(ប៉េកាំង)៖ ថ្ងៃទី២២ ខែសីហា តាមម៉ោងក្នុងតំបន់ ពិធីចាប់ដំណើរការយុទ្ធនាការប្រមែប្រមូលស្នាដៃភាពយន្តនិងទូរទស្សន៍AIទូទាំពិភពលោកក្រោមប្រធានបទ “ពេលអនាគមដ៏ល្អបវររបស់មនុស្សជាតិ” បានប្រារព្ធធ្វើនៅក្រុង Los Angeles។សកម្មភាពលើកនេះបានរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិន និងវិទ្យាស្ថានភាពយន្តញូវយ៉កអាមេរិកនៅ Hollywood នៅក្រុង Los Angeles។

លោក Shen Haixiong អនុរដ្ឋមន្ត្រីក្រសួងឃោសនាការ នៃគណៈកម្មាធិការមជ្ឈិមបក្សកុម្មុយនីស្តចិន និងជាប្រធានអគ្គស្ថានីយវិទ្យុ និងទូរទស្សន៍មជ្ឈិមចិនបានថ្លែងសុន្ទរកថា ជាលាយលក្ខណ៍អក្សរ។ នៅនឹងកន្លែងបានរៀបចំសកម្មភាព បានធ្វើបទបង្ហាញចំពោះសញ្ញានៃប៉ុស្តិ៍ភាពយន្តនៃអគ្គស្ថានីយវិទ្យុនិងទូរទស្សន៍មជ្ឈិមចិន នេះក៏ជាលើកទី១ដែលប៉ុស្តិ៍ភាពយន្តបានបង្ហាញមុខនៅ Hollywood។

ថ្លែងក្នុងសុន្ទរកថាជាលាយលក្ខណ៍អក្សរ លោកShenHaixiongបានលើកឡើថា ក្រោមការណែនាំនៃស្មារតីសុន្ទរកថាសំខាន់ៗ របស់លោក Xi Jinping ស្តីពីភាពវៃឆ្លាតសិប្បនិម្មិត អគ្គស្ថានីយវិទ្យុនិងទូរទស្សន៍មជ្ឈិមចិន បានបំផុសយុទ្ធនាការប្រមែប្រមូលស្នាដៃភាពយន្តនិងទូរទស្សន៍ AI ទូទាំងពិភពលោកចំពោះមិត្តទាំងអស់លើពិភពលោក។

នេះជាការអនុវត្តប្រកបដោយភាពច្នៃប្រឌិតថ្មីដែល AI ផ្តល់កម្លាំងរស់រវើកដល់ការផលិតភាពយន្តនិងទូរទស្សន៍។ នេះជាការផ្លាស់ប្តូរនិងរៀនសូត្រគ្នាទៅវិញទៅមកដែល AI ផ្តល់ជំនួយដល់កិច្ចសន្ទនាអរិយធម៌។ នេះជាការចាប់ដៃធ្វើកិច្ចសហប្រតិបត្តិការដែល AI តភ្ជាប់ដៃគូទូទាំងពិភពលោក។

អគ្គស្ថានីយវិទ្យុនិងទូរទស្សន៍មជ្ឈិមចិនរីករាយចាត់ទុកភាពយន្តនិងទូរទស្សន៍ជាចំណងនិងចាត់ទុក AI ជាស្ពាន ដើម្បីរួមគ្នាជំរុញការអភិវឌ្ឍនិងអភិបាលកិច្ច នៃភាពវៃឆ្លាតសិប្បនិម្មិតជាមួយមិត្តទូទាំងពិភពលោក៕

វិទ្យុមិត្តភាពកម្ពុជាចិន