(ហាណូយ)៖ វៀតណាមរំពឹងថានឹងអាចចុះកិច្ចព្រមព្រៀងពាណិជ្ជកម្មជាមួយសហរដ្ឋអាមេរិកក្នុងពេលឆាប់ៗ ខណៈកិច្ចចរចាជុំថ្មីកំពុងប្រព្រឹត្តទៅក្នុងទីក្រុងវ៉ាស៊ីនតោន។ នេះបើតាមឧបនាយករដ្ឋមន្ត្រីវៀតណាម លោក Bui Thanh Son ដកស្រង់ចេញផ្សាយដោយទីភ្នាក់ងារសារព័ត៌មាន Reuters។

លោក Bui Thanh Son ធ្វើការកត់សម្គាល់បែបនេះនៅឯកិច្ចប្រជុំធុរកិច្ចអាមេរិក-វៀតណាមក្នុងទីក្រុងហាណូយ នៅថ្ងៃពុធ ទី១២ ខែវិច្ឆិកា។ លោកឧបនាយករដ្ឋមន្ត្រីវៀតណាមបានគូសបញ្ជាក់ដូច្នេះថា «មានតែការជឿទុកចិត្តគ្នាប៉ុណ្ណោះអាចនាំទៅរកកិច្ចសហប្រតិបត្តិការ ហើយមានតែកិច្ចសហប្រតិបត្តិការប៉ុណ្ណោះអាចនាំទៅរកភាពរុងរឿង...ហើយវៀតណាមតែ

ងតែខ្នះខ្នែងជំរុញកិច្ចសហប្រតិបត្តិការជាមួយ សហរដ្ឋអាមេរិក»។

គួរបញ្ជាក់ថា កាលពីខែតុលាកន្លងទៅ សហរដ្ឋអាមេរិក និងវៀតណាមបានឯកភាពគ្នាថានឹងបង្ហើយកិច្ចព្រមព្រៀងពាណិជ្ជកម្មមួយ ក្នុងពេលប៉ុន្មានសប្ដាហ៍ដែលនឹងរក្សាអត្រាពន្ធគយលើទំនិញវៀតណាមនាំចូល ទៅកាន់សហរដ្ឋអាមេរិក ក្នុងកម្រិត ២០ភាគរយ។ ប៉ុន្តែលើកលែងចំពោះផលិតផលមួយចំនួន។ តាមក្រសួងឧស្សាហកម្ម និងពាណិជ្ជកម្មវៀតណាម កិច្ចចរចាពាណិជ្ជកម្មជុំថ្មីរវាងប្រទេសទាំង២ នឹងប្រព្រឹត្តទៅ ពីថ្ងៃទី១២ ដល់ថ្ងៃទី១៤ ខែវិច្ឆិកា៕