(សេអ៊ូល)៖ នៅថ្ងៃចន្ទ ទី២៩ ខែកញ្ញា កូរ៉េខាងត្បូង បានទទួលស្វាគមន៍ក្រុមអ្នកទេសចរចិន ដែលត្រូវបានអនុញ្ញាតឱ្យចូលក្នុងប្រទេសដោយមិនចាំបាច់មានទិដ្ឋាការ នៅក្នុងវិធានការមួយដែលខ្លួនសង្ឃឹមថានឹងជំរុញសេដ្ឋកិច្ច ក៏ដូចជាកែលម្អទំនាក់ទំនងចិនដែលជាមួយប្រទេសជិតខាង។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters។

ជាផ្នែកមួយនៃកម្មវិធីសាកល្បងដែលនឹងដំណើរការរហូតដល់ខែមិថុនា ឆ្នាំ២០២៦ អ្នកទេសចរចិនមានគ្នាពីទៅបីនាក់ អាចស្ថិតនៅក្នុងប្រទេសកូរ៉េខាងត្បូង ដោយគ្មានទិដ្ឋាការរយៈពេល ១៥ថ្ងៃ។ សកម្មភាពនេះ កើតឡើង មុនថ្ងៃឈប់សម្រាកបុណ្យជាតិរបស់ចិន ពីថ្ងៃទី១ ដល់ថ្ងៃទី៨ ខែតុលា ស្របគ្នានឹងថ្ងៃ ឈប់សម្រាករបស់កូរ៉េខាងត្បូងដែរ។

ក្រុមហ៊ុនកូរ៉េខាងត្បូង កំពុងស្វែងរកអត្ថប្រយោជន៍ពីតម្រូវការនានា​ ដោយក្រុមហ៊ុនទេសចរណ៍ Shilla Duty Free បានរៀបចំឱ្យមានដំណើរកម្សាន្តតាមនាវាចិន និងកម្មវិធីកម្ម៉ង់អាហារដែលអាចទូទាត់ប្រាក់បានតាមកម្មវិធី Alipay និង WeChat Pay ជាដេីម។

គួរបញ្ជាក់ថា ការលេីកលែងទិដ្ឋាការរយៈពេល ១៥ថ្ងៃសម្រាប់អ្នកទេសចរចិន ត្រូវបានប្រកាសកាលពីខែមីនា ដេីម្បីឆ្លេីយតបនឹងការសម្រេចចិត្តរបស់ចិនកាលពីខែវិច្ឆិកាឆ្នាំមុន ដែលផ្តល់ការលើកលែងទិដ្ឋាការដល់ប្រជាជនកូរ៉េខាងត្បូងរហូតដល់ ៣០ថ្ងៃ៕