(អង់តាណាណារីវ)៖ ប្រធានាធិបតីបណ្ដោះអាសន្នរបស់ប្រទេសម៉ាដាហ្កាស្កា ដែលដណ្តើមអំណាចបានកាលពីខែមុន បានបង្ហាញពេជ្រមិនទាន់កែច្នៃទម្ងន់ ៣០០គីឡូក្រាម ដែលលោកនិយាយថា វាត្រូវបានគេរកឃើញនៅក្នុងវិមានប្រធានាធិបតី។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី២០ ខែវិច្ឆិកា ឆ្នាំ ២០២៥។

ពេជ្រមិនទាន់កែច្នៃ រំលេចដោយពណ៌បៃតងភ្លឺចែងចាំង ត្រូវបានបង្ហាញកាលពីថ្ងៃអង្គារ នៅខាងក្នុងវិមានប្រធានាធិបតីម៉ាដាហ្កាស្កា ក្នុងរដ្ឋធានី Antananarivo។ លោក Michael Randrianirina គូសបញ្ជាក់ថា «នេះ​ជា​ទ្រព្យសម្បត្តិ​ជាតិ។ វា​អាច​នឹង​ត្រូវ​ដាក់​លក់ ហើយ​អាស្រ័យ​លើការពន្យល់ពី​រដ្ឋមន្ត្រី​ អំពី​នីតិវិធី​ដែល​នឹង​ត្រូវ​អនុវត្ត​ដើម្បី​បង្កើន​ចំណូល​​រដ្ឋ» ដោយ​សន្យា​ថា​នឹង​មាន «តម្លាភាព​ពេញលេញ»។

លោក Michael Randrianirina មិនបានផ្តល់ព័ត៌មានលម្អិតអំពីការរកឃើញដោយវិធីណា ពេលណា និងនៅទីកន្លែងណាទេ។ រដ្ឋាភិបាល​របស់លោក​និយាយ​ថា ចំណូលដែលបានមក​ពី​ការ​លក់ត្បូងពេជ្រនេះ ​នឹង​ចូល​ទៅ​ក្នុង​រតនាគារ​ជាតិ៕