(វ៉ាស៊ីនតោន)៖ រដ្ឋមន្ត្រីការបរទេសអ៉ីស្រាអែល លោក Gideon Saar បាននិយាយថានឹងមិនមានឡើយរដ្ឋប៉ាឡេស្ទីន ជាការឆ្លើយតបទៅនឹងសំណួរថាតើអ្វីទៅជាផែនការសម្រាប់ ការបង្កើតរដ្ឋប៉ាឡេស្ទីន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។

លោក Gideon Saar ធ្វើការកត់សម្គាល់បែបនេះប្រាប់ក្រុមអ្នកសារព័ត៌មាន បន្ទាប់ពីកិច្ចប្រជុំជាមួយរដ្ឋមន្ត្រីការបរទេសអាមេរិក លោក Marco Rubio នៅក្នុងទីក្រុងវ៉ាស៊ីនតោន នៅថ្ងៃពុធ ទី២៧ ខែសីហា ជាកិច្ចប្រជុំមួយដែលប្រមុខការទូតអ៉ីស្រាអែលរូបនេះចាត់ទុកថាប្រកបទៅដោយរលូន។ លោក Saar ក៏បានរិះគន់ផងដែរលើបណ្ដាប្រទេសអឺរ៉ុប និងលោកខាងលិចមួយចំនួនដែលបានប្រកាសពីផែនការទទួលស្គាល់រដ្ឋប៉ាឡេស្ទីន ហើយថែមទាំងអះអាងទៀតផងថាស្ថានការណ៍មនុស្សធម៌ក្នុងតំបន់ហ្កាហ្សាមានភាពល្អប្រសើរឡើង គួរឱ្យកត់សម្គាល់ បើទោះជាក្រុមអ្នកជំនាញគាំទ្រដោយអង្គការសហប្រជាជាតិ បានទទួលស្គាល់ជាផ្លូវការពីគ្រោះអត់ឃ្លានក្នុងតំបន់ហ្កាហ្សាក៏ដោយ។

គួរបញ្ជាក់ថា បើតាមលោក Saar អ៉ីស្រាអែលនឹងផ្តោតជាអាទិភាពលើផលប្រយោជន៍យុទ្ធសាស្ត្រ ជាជាទំនាក់ទំនងសាធារណៈ៕