្គូ)៖​ ប្រធានសភានៃប្រទេសរុស្ស៉ី​ លោក Vyacheslav Volodin បានលេីកឡេីងក្នុងសុន្ទរកថាមួយ​ចេញផ្សាយនាថ្ងៃចន្ទ​ ទី២៥​ ខែសីហាថា​ លោកនឹងពិភាក្សាអំពីការប្រឆាំងទៅនឹងសម្ពាធទណ្ឌកម្ម ក៏ដូចជាការជ្រៀតជ្រែកពីខាងក្រៅ​ នៅពេលដែលលោកជួបជាមួយសមភាគីចិន​ នៅទីក្រុងប៉េកាំង​ ក្នុងសប្តាហ៍នេះ។​ នេះបេីយោងតាមការចេញផ្សាយដោយទីភ្នាក់ងារសារព័ត៌មាន​ Reuters។

លោក Volodin បានដឹកនាំគណៈប្រតិភូរុស្ស៉ី​ ទៅដល់ប្រទេសចិន​ហេីយ នាថ្ងៃចន្ទនេះ​ សម្រាប់ដំណើរទស្សនកិច្ចផ្លូវការ។​ សារព័ត៌មានរុស្ស៉ី​ TASS​ បានដកស្រង់សម្តីលោក Volodin​ ដែលបញ្ជាក់ថា​ នៅលេីរបៀវីរៈ​ មានការទប់ទល់នឹងសម្ពាធទណ្ឌកម្ម និងការជ្រៀតជ្រែកពីខាងក្រៅ ពង្រីកទំនាក់ទំនងពាណិជ្ជកម្ម និងសេដ្ឋកិច្ច​ ការពារការពិតនៃប្រវត្តិសាស្រ្ត ការផ្លាស់ប្តូរកម្រិតយុវជនដើម្បីពង្រឹងកិច្ចសហប្រតិបត្តិការមនុស្សធម៌។ សម្ពាធ​ទណ្ឌកម្ម​ ​ក៏ចង់សំដៅផងដែរដល់កិច្ចខិតខំ​ប្រឹងប្រែង​របស់​សហរដ្ឋអាមេរិក​ដើម្បី​ឱ្យ​ចិន​បញ្ឈប់​ការ​នាំ​ចូល​ប្រេង​ពី​រុស្ស៉ី។

គួរបញ្ជាក់ថា​ ទស្សនកិច្ចនៃសភារុស្ស៉ីនាពេលនេះ​ ធ្វើឡើងមុនដំណើរទស្សនកិច្ចរបស់ប្រធានាធិបតីរុស្ស៉ី​ លោក​ វ្ល៉ាឌីមៀ ពូទីន ទៅកាន់ប្រទេសចិននៅចុងខែសី​ហា​ ដេីម្បីចូលរួមប្រារព្ធពិធីរំលឹកដល់ការបញ្ចប់សង្រ្គាមលោកលើកទី២ និងកិច្ចប្រជុំកំពូលជាមួយបណ្តាថ្នាក់ដឹកនាំចិន៕